ເມື່ອເວົ້າເຖິງວົງ PROXIE ຫຼາຍຄົນອາດຈະຄິດຮອດສິລະປິນໜຸ່ມທັງ 6 ຄົນ ເຊິ່ງເປັນກຸ່ມສິລະປິນຊາຍ ແລະ ເປັນອີກວົງໜຶ່ງທີ່ເດີນຢູ່ແຖວໜ້າຂອງວົງການ T-POP ນັ້ນເອງ. ສະນັ້ນ, ທາງຄ້າຍ Dreamers Society Management ແລະ THEBLACKSEA ກໍໄດ້ເປີດຕົວ Sub-Unit ຫຼ້າສຸດທີ່ມີຊື່ວ່າ VOC.
VOC ມີກອບມີສະມາຊິກ 3 ຄົນຄື: Victor – Vorameth Kornubrabhan (ວິກເຕີ – ວໍລະເມດ ກອນນຸປະພັນ), Onglee – Oscar Edward Wattraserte (ອອງຣີ – ອອສກາຣ໌ ເອັດເວິດ ວັດຕຣາເສດ) ແລະ Chokun – Pavaris Srichaichana (ໂຊກຸນ – ປະວາຣິສ ສີໄຊຊະນະ).
Vorameth Kornubrabhan (ວິກເຕີ – ວໍລະເມດ ກອນນຸປະພັນ)
Instagram: victor.proxie
ສະມາຊິກ VOC ທັງ 3 ຄົນ ພວກເຂົາໄດ້ນຳຄວາມສາມາດ ແລະ ສະເໜ່ຂອງຄາແລັກເຕີທີ່ໂດດເດັ່ນຂອງແຕ່ລະຄົນມາຢ່າງເຕັມທີ່ ພ້ອມພາບລັກໃໝ່ໆທີ່ບໍ່ເຄີຍເຫັນຢູ່ໃສມາກ່ອນ, ເພື່ອເອົາໃຈແຟນຄລັບດ້ວຍຄອນເທັນຈັດເຕັມ ທັງຮູບແບບເພງທີ່ແຕກຕ່າງ ແລະ ມິນິຊີຣີສ໌ທີ່ໄດ້ແຮງບັນດານໃຈຈາກເພງທີ່ຈະປ່ອຍໃນແພລດຟອມ (Platform) TrueVisions NOW.
Onglee – Oscar Edward Wattraserte (ອອງຣີ – ອອສກາຣ໌ ເອັດເວິດ ວັດຕຣາເສດ)
Instagram: onglee.proxie
ໃນສ່ວນຂອງແຟນຄລັບ VOC ນັ້ນ ແມ່ນສາມາດລໍຖ້າຕິດຕາມຮູບແບບການສະແດງໃໝ່ໆທີ່ບໍ່ຄືໃຜໄດ້ເລີຍ ພ້ອມຍັງມີການລວມຄໍເລັກຊັນສິນຄ້າພິເສດໃຫ້ກັບແຟນໆໄດ້ຕິດຕາມ ແລະ ຮ່ວມເປັນກຳລັງໃຈໃນການເດີນທາງກ້າວທຳອິດຂອງການເປັນສິລະປິນອິນເຕີທັງໃນໄທ ແລະ ເອເຊຍຂອງພວກເຂົາ.
Chokun – Pavaris Srichaichana (ໂຊກຸນ – ປະວາຣິສ ສີໄຊຊະນະ)
Instagram: chokun.proxie
ຈຸດເລີ່ມຕົ້ນ VOC
ເພາະຫົນທາງໃນການໄປຍ່າງຢູ່ອິນເຕີຄືເປົ້າໝາຍໃຫ້ແຂ່ງຂັນຂອງພວກເຂົາ ທາງຄ້າຍຢ່າງ Dreamers Society Management ຈຶ່ງຕັ້ງໃຈຈະເປັນສ່ວນໜຶ່ງໃນການນຳພາສິລະປິນໄທໄປອິນເຕີ ເຊິ່ງໄດ້ຈັບມືກັບ THEBLACKSEA ບໍລິສັດຮ່ວມທຶນລະຫວ່າງບໍລິສັດໃນເຄືອຈະເລີນພັນ ຫຼື ເຄື່ອຊີພີ (CP). THEBLACKLABEL ແມ່ນຄ້າຍເພງ ແລະ ເປັນ Creative agency ລະດັບໂລກຈາກເກົາຫຼີໃຕ້ໃນການຮ່ວມປັ້ນ VOC Sub-Unit ຫຼ້າສຸດຈາກ PROXIE ແບບຄົບສູດ.
Instagram: voc_officialth
ຫຼັງຈາກທີ່ໜຸ່ມໆ PROXIE ໄດ້ຮ່ວມງານກັບຄ້າຍເພງຊື່ດັງແຫ່ງວົງການ K-POP ຢ່າງ THEBLACKLABEL ໃນເພງ TRAFFIC ທີ່ໄດ້ເປີດຕົວເມື່ອທ້າຍປີ 2024 ທີ່ຜ່ານມາ, ຈຶ່ງໄດ້ເກີດເປັນການລວມຕົວຂອງ VOC ໂດຍໄດ້ Danny Chung ເຊິ່ງເປັນ Executive Director ມືທອງແຫ່ງວົງການ K-POP ຜູ້ຢູ່ເບື້ອງຫຼັງຄວາມສຳເລັດຜົນງານເພງຂອງວົງ BLACKPINK ແລະ ສິລະປິນ K-POP ຊື່ດັງອື່ນໆອີກຫຼາກຫຼາຍມາຊ່ວຍກຳກັບດູແລ ໂດຍສະເພາະແຜນການໂປຣໂໝດຜ່ານຄອນເທັນຫຼາກຫຼາຍຮູບແບບທັງໃນໄທ ແລະ ຕ່າງປະເທດ.
