“ໃຜວ່າຮິບຮັອບ ແລະ ໝໍລຳບໍ່ເຂົ້າກັນ?” ມ່ວນ ບອກເລີຍວ່າມັນເຂົ້າກັນ ແລະ ກົມກ່ອນສຸດໆ.
ປ່ອຍໃຫ້ໄດ້ຟັງຢ່າງເປັນທາງການແລ້ວສຳລັບເພງໃໝ່ຈາກ MAO MUN ທີ່ພວກເຂົາໄດ້ຍົກທັບສິລະປິນຮິບຮັອບໃນວົງການເພງລາວທີ່ປະກອບໄປດ້ວຍ PETH PMM, JOE., E.I.P ຍັງບໍ່ໝົດພຽງເທົ່ານີ້ ເພາະເພງນີ້ຍັງໄດ້ PHON UNA ແລະ ALEX $MOKE ມາເສີມທັບຈັດເຕັມຄວາມມັນຜ່ານບົດເພງທີ່ມີຊື່ວ່າ “ໝໍລຳໃຫຍ່”
ເພງນີ້ໄດ້ຍົກເອົາແນວດົນຕີ “ຮິບຮັອບ ແລະ ໝໍລຳ” ທີ່ຫຼາຍມັກຈະບອກວ່າ ມັນເປັນໄປບໍ່ໄດ້ ຫຼື ມັນບໍ່ເຂົ້າກັນດອກ ມາປະສົມປະສານກິ່ນອາຍກົກເຄົ້າຄວາມເປັນລາວທີ່ມີທັງຄວາມອ່ອນຊ້ອຍ ແລະ ການແຣັບແບບໜັກແໜ້ນທີ່ເຊື່ອງຊ້ອນຄວາມໝາຍທີ່ກົງໃຈໃຫ້ທຸກຄົນໄດ້ຟັງວ່າສອງແນວເພງນີ້ສາມາດຢູ່ນຳກັນໄດ້ຢ່າງລົງໂຕ.
ພິເສດ MAO MUN ຍັງໄດ້ປ່ອຍເພງ ໝໍລຳໃຫຍ່ ໃຫ້ໄດ້ຟັງກັນທັງສອງເວີຊັນຄື Official ແລະ Live Performance ທີ່ງານ Muan Awards 2025.
ຕ້ອງບອກເລີຍວ່າຕ້ອງລອງໄປຟັງກັນເລີຍເດີທຸກຄົນ ເພາະຄວາມມັນຂອງຈັງຫວະແໜ້ນໆຂອງບີດ (Beat) ເພງ ແລະ ສຽງດົນຕີລາວໃນເພງນີ້ ມັນຄັກ! ພ້ອມທີ່ຈະກະຕຸ້ນໃຫ້ຕ້ອງເຕັ້ນ ແລະ ໂຢກຕາມເລີຍ.
