ຮຽນຮູ້ວິທີໃຊ້ AI ໃນການຊ່ວຍເຮັດວຽກ ໃຫ້ໄດ້ຜົນລັບທີ່ໄດ້ດັ່ງໃຈ.
ສົງໄສບໍ່ວ່າ “ສິ່ງສຳຄັນ” ໃດ? ທີ່ມັກເຮັດໃຫ້ຄົນໃຊ້ AI ແບບຜິດວິທີ
ຫຼາຍຄົນອາດຈະຄິດໃນໃຈວ່າ “ຂ້ອຍຕ້ອງເກັ່ງໄອທີບໍ່ ຈຶ່ງຈະໃຊ້ເອໄອໄດ້ເກັ່ງ…”
ຊູ່ມື້ນີ້ເຮົາຮູ້ກັນຢູ່ແລ້ວວ່າ AI ບໍ່ແມ່ນເລື່ອງໄກໂຕເລີຍ ມັນເຂົ້າມາມີບົດບາດກັບການເຮັດວຽກຂອງຍຸກນີ້ໃນທຸກວົງການ ທຸກປະເພດຂອງອຸດສາຫະກຳກໍວ່າໄດ້.
ມ່ວນສະເປຊຽວຕີ້ ຈຶ່ງຢາກຊວນໃຜທີ່ຍັງບໍ່ທັນໄດ້ມາລອງເປີດໃຈ ມາຮຽນໃຊ້ AI ແບບງ່າຍ ໆ ພຽງ 3 ຂັ້ນຕອນແບບເລີ່ມຕົ້ນ ບໍ່ຕ້ອງເກັ່ງໄອທີເລີຍເພື່ອໃຫ້ເຮົາເຂົ້າໃຈ “ຮຽນຮູ້ວິທີໃຊ້ AI ໃນການຊ່ວຍເຮັດວຽກ ໃຫ້ໄດ້ຜົນລັບທີ່ໄດ້ດັ່ງໃຈ”:
1. ມອບວຽກທີ່ຊໍ້າຊ້ອນ ໜ້າເບື່ອໃຫ້ນ້ອງ AI ຊ່ວຍເຮັດວຽກ ແບບບໍ່ຈົ່ມຈັກຄຳ
ສົມມຸດວ່າເຈົ້າມີ “ນ້ອງເຝິກງານໜ້າໃໝ່ທີ່ສະຫຼາດສຸດ ໆ ແຕ່ເຮົາຕ້ອງສັ່ງວຽກມັນໃຫ້ເປັນ” ລອງເອົາວຽກປະຈໍາທີ່ຕ້ອງເຮັດທຸກມື້ເຊັ່ນ:
- ຮ່າງເອກະສານ
- ຮ່າງອີເມວຕອບລູກຄ້າ
- ສະຫຼຸບລາຍງານປະຈຳວັນ
- ຈັດຮູບແບບຂໍ້ຄວາມ
- ຄິດໄອເດຍໂຄສະນາຈຳນວນຫຼາຍ
- ວິເຄາະຂໍ້ມູນຈຳນວນຫຼາຍ
ມາໂຍນໃຫ້ AI ເຮັດໜ້າວຽກນີ້ຊ່ວຍແທນ ດ້ວຍການບອກຮູບແບບວິທີທີ່ເຮົາເຄີຍເຮັດມາກ່ອນ, ລາຍລະອຽດທຸລະກິດ, ຮູບແບບສິນຄ້າເອກະລັກຂອງໂຕເອງ (ໃຫ້ບອກຄືກັບບອກຄົນ ໆ ໜຶ່ງ).
2. ສ້າງຄວາມຄຸ້ນເຄີຍແບບລົມກັບຄົນ ໃຫ້ໄດ້ຜົນລັບທີ່ໄດ້ດັ່ງໃຈ
ຈຸດນີ້ຫຼາຍຄົນພາດ ເພາະໄປໃຊ້ແບບກູເກິລ.
ເຊົາເບິ່ງວ່າມັນເປັນຄືກັບ ກູເກີລ ໄວ້ຊອກຫາຂໍ້ມູນ, ແຕ່ໃຫ້ເບິ່ງວ່າມັນຄື ຜູ້ຊ່ວຍສ່ວນຕົວ.
