|
Getting your Trinity Audio player ready...
|
YouTube ກຳລັງກຽມໃຊ້ເຕັກໂນໂລຊີ AI (Machine Learning) ເພື່ອກວດຈັບ ແລະ ປ້ອງກັນການໃຊ້ງານຂອງຜູ້ທີ່ມີອາຍຸຕ່ຳກວ່າ 18 ປີ, YouTube ມີເປົ້າໝາຍ ແລະ ຈຸດປະສົງ ປົກປ້ອງເຍົາວະຊົນຈາກເນື້ອຫາທີ່ບໍ່ເໝາະສົມ.
ການສ້າງຕັ້ງລະບົບກວດສອບໃນເທື່ອນີ້ ກໍເພື່ອເສີມສ້າງຄວາມປອດໄພໃນການໃຊ້ງານຢູ່ເທິງແພລັດຟອມຂອງ YouTube, ໂດຍລະບົບ AI ຈະກວດສອບພຶດຕະກຳການໃຊ້ງານທີ່ສະແດງອອກເຖິງອາຍຸຂອງຜູ້ໃຊ້ເຊັ່ນ: ການເລືອກເນື້ອຫາ ແລະ ຂໍ້ມູນບັນຊີຜູ້ໃຊ້ງານ.
ຫຼັງຈາກໃຊ້ AI ໃນການວິເຄາະແລ້ວ ຖ້າພົບວ່າມີການລະເມີດເງື່ອນໄຂເລື່ອງອາຍຸ YouTube ອາດຈະຈຳກັດການເຂົ້າເຖິງເນື້ອຫາ ຫຼື ບັງຄັບໃຫ້ຢືນຢັນຕົວຕົນເພີ່ມຕື່ມເພື່ອໃຫ້ໝັ້ນໃຈວ່າຜູ້ໃຊ້ງານມີອາຍຸເກີນ 18 ປີ.
YouTube ແຈ້ງວ່າຈະເລີ່ມທົດລອງກວດສອບເຄື່ອງມືໃນບາງປະເທດ ພາຍໃນທ້າຍປີ 2025 ນີ້ ແລະ ພ້ອມຂະຫຍາຍເວລາການໃຊ້ງານໄປທົ່ວໂລກພາຍໃນປີ 2026.
ໂດຍ: ທີມ Gadzila
