ມ່ວນພາມາຮູ້ຈັກ ວີນັສ ຫຼວງລາດ (V’Venus Luanglath) ອາຍຸ 19 ປີ, ຮຽນຈົບຈາກ ໂຮງຮຽນ ກຽດຕິສັກ ນານາຊາດ (KIS). ປັດຈຸບັນເປັນໜຶ່ງໃນສະມາຊິກ GIRL$GURL ເເລະ ພິທີກອນລາຍການ GIRL$GURL CHITCHAT.

ເຄີຍ Test MBTI ບໍ? ວີນັສເປັນ Type ຫຍັງ?

Venus: ວີເປັນ Type-INTP ເປັນຄົນຄິດເລິກມັກການວິເຄາະ/ຄວາມຄິດສ້າງສັນ, ເປັນຄົນມີໂລກສ່ວນໂຕສູງ ເເລະ ກົງໄປກົງມາຕາມເຫດ ເເລະ ຜົນ.

ແມ່ນຫຍັງທິ່ເຮັດໃຫ້ວິນັສສົນໃຈໃນການເປັນພິທີກອນ ແລະ ມີຫຍັງທີ່ຢາກເຮັດຕື່ມບໍ່ໃນວຽກສາຍນີ້?

Venus: ໂດຍສ່ວນໂຕເເລ້ວ ວີບໍ່ເຄີຍສົນໃຈການເຮັດວຽກໜ້າກ້ອງເລີຍ ເພາະມັກສາຍຫຼັງກ້ອງຫຼາຍກວ່າ ເເຕ່ດ້ວຍສະຖານະການພາໄປກໍເລີຍຕັດສິນໃຈລອງເຮັດເພື່ອເອົາປະສົບການຄວາມຮູ້ ເເລະ ຖ້າມີໂອກາດ ວີກໍຢາກລອງໄດ້ເຮັດວຽກຫຼັງກ້ອງເຊັ່ນ: ຕັດຄລິບ, ຖ່າຍຫນັງ, ຖ່າຍເອັມວີ ແລະ ອື່ນໆ.

ແມ່ນຫຍັງຄືຄວາມທ້າທາຍທີ່ສຸດກ່ຽວກັບການເປັນພິທີກອນ?

Venus: ການເປັນພິທີກອນສຳລັບວີເເມ່ນເປັນອິຫຍັງທີ່ challenge ໂຕເອງເເຮງ, ຖ້າໃຫ້ເວົ້າຕາມຕົງເເມ່ນວີມີຄວາມ insecure ກັບໂຕເອງສູງ, ເລີຍບໍ່ຄິດວ່າສິມາເຮັດສິ່ງນີ້ໄດ້. ຊ່ວງຖ່າຍທຳໃນໄລຍະທຳອິດ ວີມີອາການຄື: ຕື່ນກ້ອງຈົນມືສັ່ນເເຕ່ກະຢາກໃຫ້ອອກມາດີເລີຍກັດເເຂ້ວສູ້

ໃຫ້ເລົ່າຄວາມຮູ້ສຶກກ່ອນ ແລະ ຫຼັງ ຈາກການມາເປັນພິທີກອນ.

Venus: ພໍວີໄດ້ຢູ່ກັບມັນມາເລື່ອຍໆກໍເລິ່ມຮຽນຮູ້ໃນການປັບໂຕ, ເລິ່ມຈັບຈຸດໄດ້ ເເລະ ເຮັດວຽກ smooth confident ຂຶ້ນ. ວີໄດ້ຮຽນຮູ້ວິທີການເວົ້າ, ການສະເເດງອອກ ເເລະ ການເຂົ້າສັງຄົມ. ວີຮູ້ສຶກວ່າໂຕເອງເປັນຜູ້ໃຫຍ່ຂຶ້ນດ້ວຍຄວາມທີ່ໄດ້ມາເຮັດວຽກໃນສັງຄົມທີ່ກວ້າງ ແລະ ອອກຈາກ comfort zone ຂອງໂຕເອງ. ຄວາມຄິດຫຼາຍໆຢ່າງກໍປ່ຽນໄປຈາກທີ່ເເຕ່ກ່ອນວີຄິດວ່າໂຕເອງຮູ້ດີທຸກຢ່າງ, ພໍມາຮອດຕອນນີ້ໄດ້ຮູ້ວ່າໃນໂລກ ເເລະ ສັງຄົມທຸກມື້ນີ້ບໍ່ມີຫຍັງຕາຍໂຕເລີຍ.

