ເພງໄວຣໍຄອງໃຈຊາວ TikTok “ຮອຍຍິ້ມຂອງເຈົ້າມັນຫວານໄປ” ຈາກ Zixna ແລະ Ran_Dom
ເຊື່ອວ່າຫຼາຍໆຄົນທີ່ີຫຼິ້ນ TikTok ຄົງຕ້ອງເຄີຍໄດ້ຍິ່ນເພງນີ້ຜ່ານຫູກັນມາແນ່ ເພາະໃນທີ່ສຸດ Zixna ແລະ Ran_Dom ກໍໄດ້ປ່ອຍເພງເຕັມອອກມາແລ້ວ ຫຼັງຈາກທີ່ຖ້າຄອຍມາດົນກັບເພງເກົ່າເວີຊັນໃໝ່ມາໃນແນວແຣັປແບບໜ້າຮັກ “ຮອຍຍິ້ມຂອງເຈົ້າມັນຫວານໄປ” ທີ່ເປັນກະແສໃນຊ່ວງນີ້ ຈົນເຮັດໃຫ້ຊາວ TikTok ພາກັນນິຍົມໃຊ້ແຜນສຽງກັນທົ່ວບ້ານທົ່ວເມືອງ.
ທີ່ຈິງແລ້ວເພງນີ້ໄດ້ຖືກປ່ອຍຄັ້ງທຳອິດເມື່ອ 8 ເດືອນທີ່ແລ້ວ ເດີມທີ່ຈະເປັນເວີຊັ້ນ Mixtape ຊຶ່ງເພງດັ້ງເດີມມາຈາກ:Trip – Elle Mai ແຕ່ໄດ້ມີການ Remix ໃໝ່. ໃນຕົວເພງເອງຈະເປັນແນວ HipHop R&B ພ້ອມກັບການແຣັບທີ່ໜັກແໜ້ນ ແລະ ຈິງຈັງ. ຫຼັງຈາກທີ່ໄດ້ປ່ອຍ Mixtape ອອກໄປຖືວ່າໄດ້ຮັບຄວາສມນິຍົມຫຼາຍພໍສົມຄວນ.
ເມື່ອທຽບໃສ່ກັບເວີຊັນຫຼ້າສຸດແມ່ນມີຄວາມແຕກຕ່າງກັນຢ່າງຊັນເຈນໃນເລື່ອງຂອງບີດດົນຕີ ເພາະເພງນີ້ຈະສົດໃໝ່ກວ່າໃຫ້ມູດທີ່ໜ້າຮັກ ແລະ ມີຄວາມສົດໃສແບບຫວານໆຫຼາຍກວ່າເວີຊັນ Remix.
ເນື້ອຮ້ອງເວົ້າເຖິງຄວາມຮູ້ສຶກຂອງຄົນທີ່ກຳລັງຕົກຫຼຸມຮັກຜ່ານການແຣັປ ທີ່ເຂົ້າເຖິງງ່າຍ ຟັງແລ້ວໃຈລະລາຍ ໂດຍສະເພາະທ່ອນ “ຮອຍຍິ້ມຂອງເຈົ້າມັນຫວານໄປ” ປຽບເໝືອນການບອກຮັກແບບນຽນໆແຕ່ເຮັດໃຫ້ຄົນຟັງອິນໄດ້ບໍ່ຍາກ.
ກ່ອນຈະປ່ອຍເພງເຕັມ Zixna ໄດ້ລົງເພງບາງທ່ອນໃນເວີຊັ້ນໃໝ່ອັບລົງ TikTok ເພື່ອໂປຼໂໝດເປັນນ້ຳຈິ້ມໃຫ້ແຟນໆກ່ອນ ແຕ່ປາກົດວ່າມີຜູ້ໃຊ້ TikTok ຫຼາຍຊ້ອງແຊ ແລະ ໃຊ້ແຜນສຽງນີ້ໂຄເວີກັນຫຼາຍແຮງຈົນເປັນທີ່ນິຍົມໃນກະແສ ຕິກຕັອກ ກ່ອນທີ່ເພງເຕັມຈະຖືກປ່ອຍໃນເວລາຕໍ່ມາ.
ຈຸດເດັ່ນຂອງເພງນີ້ຢູ່ທີ່ຄວາມລຽບງ່າຍແຕ່ຕິດຫູບີດຮິບຮັອບທີ່ປະສົມກັບຈັງຫວະຫວານໆເຂົ້າກັບການແຣັປແບບລຽນໄຫຼ ເໝາະກັບການນຳມາໃຊ້ໃນແຜນສຽງຄອນເທັນສັ້ນໆຢູ່ TikTok ບໍ່ວ່າຈະເປັນຄຣິບເຕັນ ຄຣິບລິບຊິງ ຫຼື ຄິຣບການເລົ່າເລື່ອງລາວຕ່າງໆໃນແບບໜ້າຮັກເຊິ່ງບໍ່ແປກໃຈເລີຍທີ່ເພງນີ່ຈະເປັນທີ່ີນິຍົມ.
ກະແສກ່ອນໜ້ານີ້ພິສູດແລ້ວວ່າເພງນີ້ມີພະລັງໃນການເຊື່ອມຕໍ່ກັບຜູ້ຟັງຢ່າງເຮົາໄດ້ດີໂດຍສະເພາະກຸ່ມໄວໜຸ່ມທີ່ແນວເທ້ໝຫວານໆໃນເວລາດຽວກັນ.
ໂດຍ: ທີມບັນນາທິການມ່ວນ