ຕົວຢ່າງເຕັກນິກ:
"ຈົ່ງສວມບົດເປັນຜູ້ຊ່ຽວຊານດ້ານກົນລະຍຸດທຸລະກິດໃນອາຊຽນ ຊ່ວຍຂ້ອຍວິເຄາະຈຸດແຂງ ຈຸດອ່ອນ ໂອກາດ ແລະ ຄວາມສ່ຽງ ແບບກົງໄປກົງມາ ບໍ່ຕ້ອງເວົ້າເອົາໃຈ ຂໍການວິເຄາະວິຈານຢ່າງກົງໄປກົງມາ ແລ້ວເອົາມານຳສະເໜີໃນຮູບແບບທີ່ເປັນລະບົບທີ່ເຂົ້າໃຈງ່າຍ ກ່ຽວກັບໄອເດຍໂຄສະນາສິນຄ້າໃນບໍລິສັດຂອງຂ້ອຍດັ່ງຕໍ່ໄປນີ້..."ແລ້ວເຮົາກໍເອົາຂໍ້ມູນສິນຄ້າ ຫຼື ທຸລະກິດເຮົາໃຫ້ນ້ອງ AI ໄປສຶກສາວິເຄາະກັບມາລາຍງານໃຫ້ເຮົາເປັນຮູບແບບການນຳສະເໜີທີ່ເຮົາຕ້ອງການ ແລະ ໃຊ້ໄດ້ທັນທີ.
ແຕ່ຖ້າໄປໃຊ້ນ້ອງ AI ໄປຫາຂໍ້ມູນມາໃຫ້ຊື່ ໆ ຫຼື ໄປຖາມຄຳຖາມຫ້ວນ ໆ ແບບ ຂໍກຳໄລເດືອນໜ້າ 300% ເຮັດໃຫ້ແດ່ແບບນີ້ ບໍ່ເອົາເດີ 
ສໍາລັບຄົນທີ່ຍັງບໍ່ເຄີຍສົນທະນາກັບ AI ອາດຈະຟັງເບິ່ງຄືຮູ້ສຶກແປກ ໆ ຄືລົມກັບຄົນ, ແຕ່ເຮົາຢາກບອກວ່າ ນັ້ນຄືວິທີໃຊ້ AI ທີ່ຖືກຕ້ອງທີ່ສຸດ.
3. ໃຊ້ AI ໃນການຊ່ວຍເຮັດວຽກ ສິ່ງທີ່ສຳຄັນທີ່ສຸດກໍຄື ການກວດກາຈາກເຮົາເອງທີ່ເປັນມະນຸດ.
ສ່ວນນີ້ແຫຼະທີ່ຫຼາຍຄົນເບິ່ງຂ້າມທີ່ສຸດ, ເພາະຄິດວ່າມັນເຮັດມາໃຫ້ສະດວກແລ້ວ “ເອົາຕາມມັນເຮັດມາໃຫ້ນິລະ” ທັ້ງທີ່ຍັງບໍ່ທັນໄດ້ກວດ.
ຜົນທີ່ໄດ້ກໍຄື ຜົນງານທີ່ ຂາດການກວດສອບ, ຂາດວິຈາລະນະຍານ, ບໍ່ມີຄວາມເຫັນອົກເຫັນໃຈ, ບໍ່ເຂົ້າໃຈບໍລິບົດສັງຄົມທ້ອງຖິ່ນທີ່ແຕກຕ່າງກັນ, ເຊິ່ງມັນຕ້ອງມາປະສົບການໂຕຈິງຂອງຄົນທີ່ເຮັດວຽກ.
ສິ່ງເຫຼົ່ານີ້ ຕ້ອງອາໄສມະນຸດທີ່ມີຄວາມເຂົ້າໃຈ ມາປິດທ້າຍສະເໝີ. ການເບິ່ງວ່າ AI ເຮັດແທນໄດ້ໝົດ ຖືວ່າສ່ຽງເຮັດໃຫ້ສິ່ງທີ່ເຮົາເຮັດອອກໄປນັ້ນມັນຂາດຈິດວິນຍານ ແລະ ຂາດຄວາມຮູ້ສຶກນຶກຄິດ.
