ອາທິດນີ້ໄປຍ່າງຫຼິ້ນ, ກິນ ແລະ ເຮັດກິດຈະກຳຕ່າງໆກັນທີ່ງານຕະຫຼາດນັດກະສິກຳທີ່ Laos-Korea Agro Fair 2025.
ງານດີໆແບບນີ້ພາດບໍ່ໄດ້ເດັດຂາດ, ມ່ວນຊວນໄປມື້ນີ້ຈະພາທຸກຄົນໄປສຳຜັດບັນຍາກາດຄວາມມ່ວນຊື່ນ ແລະ ສີສັນຂອງງານ Laos-Korea Agro Fair 2025, ໃນວັນທີ 6-7 ມິຖຸນາ 2025 ທີ່ ໄອເຕັກ (ຕຶກເກົ່າ) ເຊິ່ງງານນີ້ຈັດຂຶ້ນເພື່ອສະເຫຼີມສະຫຼອງສາຍພົວພັນການທູດລາວ-ເກົາຫຼີຄົບຮອບ 30 ປີ.
ພາຍໃນງານຍັງມີການວາງສະແດງສິນຄ້າ ແລະ ຂາຍສິນຄ້າກະສິກຳຄຸນນະພາບທັງຈາກລາວ ແລະ ເກົາຫຼີ, ພິເສດມີອາຫານແຊບໆ ແລະ ກິດຈະກຳສຸດພິເສດກັບການໂຊເຮັດອາຫານຈາກ 3 ຜູ້ຊະນະຈາກຜູ້ຊະນະໂຄງການ “ການແຂ່ງຂັນສ້າງສັນເມນູຟິວຊັ່ນລາວ-ເກົາຫຼີ 2025”.
ໃນງານຍັງມີຫຼາກຫຼາຍກິດຈະກຳໃຫ້ທຸກຄົນໄດ້ຮ່ວມເຊັ່ນ: ການສະແດງໂຊເທຄວັນໂດ, ມີມຸມຖ່າຍຮູບງາມໆ, ການແຕ້ມຮູບລະບາຍສີ, ການສະແດງສິລະປະຟ້ອນລາວ, ສວນສັດຈຳລອງໜ້າຮັກໆ ແລະ ການສະແດງຮ້ອງເພງຈາກສິນລະປິນຄ້າຍ SurfTape ພ້ອມດ້ວຍສະມາຊິກໃນຄ້າຍຢ່າງ Imel, Gomen, Deymi, ແລະ Noneh.
