ໜ້າຫຼັກ Muan Specialty Working Tips ເປັນຫຍັງການສະເຫຼີມສະຫຼອງ ແລະ ດົນຕີ ຈຶ່ງສົ່ງຜົນດີຕໍ່ການເຮັດວຽກ?
Working Tips

ເປັນຫຍັງການສະເຫຼີມສະຫຼອງ ແລະ ດົນຕີ ຈຶ່ງສົ່ງຜົນດີຕໍ່ການເຮັດວຽກ?

ແບ່ງປັນ

ເປັນຫຍັງການສະເຫຼີມສະຫຼອງ ແລະ ດົນຕີ ຈຶ່ງສົ່ງຜົນດີຕໍ່ການເຮັດວຽກ? ແຊຣ໌ຂໍ້ຄິດດີໆທີ່ໄດ້ຈາກການຮ່ວມງານ Christmas Get Together and Winter Sonata ທີ່ Crowne Plaza ແລະ Holiday Inn & Suites Vientiane

ແອັດມິນຢາກມາເລົ່າເລື່ອງລາວຫຼັງຈາກທີ່ໄປຮ່ວມງານຂອງ ຄຣາວພລາຊ່າ ແລະ ຮໍລິເດ ອິນ ແອນ ສຫວີທສ໌ ວຽງຈັນ (Crowne Plaza Vientiane ແລະ Holiday Inn & Suites Vientiane) ເມື່ອວັນພະຫັດທີ 12 ທັນວາ 2024 ທີ່ຜ່ານ ເຊິ່ງພວກເຂົາໄດ້ສ້າງສັນຄໍ່າຄືນແຫ່ງເທດສະການທ້າຍປີຜ່ານງານ Christmas Get Together and Winter Sonata Concert ທີ່ເຕັມປ່ຽມໄປດ້ວຍບັນຍາກາດແຫ່ງຄວາມສຸກ ແລະ ຄວາມສ້າງສັນ.

ໃນຄໍ່າຄືນທີ່ພິເສດນີ້ ທີມງານ Muan Specialty ແລະ ແຂກທຸກຄົນໄດ້ສຳຜັດກັບຊ່ວງເວລາແຫ່ງການພັກຜ່ອນທີ່ອົບອຸ່ນ ບໍ່ວ່າຈະເປັນອາຫານ ແລະ ເຄື່ອງດື່ມທີ່ຄັດສັນມາຢ່າງພິຖີພິຖັນ ຊ່ວຍເສີມບັນຍາກາດໃຫ້ໜ້າຈົດຈຳ. ການສົນທະນາກັນໃນລະຫວ່າງທີ່ມີການບັນເລງບົດເພງທີ່ແສນພິເສດຈາກ Christmas Choir ເຮັດໃຫ້ທຸກຄົນສຳຜັດໄດ້ເຖິງບັນຍາກາດຂອງຄຣິສມາດ ແລະ ປີໃໝ່ທີ່ກຳລັງຈະມາຮອດ.

ນອກຈາກນັ້ນ ໃນງານຍັງມີການສະແດງຄອນເສີດອໍເຄສຕຣາ Winter Sonata Concert ຈາກ The Pianist Vientiane Orchestra ທີ່ສ້າງສັນດົນດີທີ່ເຊື່ອມໂຍງຄວາມຄລາດສິກ, ຮ່ວມສະໄໝ ແລະ ວັດທະນະທຳລາວເຂົ້າກັນຢ່າງລົງຕົວ. ສຽງດົນຕີທີ່ມ່ວນໆບໍ່ພຽງແຕ່ສ້າງຄວາມເພີດເພີນ ແຕ່ຍັງເປັນແຮງບັນດານໃຈທີ່ກະຕຸ້ນໃຫ້ເຮົາຮັບຮູ້ເຖິງຄວາມງົດງາມຂອງສິລະປະ, ຊີວິດ, ການເຕີມແຮງບັນດານໃຈ ແລະ ການພັກຜ່ອນຫຼັງຈາກທີ່ເຮັດວຽກມາຢ່າງຍາວນານຕະຫຼອດປີ.