IG: vnxx_zz

ສະເໜ່ຂອງວີນັສທີ່ທຸກຄົນໃຫ້ຄຳນິຍາມ ແລະ ໄດ້ຍິນມາຕະຫຼອດ.

Venus: ຈາກຄົນອ້ອມຂ້າງນ້ອງຫຼາຍໆຄົນບອກວ່າວີເປັນ supporter ເເລະ advisor ທີ່ດີ, ຄົນສ່ວນຫຼາຍເລີຍມັກຈະມາຂໍຄຳປຶກສາ ຫຼື ລະບາຍໃຫ້ຟັງ ບໍ່ວ່າຈະເລື່ອງຄວາມຮັກ ຫຼື ເລື່ອງສ່ວນໂຕຕ່າງໆ.

ວີນັສມີ idol ຫຼື role model ບໍ?

Venus: Bada Lee ເທ້ບາດໃຈ

ວີນັສມີເປົ້າໝາຍທີ່ຢາກເຮັດ ແລະ ຕ້ອງເຮັດໃຫ້ໄດ້ມີຫຍັງແດ່?

Venus: ຄວາມຝັນສູງສຸດຂອງວີຄືການເປັນຜູ້ກຳກັບໜັງ ຖ້າມີໂອກາດກະຢາກລອງເຮັດຈັກຄັ້ງໃນຊີວິດ.

ບອກສິ່ງທີ່ເຮັດໄດ້ດີ ແລະ ສິ່ງທີ່ຍັງຮູ້ວ່າຍັງເປັນຈຸດອ່ອນ.

Venus: ຈຸດເເຂງຂອງວີໜ້າຈະເເມ່ນ ego ເຫດຜົນທີ່ວີເບິ່ງເປັນຂໍ້ດີເພາະມັນເຮັດໃຫ້ວີມີຄວາມພະຍາຍາມ, ມັນເຄີຍມີເຫດການໜຶ່ງທີ່ວີຖືກຕຳນິເລື່ອງການໃຊ້ feelings ເເຕ່ດ້ວຍຄວາມຫວງອີໂກ້ເລີຍມານັ່ງເຝິກຕົນເອງເພື່ອເຮັດໃຫ້ພວກເຂົາເຫັນວ່າເຮົາເຮັດໄດ້ ແລະ ເກັ່ງຂຶ້ນ.

ສ່ວນຈຸດອ່ອນຄືການໃຊ້ຄຳເວົ້າ ເເລະ ສີໜ້າປົກກະຕິຂອງວີ, ບາງຄັ້ງທີ່ການເວົ້າຂອງວີມັນອາດຈະເບິ່ງເເຂງກະດ້າງ ແລະ ຍັງເປັນຄົນໜ້າຫວ່ຽງຕະຫຼອດເວລາ, ຖ້າຄົນບໍ່ສະໜິດອາດຈະຄິດບໍ່ດີໄດ້ເລີຍ

ວີນັສຢາກຝາກຫຍັງຕື່ມບໍ່ກ່ຽວກັບຜົນງານຂອງເຮົາ ຫຼື ຊວນຄົນໃຫ້ມາຮູ້ຈັກເຮົາໃຫ້ຫຼາຍຂຶ້ນ.

Venus: ຝາກຕິດຕາມ YOUTUBE: @girlsgurlhood ມາເບິ່ງສາວໆໜຸ່ມໆໃນຊ່ອງຂອງພວກເຮົາໄດ້ ເເລະ ປີໜ້າພວກເຮົາຈະມີ Project ໃໝ່ມາໃຫ້ທຸກຄົນຕິດຕາມຮັບຮອງວ່ານ່າສົນໃຈບໍ່ເເພ້ CHITCHAT ເລີຍ.

ທຸກຄົນສາມາດເຂົ້າໄປໃຫ້ກຳລັງໃຈ ແລະ ຍ້ອນເບິ່ງລາຍການເພື່ອຊົມຜົນງານທີ່ GIRL$GURL CHITCHAT ທາງ YOUTUBE: @girlsgurlhood

ໂດຍ: ທີມບັນນາທິການ Muan