ພາຮູ້ຈັກ ປ້ອມ ກະມົນພົບ ແຊ້ມ The Face Men Thailand 4
ຈາກຊາຍໜຸ່ມພະເຍົາຜູ້ທີ່ເຄີຍມີຄວາມຝັນຢາກເປັນ Top Model ໃນມື້ນີ້ ປ້ອມ – ກະມົນພົບ ແກ້ວດຽວ ສາມາດເຮັດໄດ້ແລ້ວດ້ວຍການຄວ້າແຊັມເທິງເວທີໃຫຍ່ຢ່າງ The Face Men Thailand Season 4 ໃນຖານະສະມາຊິກທີມຂອງ ເມນເທີ ອອຟ ຈຸມພົນ.
ເລີ່ມຕົ້ນຈາກການເດີນສາຍປະກວດ ປ້ອມ ເປັນໜຸ່ມເໜືອ ລາວຮຽນຈົບຈາກຄະນະບໍລິຫານທຸລະກິດ ສາຂາວິຊາເອກການຈັດການ ມະຫາວິທະຍາໄລແມ່ໂຈ້. ກ່ອນຈະມາເຖິງຈຸດນີ້ ປ້ອມ ໄດ້ສະສົມປະສົບການມາຫຼາຍພໍສົມຄວນ ໂດຍສະເພາະໃນປີ 2023 ທີ່ຖືວ່າເປັນປີທອງຂອງລາວໃນການກວາດລາງວັນໃຫຍ່ລະດັບປະເທດ ແລະ ເທິງເວທີລະດັບໂລກ ບໍ່ວ່າຈະເປັນ:
- ຮອງອັນດັບ 1 Mister ChiangMai 2023
- ຮອງອັນດັບ 2 Manhunt Thailand 2023
- ຮອງອັນດັບ 4 Man of The Year 2023 (ເວທີລະດັບໂລກ!)
- ຮອງອັນດັບ 9 Manhunt Thailand 2025
ດ້ວຍສ່ວນສູງທີ່ໂດດເດັ່ນເຖິງ 189 ຊັງຕີແມັດ ບວກກັບໜ້າຕາທີ່ມີເອກະລັກ ເຮັດໃຫ້ໄປໃສກໍສະດຸດຕາຄົນໄດ້ບໍ່ຍາກ. ບໍ່ພຽງແຕ່ຍ່າງແບບເກັ່ງເທົ່ານັ້ນ ແຕ່ທັກສະການສະແດງຂອງປອມກໍເລີ່ມຕົ້ນໄດ້ງາມຫຼາຍ. ລາວປະເດີມຜົນງານລະຄອນເລື່ອງທຳອິດໃນຊີຣີສ໌ ເດືອນພາງ (ສ້າງຈາກນິຍາຍຂອງ Violet Rain) ໂດຍຮັບບົດເປັນ ອ້າຍແສງ.
ສຳລັບລາຍການ The Face Men Thailand Season 4 ຫຼັງຈາກສ້າງກະແສເທິງໂລກໂຊຊຽວໃນທຸກໆ ຕອນທີ່ຜ່ານມາ, ໂດຍບົດສະຫຼຸບສຸດທ້າຍສຳລັບຮອບ Final Walk ນີ້ ຜູ້ເຂົ້າແຂ່ງຂັນຕ້ອງເຮັດແຄມເປນສຸດຫີນພາຍໃຕ້ໂຈດ “ເທບພະບຸດສຸດເວຫາ”. ຜູ້ເຂົ້າແຂ່ງຂັນຕ້ອງໂຊທັກສະການສະແດງລະຄອນ ມີທັງແອັກຊັນ, ດຣາມ່າ ແລະ ທີ່ສຸດຄືການຂຶ້ນສະລິງ.
ໂດຍໃນຮອບຕັດສິນນີ້ໄດ້ຄັດເລືອກຜູ້ເຂົ້າແຂ່ງຂັນ 4 ຄົນສຸດທ້າຍຈາກ 3 ທີມ ຫຼັງຈາກແຂ່ງຂັນພາຍໃຕ້ໂຈດສຸດເຂັ້ມຂຸ້ນຕະຫຼອດ 7 ອາທິດທີ່ຜ່ານມາ ໄດ້ແກ່ ຄິມຫັນ ຣົນນະກອນ ຈາກທີມເມນເທີ ແພນເຄັກ ເຂມະນິດ ແລະ ອະນັນດາ ເອເວີຣິງແຮມ. ໃນສ່ວນຂອງທີມເມນເທີ ມາຍ ພາກພູມ ໄດ້ສົ່ງຕົວແທນ 2 ໜຸ່ມຄື ພີມ ນັດຖະພັດ ແລະ ກັລຟ໌ ທະນະພົງ. ໃນຂະນະທີ່ ປ້ອມ ກະມົນພົບ ກໍເປັນຕົວແທນຈາກທີມເມນເທີ ອອຟ ຈຸມພົນ ເຂົ້າຮ່ວມການແຂ່ງຂັນໃນຮອບສຸດທ້າຍ.
ແລະ ຜ່ານມາຕະຫຼອດ 7 ອາທິດ ປ້ອມ ກະມົນພົບ ຈາກທີມເມນເທີ ອອຟ ຈຸມພົນ ກໍສາມາດຄວ້າໄຊຊະນະ ແລະ ກາຍເປັນ THE FACE MEN SEASON 4 ເມື່ອວັນທີ 25 ເມສາ 2026.