ແລ້ວເປັນຫຍັງພວກເຮົາຈຶ່ງເອົາເລື່ອງນີ້ມາເລົ່າສູ່ທຸກຄົນຟັງ? ຈາກການໄປຮ່ວມງານນີ້ ພວກເຮົາຄິດວ່າ ນີ້ບໍ່ແມ່ນພຽງແຕ່ການໄດ້ໄປພັກຜ່ອນ ແລະ ພົບປະກັບຜູ້ຄົນເທົ່ານັ້ນ ແຕ່ຍັງໄດ້ຂໍຄິດດີໆກ່ຽວກັບຄວາມສຳຄັນຂອງການພັກຜ່ອນ ທີ່ມີຜົນຕໍ່ກັບການເຮັດວຽກເຊັ່ນ:

  1. ສຳລັບຜູ້ທີ່ເຮັດວຽກໃນສາຍຄຣີເອທີບ ແລະ ການຕະຫຼາດ, ການໄດ້ສຳຜັດກັບງານທີ່ສ້າງບັນຍາກາດແບບນີ້ ສາມາດເປັນແຫຼ່ງສ້າງແຮງບັນດານໃຈທີ່ດີເລີຍ ບໍ່ວ່າຈະເປັນການອອກແບບປະສົບການໃຫ້ກັບລູກຄ້າ ຫຼື ການຄິດແຄມເປນທີ່ເນັ້ນຄວາມຮູ້ສຶກເຊື່ອມໂຍງກັບຜູ້ຄົນ; ການປະສົມປະສານວັດທະນະທຳ ແລະ ສິລະປະເຂົ້າກັບການເລົ່າເລື່ອງໃນງານສະແດງດົນຕີຄັ້ງນີ້ ສະແດງໃຫ້ເຫັນວ່າ ຄວາມຄິດສ້າງສັນສາມາດເຂົ້າເຖິງຈິດໃຈຂອງຄົນໄດ້ຢ່າງເລິກເຊິ່ງ.
  2. ການພັກຜ່ອນ ແລະ ດື່ມດໍ່າກັບສຽງເພງ ມີປະໂຫຍດຢ່າງສູງຕໍ່ກັບຊີວິດຂອງໄວເຮັດວຽກ. ຈາກການວິໄຈພົບວ່າ ການຟັງດົນຕີຊ່ວຍຫຼຸດລະດັບຄວາມເຄັ່ງຕຶງ ແລະ ກະຕຸ້ນການຜະລິດຮໍໂມນແຫ່ງຄວາມສຸກ ເຊັ່ນ: ໂດປາມີນ ເຊິ່ງສົ່ງຜົນດີຕໍ່ສຸຂະພາບຈິດ ແລະ ຮ່າງກາຍ. ນອກຈາກນີ້ ການຢຸດພັກເພື່ອສຳຜັດປະສົບການທາງດົນຕີ ຊ່ວຍເພີ່ມຄວາມຄິດສ້າງສັນ ແລະ ການຈົດຈໍ່ໃນການເຮັດວຽກໃນໄລຍະຍາວ,
  3. ການລວມຕົວກັນໃນກິດຈະກຳແບບນີ້ ຍັງສົ່ງເສີມຄວາມສຳພັນທີ່ດີໃນທີມ ແລະ ການສື່ສານທີ່ມີປະສິດທິພາບໃນບ່ອນເຮັດວຽກອີກດ້ວຍ.

