Gadzila

ສາຍກຣາຟຟິກຟັງທາງນີ້ ໃຊ້ Adobe Photoshop ໃນ iPhone ໄດ້ແລ້ວ ອອກແບບງານໄດ້ທຸກທີ່

ໂດຍ: Khainapha Chanthathilath

25 March 2025● 267

ເປີດໃຫ້ໃຊ້ງານໄດ້ແລ້ວສຳລັບ Adobe Photoshop ໃນ iPhone ຕອບສະໜອງໃຫ້ຜູ້ໃຊ້ງານສາມາດເຂົ້າເຖິງເຄື່ອງມືການແກ້ໄຂພາບໃຫ້ໄດ້ປະສິດທິພາບຂອງ Photoshop ໃນ iPhone ໄດ້ງ່າຍຂຶ້ນ.

ຈຸດປະສົງການເປີດຕົວ ໃຫ້ໃຊ້ງານໄດ້ໃນໂທລະສັບໄດ້ກໍເພື່ອໃຫ້ຜູ້ໃຊ້ສາມາດແກ້ໄຂພາບ ແລະ ສ້າງສັນຜົນໃນການອອກແບບຕ່າງໆໄດ້ທຸກສະຖານທີ່ ແລະ ທຸກເວລາ.

ຄຸນສົມບັດຫຼັກຂອງ Photoshop ໃນ iPhone

ການແກ້ໄຂພາບເພື່ອໃຫ້ເບິ່ງໂດດເດັ່ນ

ຜູ້ໃຊ້ງານສາມາດແຕ່ງພາບດ້ວຍເຄື່ອງມືທີ່ມີຄວາມຫຼາກຫຼາຍຢ່າງການປັບແສງ, ປັບຄວາມຄົມຊັດ, ການປັບຄວາມສົມດຸນຂອງສີໄດ້ຢ່າງລະອຽດ ແລະ ການໃຊ້ຂໍ້ຄວາມຕ່າງໆໃນພາບ

ການປ່ຽນສີຂອງສິ່ງຕ່າງໆ

ສາມາດເລືອກພື້ນທີ່ໃນພາບຂອງຜູ້ໃຊ້ດ້ວຍເຄື່ອງມື Tap Select ຫຼື Lasso ໃນການປັບຄວາມແຈ້ງເພີ່ມຄວາມສົດໃສ.

ປ່ຽນພາບພຶ້ນຫຼັງ

ສ້າງພາບພື້ນຫຼັງໃໝ່ດ້ວຍການ Generate Image ມາໃຊ້ເຈີຣ໌ AI ໂດຍສາມາດເລືອກໃຊ້ຮູບພາບຈາກໂທລະສັບ ຫຼື ໃນ Adobe Stock.

ລົບອົງປະກອບທີ່ບໍ່ຕ້ອງການ

ຟີເຈີຣ໌ນີ້ສາມາດລົບບາງສິ່ງໃນຮູບທີ່ບໍ່ຕ້ອງການໄດ້ຢ່າງວ່ອງໄວ ໂດຍການເລືອກວັດຖຸ ຫຼື ບຸກຄົນໃດໜຶ່ງດ້ວຍເຄື່ອງມື Tap Select ແລ້ວໃຊ້ Generative Fill ເພື່ອໃຫ້ຜົນລັບທີ່ເບິ່ງຄືເປັນທຳມະຊາດ.

ລົບຮ່ອງຮ່ອຍຕ່າງໆສະເພາະຈຸດ

ລົບສິ່ງຕ່າງໆທີ່ເປັນບັນຫາກວນໃຈດ້ວຍ Spot Healing Brush ບໍ່ວ່າຈະເປັນສິວ, ຈຸດດ່າງດຳ ແລະ ອື່ນໆ.

ໂດຍ: ທີມບັນນາທິການ Gadzila