ຈົບໄປແລ້ວກັບບຸນປີໃໝ່ລາວ, ກັອດຈິ ຄິດວ່າຫຼາຍຄົນຕ້ອງຖືກຄັວນຫຼົງຈາກການຖືກຫົດນ້ຳຈົນໂທລະສັບປຽກ ແລະ ນ້ຳກໍເຂົ້າລຳໂພງໂທລະສັບກັນແນ່ນອນ.
ສັງເກດໄດ້ງ່າຍໆເລີຍກໍຄືສຽງລຳໂພງໂທລະສັບເລີ່ມເບົາ ຫຼື ແຕກ. ມື້ນີ້ ກັອດຈິເລີຍລວມມາໃຫ້ 4 ແອັບທີ່ຈະຊ່ວຍ “ໄລ່ນ້ຳອອກຈາກລຳໂພງ (Water Eject Apps)” ເຊິ່ງແອັບເຫຼົ່ານີ້ໃຊ້ຄື້ນສຽງຄວາມຖີ່ຕ່ຳເພື່ອດັນນ້ຳອອກຈາກລຳໂພງ.
1. Clear Wave | Water Eject
– ປ່ອຍສຽງຄວາມຖີ່ຕ່ຳ 165Hz ເພື່ອໄລ່ນ້ຳ
– ໜ້າຕາການໃຊ້ງານງ່າຍພຽງກົດປຸ່ມດຽວ
– ບໍ່ຕ້ອງດາວໂຫຼດເພງຫຼືປັບຫຍັງສັບສົນ
2. Sonic|Frequency Generator
– ເປັນແອັບທີ່ອອກແບບມາເພື່ອສ້າງຄື້ນສຽງໃນຄວາມຖີ່ຕ່າງໆ (tone generator)
– ຕັ້ງຄ່າຄື້ນຄວາມຖີ່ໄດ້ ແນະນຳໃຫ້ຕັ້ງໄວ້ທີ່ ~165Hz
– ບໍ່ໄດ້ສ້າງມາເພື່ອໄລ່ນ້ຳໂດຍກົງ, ແຕ່ໃຊ້ງານໄດ້ດີ
3. Wave Clean – Speaker Cleaner
– ເປັນແອັບທີ່ອອກແບບມາເພື່ອຊ່ວຍທຳຄວາມສະອາດລຳໂພງຂອງໂທລະສັບໂດຍການໄລ່ນ້ຳ, ຝຸ່ນ, ແລະ ສິ່ງສົກກະປົກອອກຈາກລຳໂພງ.
– ໃຊ້ຄື້ນສຽງ sinusoidal sounds ທີ່ມີຄວາມຖີ່ຕ່ຳ ~0-80Hz
– ມີຕົວເລືອກໃຫ້ໃຊ້ຄື້ນສຽງປະເພດຕ່າງໆສຳລັບການທຳຄວາມສະອາດ
4. Clean Tune – Speaker Cleaner
– ເປັນແອັບທາງເລືອກທີ່ໃຊ້ງານງ່າຍສະດວກສະບາຍ, ໂດຍການໄລ່ນ້ຳ ແລະ ສິ່ງສົກກະປົກອອກຈາກລຳໂພງດ້ວຍການໃຊ້ຄື້ນສຽງທີ່ມີຄວາມຖີ່ທີ່ກຳນົດໄວ້
– ແອັບມີຟັງຊັນວັດແທກລະດັບສຽງລົບກວນສະພາບແວດລ້ອມ (Noise Meter)
– ເລີ່ມທຳຄວາມສະອາດໂດຍເປີດແອັບ ແລະ ກົດປຸ່ມເພື່ອປ່ອຍຄື້ນສຽງ ໃຊ້ເວລາປະມານ 30-60 ວິນາທີ.
ນີ້ແມ່ນພຽງແຕ່ເປັນແອັບຕົວຊ່ວຍຂັ້ນຕົ້ນເດີ, ເຖິງຢ່າງໃດກໍ່ຕາມຖ້າລຳໂພງຍັງມີບັນຫາຫຼັງຈາກໃຊ້ແອັບແລ້ວນັ້ນ, ກັອດຈີແນະນຳໃຫ້ຕິດຕໍ່ສູນສ້ອມແປງເພື່ອກວດສອບຮາດແວພາຍໃນຕື່ມ.
ໂດຍ: ທີມບັນນາທິການ Gadzila
