21 ປີແລ້ວຜ່ານມາໄວແຮງ ຈາກໂປຣເຈັກໃນຫໍພັກຮາວາດ ຕອນນີ້ Facebook ກາຍມາເປັນຍັກໃຫຍ່ດ້ານເທັກໂນໂລຢີລະດັບໂລກ
ເປີດໂຕໃນປີ 2004 ໂດຍ ມາກ ຊັກເຄີເບີກ ໃນຖານະໂປຣເຈັກໜຶ່ງຂອງມະຫາວິທະຍາໄລຮາວາດ, Facebook ໃນຕອນຕົ້ນສາມາດໃຊ້ໄດ້ສະເພາະກຸ່ມນັກສຶກສາຂອງມະຫາວິທະຍາໄລນິ້ເທົ່ານັ້ນ ແຕ່ກໍໄດ້ມີການຂະຫຍາຍຕົວຢ່າງວ່ອງໄວສູ່ຜູ້ໃຊ້ອິນເຕີເນັດທົ່ວໄປທີ່ອາຍຸຫຼາຍກວ່າ 13 ປີ ໃນປີ 2006 ເຮັດໃຫ້ເກີດການເຕີບໃຫຍ່ແບບກ້າວກະໂດດ.
ການຂະຫຍາຍໂຕນີ້ເປັນຜົນມາຈາກການເຂົ້າຊື້ Instagram ໃນປີ 2012 ແລະ ໄດ້ມີການນຳສະເໜີຟີເຈີທີ່ສຳຄັນເຊັ່ນ: News Feed, Groups ແລະ Events ເສີມຄວາມເຂັ້ມແຂງໃນຖານະແພລດຟອມສູນກາງສຳລັບຜູ້ໃຊ້ຫຼາຍພັນລ້ານຄົນໃນແຕ່ລະມື້.
ເຖິງວ່າຈະປະສົບກັບຄວາມທ້າທາຍຕ່າງໆນານາ ເຊັ່ນ: ການຮ້ອງຟ້ອງທາງກົດໝາຍກ່ຽວກັບຊັບສິນທາງປັນຍາ ແລະ ການວິພາກວິຈານກ່ຽວກັບຄວາມເປັນສ່ວນຕົວຂອງຂໍ້ມູນຜູ້ໃຊ້, Facebook (ປັດຈຸບັນແມ່ນ Meta Platforms Inc.) ຍັງຄົງເປັນແພລດຟອມທີ່ມີຜູ້ໃຊ້ງານທີ່ເຄື່ອນໄຫວປົກກະຕິກວ່າ 3 ພັນລ້ານຄົນຕໍ່ເດືອນ ອີງຕາມຂໍ້ມູນຮອດວັນທີ 5 ມັງກອນ 2025 ເຊິ່ງນີ້ສົ່ງຜົນກະທົບຢ່າງມີຄວາມສຳຄັນຕໍ່ຂະບວນການທາງສັງຄົມ, ການເມືອງ ແລະ ເສດຖະກິດໃນທົ່ວໂລກ
ການຣີແບຣນທຸລະກິດໃນປັດຈຸບັນໄປເປັນ Meta ໄດ້ສະທ້ອນໃຫ້ເຫັນເຖິງການມຸ່ງໝັ້ນທີ່ຈະພັດທະນາ metaverse ເຊິ່ງເປັນພື້ນທີ່ຈຳລອງສຳລັບການປະຕິສຳພັນກັນຂອງຜູ້ໃຊ້ແບບ real-time, ເປັນບ່ອນທີ່ສະແດງໃຫ້ເຫັນເຖິງການວິວັດ ແລະ ຄວາມທະເຍີທະຍານໃນຕອນນີ້ ທີ່ຈະເປັນຜູ້ນຳດ້ານນະວັດຕະກຳເທັກໂນໂລຢີຂອງ Meta ເອງ ເຖິງວ່າຈະຖືກປັບໃໝຫຼາຍກວ່າ 797.7 ລ້ານຢູໂຣ ໂດຍຄະນະກຳມາທິການເອີຣົບ ຈາກການເຄື່ອນໄຫວທີ່ບໍ່ເໝາະສົມ.
ໂດຍ: ທີມ Gadzila