ຄືບົດຄວາມນີ້ ແອັດໃຫ້ AI ແນະນຳການຈັດຫົວຂໍ້ ແຕ່ເນື້ອໃນແມ່ນຂຽນເອງເດີ້ 😄 ຮູບປະກອບນ້ອງເປັດ ແມ່ນໃຊ້ Nano Banana Pro ຊ່ວຍກ່ອນ ແລ້ວເອົາມາອອກແບບໃສ່ພາສາລາວອີກເທື່ອໜຶ່ງ.
________
ໂລກຍຸກໃໝ່ມາໄວກວ່າທີ່ຄິດ ເພື່ອໃຫ້ເຮົາຢູ່ລອດ ແລະ ເຕີບໂຕໄປກັບເສດຖະກິດທີ່ທ້າທາຍ, ເລີ່ມໃຊ້ຕອນນີ້ບໍ່ຫຼ້າບໍ່ສວາຍແນ່ນອນ.
ລອງອ່ານບົດຄວາມທີ່ຢາກແນະນຳຕື່ມ:
ອ່ານເກມທຸລະກິດ ຮັບມືແນວໃດກັບໂລກ ຫຼັງຍຸກໂລກາພິວັດ ໃນມື້ທີ່ໂລກເລີ່ມໂຫດຂຶ້ນກວ່າເກົ່າ
AI ສຸດຍອດທ່າແຮງຊ່ວຍວຽກ ຈາກບົດລາຍງານຂອງ McKinsey
ໃຜທີ່ລອງໃຊ້ໃນການເຮັດວຽກໄປແລ້ວ ມີອັນໃດຢາກສອບຖາມແລກປ່ຽນຕື່ມ ເຂົ້າໄປຄອມເມັ້ນກັນໃນເພຈເຟສບຸກ Muan Specialty ໄດ້ເດີ້!
ມ່ວນຂໍຂາຍເຄື່ອງ
ທີ 13 ເດືອນ 2 ປີ 2026 ນີ້ເຮົາເຊີນ CEO ຂອງ AEIOU Solution ຈາກປະເທດໄທ 
ບໍ່ຕ້ອງເສຍເງິນແພງໄປຮຽນຮອດກຸງເທບ ເຮົາພາມາສອນຮອດນະຄອນຫຼວງວຽງຈັນ 
ມາເຮັດ workshop ໃຊ້ AI ໃນການສ້າງລາຍໄດ້ເພີ່ມສຳລັບສາຍການຕະຫຼາດ ແລະ ສາຍທຸລະກິດ.
- ເວີກຊັອບນີ້ 80% ແມ່ນຈັບມືສອນໃຊ້ໂຕຈິງກັບຂໍ້ມູນຈິງ ບໍ່ແມ່ນຟັງແຕ່ທິດສະດີ ຫຼື ເຮັດແນວຍາກ. ແຕ່ສາມາດຜະລິດງານ ຈົບຄລາສໄດ້ວຽກພ້ອມໃຊ້ໂຕຈິງເລີຍ.
- ແຈກທາງລັດ ສຳລັບສູດການສັ່ງ AI ສຳເລັດຮູບເອົາໄປໃຊ້ໄດ້ທັນທີ ບໍ່ຕ້ອງຮຽນຂຽນເອງໃໝ່ໝົດ, ໄດ້ວິທີການທີ່ແນ່ນອນ ແລະ ໄວ. ຈາກວຽກ 1 ມື້ ເຫຼືອບໍ່ຮອດ 1 ຊົ່ວໂມງ.