ສະຫຼຸບກໍຄື ໃນມຸມຂອງພວກເຮົາ, ງານນີ້ບໍ່ພຽງແຕ່ເປັນການສະເຫຼີມສະຫຼອງ ແຕ່ຍັງເປັນໂອກາດທີ່ເປີດພື້ນທີ່ໃຫ້ກັບການຢຸດພັກຜ່ອນ ແລະ ເຊື່ອມໂຍງຄວາມສຳພັນລະຫວ່າງກັນ ລວມທັງກະຕຸ້ນໃຫ້ເຮົາເລີ່ມຕົ້ນປີໃໝ່ທີ່ກຳລັງຈະມາຮອດນີ້ດ້ວຍຄວາມຮູ້ສຶກສົດຊື່ນ ແລະ ມີພະລັງສ້າງສັນຢ່າງເຕັມທີ່. ຖ້າຫາກໃຜກໍຕາມທີ່ກຳລັງຊອກຫາແຮງບັນດານໃຈສຳລັບການພັກຜ່ອນໃນຊ່ວງທ້າຍປີ, Crowne Plaza ແລະ Holiday Inn & Suites Vientiane ອາດຈະເປັນຄຳຕອບທີ່ຊ່ວຍເຕີມເຕັມທັງຈິດໃຈ ແລະ ພະລັງງານຂອງເຮົາກໍໄດ້.

ອ່ານຕື່ມ:  ເສບຄອນເທັນບໍ່ມີໂຫຍດຈົນສະໝອງເນົ່າ - Brain Rot ກາຍເປັນຄຳສັບແຫ່ງປີ ແລະ ສິ່ງທີ່ນັກການຕະຫຼາດຄວນຫຼີກເວັ້ນໃນການເຮັດຄອນເທັນ

ແລ້ວທຸກຄົນເດ, ຄິດວ່າການພັກຜ່ອນສະເຫຼີມສະຫຼອງ ແລະ ການສຳຜັດປະສົບການທາງດົນຕີ ມີຜົນດີກັບໂຕເອງແນວໃດແດ່? ຢ່າລືມຄອມເມັ້ນລົມກັນໄດ້ເດີ.

ໂດຍ: ທີມບັນນາທິການ Muan

ຂຽນໂດຍ
Chanthasone Insixiangmai -

ຄອນເທັນຄຣີເອເຕີຜູ້ມັກເອົາເລື່ອງຕ່າງໆທີ່ພົບມາໃນຊີວິດປະຈຳວັນມາເລົ່າຕໍ່ໃນຮູບແບບທີ່ເຂົ້າໃຈງ່າຍ. ມັກການຂຽນ, ການຖ່າຍຮູບ ແລະ Pop Culture

ບົດຄວາມທີ່ກ່ຽວຂ້ອງ
oost happiness at work with insights from world-class leaders—simple strategies for daily fulfillment!
Muan SpecialtyWorking Tips

5 ຂໍ້ຄິດສຳລັບການເຮັດວຽກ ຈາກບຸກຄົນລະດັບໂລກ ທີ່ຈະເຮັດໃຫ້ເຮົາມີຄວາມສຸກທຸກມື້ໃນບ່ອນເຮັດວຽກ

ການສ້າງຄວາມສຸກໃນບ່ອນເຮັດວຽກບໍ່ແມ່ນຄວາມຝັນ—ມັນເປັນໄປໄດ້! ຮຽນຮູ້ 5 ຂໍ້ຄິດຈາກຜູ້ນໍາທີ່ປະສົບຄວາມສຳເລັດລະດັບໂລກ ເພື່ອສ້າງຄວາມພິເສດໃນທຸກໆມື້ຂອງການເຮັດວຽກ.

