5 ຄວາມສຳັພນແປກໆ ໃຜທີ່ຢາກມີຮັກແທ້ຄວນຫຼີກລ້ຽງ

ເລື່ອງຂອງຄວາມສຳພັນ ເປັນເລື່ອງທີ່ຊັບຊ້ອນ, ເພາະຮູບແບບຂອງຄວາມສຳພັນ ນອກຈາກຈະຮັກກັນແລະຄົບກັນເປັນແຟນ ກໍຍັງມີອີກຫຼາກຫຼາຍຮູບແບບ, ບາງແບບກໍອາດຈະບໍ່ໄດ້ເປັນແຟນກັນ ແຕ່ມີຄວາມສຳພັນທີ່ເລິກເຊິ່ງນຳກັນ, ບາງຄົນກໍອາດຈະຮັກກັນ ຫຼື ຮັກຝ່າຍດຽວ ແຕ່ມີຮູບແບບຄວາມສຳພັນອີກແບບອື່ນ, ສະນັ້ນ ມື້ນີ້ມ່ວນຈະມາທຸກຄົນມາຮູ້ຈັກກັບ 5 ຮູບແບບຄວາມສຳພັນແປກໆ ທີ່ທຸກຄົນອາດຈະບໍ່ເຄີຍໄດ້ຍິນ ຫຼື ເຄີຍໄດ້ຍິນມາກ່ອນແລ້ວ.

1. ແອບແຊັບ (Stashing)

ປັນຄວາມສຳພັນທີ່ໄດ້ຮັບຄວາມນິຍົມຫຼາຍໃນໝູ່ໄວລຸ້ນຍຸກນີ້ ໂດຍເລີ່ມຈາກການລົມກັນ, ໄປທ່ຽວຫຼິ້ນນຳກັນ ຈົນເກີດເປັນຄວາມສຳພັນທີ່ເລິກເຊິ່ງ ແຕ່ຕ້ອງເກັບເປັນຄວາມລັບ ບໍ່ໃຫ້ໃຜຮູ້ ແລະ ຍັງເຮັດໂຕຄືຄົນໂສດ ທັງໂຕຈິງ ແລະ Social ອີກດ້ວຍ.

2. ດຽວມາ ດຽວຫາຍ (Ghosting)

ຄວາມສຳພັນແບບນີ້ແມ່ນໄວລຸ້ນຫຼາຍຄົນມັກເປັນຫຼາຍ ກໍຄືຖ້າລົມກັນແປັບໜຶ່ງ ແລ້ວຮູ້ສຶກເບື່ອ ກໍຈະຫາຍໄປເລີຍແບບບໍ່ບອກບໍ່ກ່າວ ແລະ ບໍ່ມີການບອກເລີຍວ່າຈະກັບມາຕອນໃດ.. ບາງທີການກະທຳນີ້ອາດຈະເຮັດໃຫ້ອີກຝ່າຍທີ່ເປັນຝ່າຍຖ້າເສຍໃຈກໍໄດ້.

3. ໝູ່ທີ່ມີຫຍັງກັນແຕ່ບໍ່ຜູກມັດ (Friend with Benefits)

ເປັນຄວາມສຳພັນທີ່ເປັນໝູ່ກັນ ແຕ່ມີເພດສຳພັນກັນໄດ້ ໂດຍບໍ່ຕ້ອງເປັນແຟນກັນ ແລະ ມີເງື່ອນໄຂກໍຄື ບໍ່ຜູກມັດ, ຫ້າມຫຶງຫວງອີກຝ່າຍ ແລະ ຫ້າມຄິດເກີນໝູ່.

4. ມີແຟນແລ້ວ ແຕ່ຢາກມີຄົນລົມ (Cushioning)

ເວລາຄົນບາງຄົນມີແຟນເປັນໂຕເປັນຕົນແລ້ວ ແຕ່ກໍຍັງລັກຫາຄົນລົມ, ລັກມີໃຈໃຫ້ຄົນອື່ນ ໂດຍຄິດວ່າ ຢາກເປີດໂອກາດໃຫ້ຕົນເອງໄດ້ເຈິຄົນໃໝ່ໆ ແລະ ຖ້າຫາກວ່າເຈິຄົນທີ່ຖືກໃຈ ກໍພ້ອມທີ່ຈະຖິ້ມແຟນ ແລ້ວຄົບກັບຄົນໃໝ່ທັນທີ.

5. ແຟນກັນວັນດຽວ (Cuffing Season)

ບາງຄົນທີ່ຮູ້ສຶກຢາກມີເຫງົາ, ບໍ່ຢາກຢູ່ຄົນດຽວ, ຢາກມີແຟນ ແຕ່ບາດມີແຟນພັດເບື່ອ, ຢາກຢູ່ຄົນດຽວຫຼາຍກວ່າ ຄົນຈຳນວນນີ້ເລີຍນິຍົມທີ່ຈະມີແຟນແຕ່ເທດສະການສຳຄັນເທົ່ານັ້ນເຊັ່ນ: ວາເລັນທາຍ, ຄຣິສມາສ ແລະ ອື່ນໆ.

ໂດຍ: ທີມບັນນາທິການ Muan