Muan Listen - ມ່ວນຊວນຟັງ

ຄ້າຍໆວ່າຈະຮັກ ແຕ່ອາດຈະຍັງນະ! ຟັງເພງ “ເສຍໃຈ” ຈາກ ອາລູນ້າ

ໂດຍ: Chanthasone Insixiangmai

11 November 2025● 158

ໃຜເຄີຍເຈິແດ່? ຄ້າຍໆວ່າຈະຮັກ ແຕ່… ອາດຈະຍັງນະ! ຟັງເພງໃໝ່ “ເສຍໃຈ” – ອາລູນ້າ ເພງຂອງຄົນທີ່ເກືອບຈະຖືກຮັກ ແຕ່ສຸດທ້າຍບໍ່ໄດ້ຄົບ.

Aluna ຫຼື ອາລູນ້າ ຖາວອນສຸກ ໄດ້ປ່ອຍເພງໃໝ່ອອກມາ ໃນຊື່ “ເສຍໃຈ” ເຊິ່ງເປັນເພງທີ 2 ຂອງປີນີ້ ເຊິ່ງເພງນີ້ມາໃນຟີລມ່ວນໆຈອຍໆ ແບບ Funky Pop ແລະ MV ທີ່ໄດ້ກິ່ນອາຍຂອງຍຸກ ’80.

ສຳລັບເພງນີ້ ອາລູນ້າ ໄດ້ຍົກເອົາເລື່ອງຂອງຄວາມສຳພັນແບບທີ່ບໍ່ຊັດເຈນ ຫຼື ບໍ່ມີຊື່ເອີ້ນ (Situationship) ທີ່ນຳໄປສູ່ການຫາຍໄປແບບບໍ່ມີຄຳບອກລາ (Ghosting) ຂອງອີກຝ່າຍ ຈົນກາຍເປັນຄວາມຮູ້ສຶກທີ່ເຈັບປວດ ມາເລົ່າຜ່ານເນື້ອເພງໄດ້ຢ່າງຄົມຄາຍ.

“ຄ້າຍໆວ່າຈະຮັກ… ແລະແລ້ວກໍບໍ່ຮັກ ເຂົ້າມາພຽງຫຼອກກັນ..” ເພງນີ້ຄົງເປັນເພງສຳລັບຜທີ່ “ເກືອບ” ຈະຖືກຮັກ ແຕ່ສຸດທ້າຍກໍໄດ້ຮັບພຽງຄວາມວ່າງເປົ່າ.

ສຳລັບເພງນີ້ເປັນຜົນງານເພງທີສາມຂອງປີ 2025 ນີ້ ຖັດຈາກ ເພງ “ທຸກ 5 ນາທີ” ແລະ “ຢາກຮູ້” ທີ່ປ່ອຍອອກມາເມື່ອກາງປີທີ່ຜ່ານມາ.