Working Tips

5 ວິທີ ແກ້ການສື່ສານທີ່ບໍ່ມີປະສິດທິພາບໃນບ່ອນເຮັດວຽກ ກ່ອນທີມຈະພັງ

ການສື່ສານທີ່ບໍ່ມີປະສິດທິພາບອາດເປັນຕົ້ນຕໍຂອງຄວາມຂັດແຍ້ງ, ຄວາມເຂົ້າໃຈຜິດ, ແລະ ຜົນງານທີ່ຫຼ້າຊ້າ. ບົດຄວາມນີ້ຈະຊ່ວຍໃຫ້ເຈົ້າຮູ້ຈັກ 5 ວິທີທີ່ສາມາດແກ້ໄຂການສື່ສານໃນທີມຂອງເຈົ້າ, ປ້ອງກັນບໍ່ໃຫ້ວຽກຂອງເຈົ້າຫຼ້າຊ້າ ແລະ ສ້າງສິ່ງແວດລ້ອມທີ່ເຮັດວຽກໄດ້ຢ່າງມີຄວາມສຸກ!

Working Tips

ບໍ່ແມ່ນ “ຄົນເກັ່ງບໍພໍ” ແຕ່ບໍ່ຮູ້ວ່າ “ຈະເກັ່ງໄປເພື່ອຫຍັງ” ບົດຮຽນຈາກ ນິ້ວກົມ ໃນ PPC2025

ໄດ້ມາຟັງຫົວຂໍ້ “ຈະພັດທະນາຄົນແນວໃດໃນມື້ທີ່ໂລກໄຮ້ທິດທາງ” ໂດຍ ສະຣາວຸດ ເຮ້ງສະຫວັດ ຫຼື ທີ່ຫຼາຍໆຄົນຮູ້ຈັກໃນນາມ “ນິ້ວກົມ” ຈາກງານ People Performance Conference...

Muan Specialty

ການແຕ່ງດອງສຳຄັນແນວໃດ? ກ່ອນຈັດງານ ກະກຽມແນວໃດດີ ຈຶ່ງບໍ່ປວດຫົວ

ການແຕ່ງດອງ ເປັນເລື່ອງໃຫຍ່ສຳລັບຫຼາຍໆຄົນ ໂດຍສະເພາະໄວເຮັດວຽກຄືເຮົາທີ່ກຳລັງຈະພາໂຕເອງກ້າວໄປສູ່ອີກບົດໜຶ່ງຂອງຊີວິດ, ເພາະງານແຕ່ງດອງບໍ່ແມ່ນພຽງແຕ່ພິທີທີ່ເຮົາຈັດຂຶ້ນມາເພື່ອໃຫ້ຄົນມາຮ່ວມຍິນດີແລ້ວກິນເຂົ້າກັນເສີຍໆ ແຕ່ມັນເປັນໂມເມັ້ນທີ່ບອກວ່າ ເຮົາ ແລະ ອີກຄົນໜຶ່ງຈະເລືອກຍ່າງໄປນຳກັນແລ້ວເດີ. ສຳລັບຄົນຮຸ່ນໃໝ່, ງານແຕ່ງດອງອາດຈະບໍ່ຕ້ອງຍິ່ງໃຫຍ່ຄືກັບສະໄໝກ່ອນ ແຕ່ມັນຄືການສະເຫຼີມສະຫຼອງຄວາມຮັກໃນແບບຂອງເຮົາເອງ ບໍ່ວ່າຈະຮຽບງ່າຍ...

ກ່ຽວກັບພວກເຮົາ - About Muan

ມ່ວນ - Muan.Space ຫຼື Muan.la ພື້ນທີ່ຈຸດປະກາຍແຮງບັນດານໃຈ ແລະ ສົ່ງຜົນກະທົບທີ່ດີ ໃຫ້ກັບສັງຄົມຜ່ານເລື່ອງລາວ ເນື້ອຫາສາລະ ບັນເທີງທີ່ສ້າງສັນ. ກໍ່ຕັ້ງຂຶ້ນໃນປີ 2016 ພາຍໃຕ້ບໍລິສັດການຕະຫຼາດ BIZGITAL ຈຳກັດ. 🔴👑☕🦖💼🧭 ມ່ວນ - Muan.Space ຫຼື Muan.la is the Premier Destination for Creative & Entertainment Content in Laos. A business unit of a Digital Marketing Technology, BIZGITAL Company Limited since 2016.