- ສອນໃຫ້ຮູ້ຈັກເຄື່ອງມືທີ່ຕອບໂຈດ ອັບເດດເທຣນ AI ປີ 2026 ກ່ອນໃຜ, ສອນໃຊ້ Google Nano Banana ແລະ Meta AI ເຮັດຮູບໂຄສະນາເພື່ອຊ່ວຍວຽກກຣາຟຟິກ (ຟຣີ ແລະ ອອກມາງາມ), ສອນສ້າງ Custom AI Agent ທີ່ມີຄວາມຮູ້ໃນສິນຄ້າຂອງລູກຄ້າໂດຍສະເພາະ ຊ່ວຍຕອບຄຳຖາມ ແລະ ຊ່ວຍວຽກຂາຍແອັດມິນ.
ສອນໂດຍ ຄຸນອົ້ນ ປຣິນ ຈຳເຣີນພານິດ CEO ຂອງ AEIOU Solution ຈາກປະເທດໄທ
ຮຽນຈົບແລ້ວຈະໄດ້ຫຍັງແດ່:
- ໄດ້ຮູ້ທັນເຄື່ອງມື AI ແລະ ເຂົ້າໃຈວິທີໃຊ້ AI ຢ່າງຖືກວິທີ ໃຫ້ວຽກໄວຂຶ້ນ x10 ເທົ່າ ຈະໄດ້ມີເວລາໄປໂຟກັສເລື່ອງການຕັດສິນໃຈໃນທຸລະກິດ.
- ໄດ້ວິທີສັ່ງງານ AI ໃຫ້ເປັນລະບົບໃນສະຖານະການວຽກຈິງ, ຊ່ວຍຫຼຸດຕົ້ນທຶນ, ຫຼຸດເວລາທີ່ຊ້ຳຊ້ອນ, ຫຼຸດວຽກທີ່ບໍ່ມີປະສິທິພາບ.
- ໄດ້ໃຊ້ AI ໃນການຊ່ວຍວິເຄາະ, ເຮັດບົດຄົ້ນຄວ້າ ໃນສາຍວຽກທີ່ເຮົາຕ້ອງການ ເພື່ອສ້າງກົນລະຍຸດການຕະຫຼາດໃຫ້ກັບທຸລະກິດ, ເພີ່ມຍອດຂາຍໃຫ້ເຕີບໂຕແບບກ້າວກະໂດດ.
- ໄດ້ຮູ້ຈັກໃຊ້ເຕັກນິກຂອງ AI ເພື່ອເພີ່ມປະສິທິພາບໃນວຽກຝັ່ງດຳເນີນງານ ຫຼື ວຽກສາຍ operation ເຊັ່ນ ຝ່າຍການຕະຫຼາດ ແລະ ຝ່າຍຂາຍ, ເພີ່ມປະສິທິພາບ ໄດ້ປະສິທິຜົນທີ່ຫຼາຍຂຶ້ນ.
ໄດ້ຮູ້ຈັກການສ້າງ AI ໃຫ້ເປັນຜູ້ຊ່ວຍການບໍລິຫານວຽກສ່ວນຕົວຂອງໂຕເອງ (Agentic AI) ທີ່ຈະມາຊ່ວຍວຽກໃຫ້ເຈົ້າໄວຂຶ້ນ ແລະ ເກັ່ງຂຶ້ນເປັນເທົ່າໂຕ. ເພື່ອດຳເນີນໜ້າວຽກປະຈຳວັນໃຫ້ຄ່ອງຕົວ, ຊ່ວຍໃຫ້ຂໍ້ມູນໃນການຕັດສິນໃຈ ໂດຍອີງຈາກຂໍ້ມູນຂອງທຸລະກິດຈິງຂອງເຈົ້າຂອງ.
ສະຖານທີ່ຮຽນ: ໂຮງແຮມ Doubletree by Hilton ນະຄອນຫຼວງວຽງຈັນ (ຕໍ່ໜ້ານ້ຳພຸ)
ວັນທີ: 13/02/2026, ເລີ່ມເວລາ 9:00 – 17:00 ພ້ອມ ອາຫານທ່ຽງ ແລະ ອາຫານຫວ່າງຄົບຈົບ.
ບ່ອນນັ່ງມີຈຳນວນຈຳກັດພຽງແຕ່ 
ຄົນເທົ່ານັ້ນ. ສົນໃຈຈອງນຳເຮົາ ກົດຮູບລຸ່ມນີ້ເລີຍ
