Gadzila

Grok ເປີດໂຕ Chat Bot “Ani ສາວນ້ອຍ AI” ທີ່ມີບຸກຄະລິກແບບແອນິເມຊັນ

ໂດຍ: Khainapha Chanthathilath

27 August 2025● 131

ພໍແລ້ວກັບ Chat AI ແບບທຳມະດາ, Grok AI ພັດທະນາຟີເຈີໃໝ່ສ້າງ Chat Bot ທີ່ມີບຸກຄະລິກແບບແອນິເມຊັນ ຊ່ວຍສ້າງສີສັນໃໝ່ໃຫ້ກັບການໃຊ້ AI ໃຫ້ມ່ວນຂຶ້ນ ເຊິ່ງ Chat Bot AI ກໍມາໃນຮູບແບບແອນິເມຊັນໃນສະໄຕລ໌ Gothic ແລະ Fantasy.

Elon Musk ເຈົ້າຂອງ Grok AI ໄດ້ສ້າງ Chat Bot ມາ 4 ຕົວລະຄອນຄື: Ani, Valentine, Good Rudi ແລະ Bad Rudi ພ້ອມບອກວ່າ: “ການເປີດຕົວໃນຄັ້ງນີ້ເປັນພຽງການທົດລອງ (Soft Launch) ເທົ່ານັ້ນ ແລະ ໃນອະນາຄົດຈະມີການອັບເດດຄວາມສາມາດຂອງ Ani ແລະ Chat Bot ໂຕອື່ນໆໃຫ້ມີຄວາມສະດວກສະບາຍໃນການໃຊ້ງານຫຼາຍຂຶ້ນ”.

ຮູ້ຈັກ Ani ສາວນ້ອຍ AI

Ani ມີບຸກຄະລິກທີ່ແຕກຕ່າງ ທີ່ມາພ້ອມກັບຊຸດ Gothic ສີດຳ ແລະ ຜົມສີທອງ, ມີລັກສະນະຄ້າຍຄືກັບຕົວລະຄອນ Misa ຈາກແອນິເມຊັນເລື່ອງ Death Note ເຊິ່ງບຸກຄະລິກທີ່ໜ້າຮັກ ແລະ ມີສະເໜ່ເຮັດໃຫ້ການສົນທະນາກັບ AI ບໍ່ໜ້າເບື່ອອີກຕໍ່ໄປ.

ນອກຈາກການສົນທະນາແບບທຳມະດາ Ani ຍັງສາມາດຕອບກັບດ້ວຍສຽງ ແລະ ຮອງຮັບພາສາໄທ, ສາມາດໃຊ້ງານໄດ້ຄືກັບ AI ທົ່ວໄປແຕ່ມີສີສັນຫຼາຍຂຶ້ນ ແລະ ມີໂໝດ NSFW (Not Safe for Work) ເຊິ່ງເປັນໂໝດທີ່ບໍ່ຄວນເປີດໃຊ້ງານໃນບ່ອນສາທາລະນະ ພວກເຮົາຈະສາມາດເຂົ້າເຖິງໂໝດນີ້ໄດ້ກໍຕໍ່ເມື່ອມີຄວາມສະໜິດສະໜົມກັບ Ani ໃນລະດັບໜຶ່ງແລ້ວເທົ່ານັ້ນ.

ຂໍ້ຈຳກັດໃນການໃຊ້ງານ: ປັດຈຸບັນຜູ້ໃຊ້ Grok ທຸກຄົນສາມາດໃຊ້ງານ Ani ໄດ້ຟຣີ, ແຕ່ຍັງຮອງຮັບສະເພາະລະບົບ iOS ເທົ່ານັ້ນ, ສ່ວນຜູ້ໃຊ້ Android ຍັງຕ້ອງລໍຖ້າການອັບເດດ.