ຊວນມາຮູ້ຈັກກັບ VOC
ຄວາມໝາຍ ແລະ ຄວາມໂດດເດັ່ນຂອງ VOC ນັ້ນແມ່ນມາຈາກຊື່ຕົວອັກສອນທຳອິດຈາກຊື່ຫຼິ້ນຂອງສິລະປິນແຕ່ລະຄົນ ເຊິ່ງປະກອບດ້ວຍ Victor, Onglee ແລະ Chokun. VOC ຍັງມີຄວາມໂດດເດັ່ນທີ່ພວກເຂົາມີຄວາມກ້າທີ່ຈະແຕກຕ່າງ ຖືວ່າເປັນສີສັນໃໝ່ຂອງວົງການ T-POP ໂດຍສິລະປິນທັງສາມຄົນໄດ້ປ່ຽນແປງສູ່ພາບລັກທີ່ເປັນຜູ້ໃຫຍ່ຜ່ານການເຕີມແຕ່ງສີສັນໃຫ້ຄວາມເປັນຕົວເອງໃຫ້ຊັດເຈນຍິ່ງຂຶ້ນອີກ.
ດ້ວຍຄວາມເປັນ VOC ຍັງຖືກຖ່າຍທອດອອກມາໄດ້ດີຜ່ານອາລົມ ແລະ ຄວາມຮູ້ສຶກທີ່ເຊື່ອງຊ້ອນຢູ່ໃນທຸກ Track ຂອງ Album ໃໝ່ທີ່ຈະປ່ອຍໃຫ້ໄດ້ຕິດຕາມໃນໄວໆນີ້. ຜົນງານແມ່ນມີອາລົມທີ່ຫຼາກຫຼາຍທີ່ຖືກຖ່າຍທອດຢ່າງກົງໄປກົງມາ, ບໍ່ວ່າຈະເປັນຄວາມກ້າທີ່ຈະເວົ້າຄວາມໃນໃຈ, ການຕັ້ງຄຳຖາມກັບຄວາມຮັກ ຫຼື ແຮງປາຖະໜາທີ່ເຊື່ອງໄວ້ຈົນຮອດເວລາຂອງການກັບມາຮັກສາໃຈຕົວເອງ ແລະ ການກ້າວຕໍ່ໄປຢ່າງເຂັ້ມແຂງ ແຕ່ຍັງຄົງກິ່ນອາຍຄວາມປັອບທີ່ເຂົ້າເຖິງງ່າຍ ເຊິ່ງມ່ວນຕ້ອງຂໍບອກເລີຍວ່າແຕ່ລະຕອນຂອງ Album ນີ້ຈະມີລົດຊາດທີ່ຄົບລົດ ແຖມອັດແໜ້ນໄປດ້ວຍມິຕິແຫ່ງອາລົມພາຍໃນ Album ດຽວ.
ໜຸ່ມໆ VOC ຍັງຂໍຝາກບອກແຟນຄລັບຊາວລາວຜ່ານ ມ່ວນ ວ່າ:
ຂໍຝາກຜົນງານມິນິຊີຣີສ໌ຜ່ານ TrueVisions NOW ແດ່ເດີ ທຸກຄົນລໍຖ້າຕິດຕາມໄດ້ເລີຍ ເພາະທັງ 3 ຄົນໄດ້ໄປປົດລັອກສະກິລ ແລະ ຄວາມສາມາດດ້ານການສະແດງ, ເພື່ອສົ່ງຕໍ່ຄວາມໂດດເດັ່ນ ແລະ ມີເອກະລັກສະເພາະຕົວທີ່ມີຢູ່ແລ້ວເຊັ່ນ Victor ຜູ້ທີ່ມີບຸກຄະລິກໜ້າຄົ້ນຫາ ມີຄວາມເປັນສິລະປິນ, Onglee ໄດ້ແນມເຫັນເຖິງສັກກະຍະພາບດ້ານຕ່າງໆທີ່ນອກເໜືອຈາກການຮ້ອງເພງ ແລະ Chokun ທີ່ຮູ້ກັນດີວ່າມີພອນສະຫວັນດ້ານການເຕັ້ນ.
ມ່ວນຄິດວ່າທຸກຄົນບໍ່ຕ້ອງສົງໄສເລີຍວ່າ VOC ຈະ So ຈຶ້ງຂະໜາດໃດ ເພາະພວກເຂົາຄືການລວມຕົວຂອງ 3 ສິລະປິນທີ່ມີຄວາມໂດດເດັ່ນໃນມິຕິທີ່ແຕກຕ່າງທີ່ຈະສ້າງຄວາມແປກໃໝ່, ຄວາມປັງທີ່ມີພະລັງໃຫ້ກັບວົງການບັນເທີງໄທ ແລະ ລະດັບໂລກ ກຽມລໍຖ້າຕິດຕາມຜົນງານຂອງສິລະປິນກຸ່ມ VOC ໄດ້ແລ້ວ.
