ເຂົ້າກໍຢາກກິນ ສະໝອງກໍຢາກພັກ ແລ້ວພວກເຮົາຈະເຮັດແນວໃດໃຫ້ກິນເຂົ້າແຊບກວ່າເົ່າລະ? ມື້ນີ້ມ່ວນເລີຍນຳກາຕູນ 8 ເລື່ອງໜ້າເບິ່ງມາແຊຣ໌ໃຫ້ທຸກຄົນ, ທີ່ເບິ່ງແລ້ວຈະເຮັດໃຫ້ຮູ້ສຶກອາລົມດີເບົາສະໝອງ, ໜ້າຮັກ ແລະ ຕະຫຼົກ.
ທັງ 8 ເລື່ອງທີ່ມ່ວນນຳມາຖືວ່າເປັນກາຕູນທີ່ເບິ່ງໄດ້ທຸກເພດທຸກໄວເໝາະທີ່ຈະເບິ່ງຕອນກິນເຂົ້າເພື່ອຜ່ອນຄາຍ ບັນທຶກເກັບໄວ້ເລີຍເພາະເບິ່ງຕອນກິນເຂົ້າກັບກາຕູນທີ່ມັກແຮງເຮັດໃຫ້ອາຫານມັນແຊບພິເສດຂຶ້ນໄປອີກ.
1. We Bare Bears
ເປັນເລື່ອງກ່ຽວກັບໝີສາມໂຕທີ່ມີບຸກຄະລິກແຕກຕ່າງກັນທີ່ພະຍາຍາມຈະໃຊ້ຊີວິດຮ່ວມກັບມະນຸດ, ເປັນເລື່ອງທີ່ທັງໜ້າຮັກຕະຫຼົກ ແລະ ດີຕໍ່ໃຈ.
2. Tom & Jerry
ກາຕູນທີ່ຫຼາຍຄົນມັກ ແລະ ຕ້ອງໄດ້ເບິ່ງກັນມາແຕ່ນ້ອຍ. ເລື່ອງແມ່ນໄດ້ເລົ່າເຖິງແມວທອມ ແລະ ໜູເຈີຣີ ທີ່ມັກແລ່ນໄລ່ລ່າກັນໄປມາ, ທັງສອງມັກຈະຫາກົນລະຍຸດໃນການແກ້ແຄ້ນກັນ ແລະ ກັນຕະຫຼອດ. ເຖິງວ່າທອມ ແລະ ເຈີຣີຈະມັກຜິດກັນແຕ່ມັນກໍຮູ້ໃຫ້ຄວາມສຶກວ່າທັງສອງຈະນັ້ນມີມິດຕະພາບດີໆໃຫ້ກັນ.
3. Scooby Doo
ເປັນເລື່ອງລາວກ່ຽວກັບນັກສືບໄວໜຸ່ມກຸ່ມໜຶ່ງທີ່ມັກຈະເດີນທາງເພື່ອໄປໄຂປິດສະໜາເລິກລັບຕ່າງໆພ້ອມກັບໝາເວົ້າໄດ້ທີ່ຊື່ Scooby Doo ເຊິ່ງເປັນຕົວສ້າງສີສັນຄວາມຮາ.
4. Shin chan
ເປັນກາຕູນທີ່ເວົ້າເຖິງຊີວິດປະຈຳວັນຂອງຊິນຈັງ ເດັກນ້ອຍຂີ້ດື້ ແລະ ຄອບຄົວຂອງລາວ ດ້ວຍຄວາມອາລົມດີຂອງຊິນຈັງ ແລະ ສະຖານະການຮາຮາທີ່ເກີດຂຶ້ນ ເຮັດໃຫ້ກາຕູນເລື່ອງນີ້ໄດ້ສ້າງຮອຍຍິ້ມໃຫ້ກັຍຄົນເບິ່ງໄດ້ງ່າຍ.
5. Adventure Time
ເປັນກາຕູນກ່ຽວກັບການຜະຈົນໄພຂອງເດັກນ້ອຍຜູ້ຊາຍທີ່ມີແຕ່ຄວາມມ່ວນຊື່ນ ແລະ ຈິນຈະນາການໄຮ້ຂອບເຂດ.
6. The Amazing World of Gumball
ກາຕູນທີ່ເຕັມໄປດ້ວຍຄວາມລຽບງ່າຍແຕ່ຕະຫຼົກທີ່ເກີດເຫດການໃນຊີວິດປະຈຳວັນຂອງກຳບອລ ແລະ ໝູ່ໆຂອງລາວ.
7. Larva TUBA
ເປັນກາຕູນທີ່ບໍ່ມີບົດເວົ້າ, ເປັນເລື່ອງລາວຂອງໂຕໜອນສີແດງ ແລະ ສີເຫຼືອງ. ເຊິ່ງໃນການໃຊ້ຊີວິດປະຈຳວັນທີ່ໃນແຕ່ລະມື້ຄືຕ້ອງມີເລື່ອງເຂົ້າມາໃຫ້ເຈັບຫົວ ແລະ ບໍ່ປົກກະຕິເພາະຈະມີຫຼາຍຕົວລະຄອນທີ່ເຂົ້າມາສ້າງວຸ່ນວາຍສະໜຸກສະໜານ.
8. Powerpuff Girl
ສາມສາວນ້ອຍທີ່ມີພະລັງວິເສດທີ່ຕ້ອງໄດ້ປົກປ້ອງຄົນໃນເມືອງ, ດ້ວຍການປະສົມຄວາມໜ້າຮັກ, ຄວາມແຂງແຮງ ແລະ ອາລົມດີ ມັນຈຶ່ງເຮັດໃຫ້ເປັນກາຕູນທີ່ໃຫ້ຄວາມມ່ວນຊື່ນ ແລະ ສ້າງຄວາມສຸກໃຫ້ຄົນເບິ່ງ.
ໂດຍ: ທີມບັນນາທິການ Muan
