WhatsApp Update: ເພີ່ມເພງ ແລະ Stickers ໃນ Status
02 June 2025● 140
WhatsApp ໄດ້ເພີ່ມຟີເຈີຣ໌ໃໝ່ໃນ Status ເພື່ອໃຫ້ຜູ້ໃຊ້ສາມາດສະແດງອອກໄດ້ຫຼາກຫຼາຍ ແລະ ມ່ວນຂຶ້ນ, ພ້ອມຮັກສາຄວາມເປັນສ່ວນຕົວດ້ວຍການເຂົ້າລະຫັດ end-to-end ຟີເຈີຣ໌ໃໝ່ນີ້ເລີ່ມປ່ອຍໃຫ້ໃຊ້ແລ້ວ ແລະ ຈະມີໃຫ້ໃຊ້ຄົບທຸກປະເທດໃນໄວໆນີ້.
ພວກເຮົາສາມາດສະແດງຄວາມເປັນຕົວຕົນຜ່ານຟີເຈີຣ໌ໃໝ່ໝເຫຼົ່ານີ້ທີ່ຊ່ວຍໃຫ້ສ້າງ Status ໃຫ້ມີຄວາມສົດໃສ ແລະ ສະແດງອາລົມ ຫຼື ບຸກຄະລິກໄດ້ດີຍິ່ງຂຶ້ນ ແລະ ມັນຍັງງ່າຍຕໍ່ການໃຊ້.
ສະຫຼຸບຟີເຈີຣ໌ແບບເຂົ້າໃຈງ່າຍ
- ການຈັດວາງຮູບພາບ: ສາມາດວາງຮູບພາບສູງສຸດ 6 ຮູບ ມາຈັດເປັນຄອລເລັກຊັນ (collage) ໃນ Status ດຽວ ໂດຍໃຊ້ເຄື່ອງມືແກ້ໄຂໃນແອັບເພື່ອຈັດວາງຮູບໄດ້ຕາມໃຈມັກ, ເຮັດໃຫ້ Status ເບິ່ງສວຍງາມ ແລະ ເປັນລະບຽບ.
- ເພີດເພີນກັບສຽງດົນຕີ: ສາມາດໂພສເພງທີ່ເຈົ້າມັກໃນ Status (ໃຊ້ສຽງດົນຕີຈາກ Instagram) ໂດຍໃສ່ກັບຮູບພາບ ຫຼື ວິດີໂອ ປ່ຽນເພງນັ້ນໃຫ້ເປັນຮູບແບບສະຕິກເກີເພື່ອເພີ່ມຄວາມໂດດເດັ່ນຍິ່ງຂຶ້ນ.
- Photo Stickers (ສະຕິກເກີຮູບພາບ): ປ່ຽນຮູບພາບໃຫ້ເປັນສະຕິກເກີ ແລະ ເພີ່ມລົງໃນ Status ໂດຍສາມາດປັບຂະໜາດ ແລະ ຮູບຮ່າງທີ່ເໝາະສົມໄດ້.
- ເພີ່ມຮູບພາບ: ຊວນໝູ່ຮ່ວມແບ່ງປັນການສົນທະນາ, ດ້ວຍການແຊຣ໌ Status ແລະ ໝູ່ຂອງເຈົ້າກໍສາມາດຕອບກັບໄດ້ ຫຼື ແຊຣ໌ໄປທີ່ Status ຂອງຕົນເອງເພື່ອສ້າງການມີສ່ວນຮ່ວມໃນຊຸມຊົນ ຫຼື ກຸ່ມໝູ່.