Update

ເອີວິນ ATLAS ລັກມາທ່ຽວລາວ ໂພສຮູບສຸດຊິລຢູ່ຫຼວງພະບາງ

ໂດຍ: Khainapha Chanthathilath

18 May 2026● 120

ທຸກຄົນ! ສົງໄສ ເອີວິນ (Erwin) ATLAS ຈະຕິດໃຈປະເທດລາວແລ້ວ ເພາະລັກມາທ່ຽວແບບສ່ວນໂຕກັບຄອບຄົວ ແລະ ການກັບມາລາວເທື່ອນີ້ ເອີວິນ ກໍຂຶ້ນເໜືອໄປພັກຜ່ອນຊິລໆຢູ່ຫຼວງພະບາງ.

ເອີວິນ (Erwin) ATLAS ແມ່ນສິລະປິນຈາກສັງກັດ XOXO Entertainment (ຄ້າຍທີ່ ແຮ່ນນາ 4EVE ສັງກັດຢູ່) ເຄີຍມາສະແດງຄອນເສີດຢູ່ລາວໃນຊ່ວງ ເດືອນ ມີນາ ທີ່ຜ່ານມາ ເຊິ່ງ ເອີວິນ ເອງກໍໄດ້ໄປທ່ຽວປະຕູໄຊໄປຮອບໜຶ່ງລະເດີ ແລະ ກໍໄດ້ຖ່າຍ Mini Vlog ມາໃຫ້ພວກເຮົາເບິ່ງນຳ.

ຫຼືວ່າ ເອີວິນ ຈະຕິດໃຈບ້ານເຮົາແທ້ໆລະ, ເພາະລາວໄດ້ລັກກັບມາທ່ຽວຮອບສອງແບບງຽບໆ ແລະ ຮອບນີ້ ເອີວິນ ກໍໄດ້ເລືອກໄປພັກຜ່ອນຢູ່ ຫຼວງພະບາງ ເມືອງທີ່ຂຶ້ນຊື່ວ່າເປັນມໍລະດົກໂລກ ແລະ ມີທຳມະຊາດທີ່ງາມ.

ມ່ວນອັບເດດ ກໍໄປສ່ອງເບິ່ງໃນ IG ສ່ວນໂຕຂອງ ເອີວິນ ມາຄືພັກຜ່ອນແບບເປັນຕາສະບາຍໃຈແຮງ. ເພາະລາວລົງທັງຮູບ ແລະ ວິດີໂອຕອນລ່ອງເຮືອເບິ່ງວິວທຳມະຊາດງາມໆຢູ່ແມ່ນ້ຳອູ່. ເຫັນແລ້ວຄືຟີລດີສຸດໆ ຫວັງວ່າຄວາມງາມຂອງທຳມະຊາດບ້ານເຮົາຈະຊ່ວຍໃຫ້ ເອີວິນ ໄດ້ພັກຜ່ອນແບບເຕັມທີ່ເດີ.

ພາບຕອນມາ ວຽງຈັນ, ປະເທດລາວ ຄັ້ງທຳອິດ.