Muan Listen - ມ່ວນຊວນຟັງ

ຊວນມາ “ຕົກຂຸມຮັກ” ນຳກັນກັບໜຸ່ມຫຼໍ່ນ້ອງໃໝ່ ນ້ອຍ ພົງສັກ ສິລະປິນຈາກຄ້າຍ miracle music

ໂດຍ: Khainapha Chanthathilath

07 January 2025● 275

ເພງ “ຕົກຂຸມຮັກ” ຜົນງານທຳອິດຂອງສິລະປິນໜ້າໃໝ່ຢ່າງ ນ້ອຍ ພົງສັກ ທີ່ໄດ້ປ່ອຍເພງອອກມາໃນຊ່ວງເດືອນ ທັນວາ 2024 ທີ່ຜ່ານມາ ແລະ ໃນເອັມວີເພງນັ້ນຍັງເຮັດອອກມາໄດ້ໜ້າຮັກເປັນທຳມະຊາດ ຈົນເຮັດໃຫ້ໃຜໄດ້ເບິ່ງໄດ້ຟັງເພງກໍອົດທີ່ຈະຍິ້ມ ແລະ ຕົກຂຸມຮັກໃນສະເໜ່ໄດ້ງ່າຍໆກັບຄວາມ Freshy ນີ້ຂອງ ນ້ອຍ ພົງສັກ.

ບັນຍາກາດໃນເອັມວີນັ້ນຊວນເຮັດໃຫ້ຄິດຮອດບັນຍາກາດດີໆ ຂອງເຂດນອກເມືອງທີ່ຊາວບ້ານໄດ້ເຮັດກະສິກຳ ແລະ ຍັງຮູ້ສຶກເຖິງຄວາມຜ່ອນຄາຍໃນບັນຍາກາດຂອງເອັມວີທີ່ໄດ້ສື່ສານອອກມາ. ເພງມີຈັງຫວະຟັງງ່າຍສະບາຍໆ, ເນື້ອຫາຂອງເພງກໍບໍ່ມີຫຍັງຊັບຊ້ອນ ເໝາະກັບການເປີດຟັງໄດ້ທຸກສະຖານະການ.

ໃນເອັມວີເພງກໍໄດ້ເລົ່າເຖິງຜູ້ບ່າວຄົນໜຶ່ງ (ນ້ອຍ ພົງສັກ) ທີ່ຕົກຂຸມຮັກຜູ້ຍິງ (ເນດດາວ) ຕັ້ງແຕ່ທຳອິດທີ່ພົບເຫັນ ແລະ ທັງສອງກໍໄດ້ມີເວລາໃນການທຳຄວາມຮູ້ຈັກກັນ, ໄດ້ໃຊ້ເວລາດ້ວຍກັນ ເຊິ່ງພາບທີ່ີໄດ້ສະແດງອອກມາມັນທັງໜ້າຮັກ ແລະ ເຮັດໃຫ້ຕ້ອງເອົາໃຈຊ່ວຍທັງສອງໃຫ້ສົມຫວັງ.

ໂດຍ: ທີມບັນນາທິການ Muan