|
Getting your Trinity Audio player ready...
|
ຫາກໍຜ່ານມາໄວໆນີ້ ສິລະປິນ 3 ໜຸ່ມຈາກຄ້າຍ Nemo Record ຢ່າງ Phoenix BOII,LIL ROXZ ແລະ PT FLOW ໄດ້ປ່ອຍເພງໃໝ່ໃຫ້ຟັງກັນແບບຫວານຊ່ຳຢ່າງ ”ເທບທິດາ” ແຕ່ທີ່ໜ້າຈັບຕາຄືວັກຮຸກທີ່ມີເອກະລັກ ແລະ ມີສະເໜ່ໃນຕົວທີ່ຮ້ອງໂດຍ PT FLOW ແຣັປເປີຈາກຫຼວງພະບາງເຈົ້້າຂອງເພງ “ເຕີມເຕັມ”.
ພິທັກ ວັນໂນສິນ ອາຍຸ 24 ປີ ມາຈາກຫຼວງພະບາງ ປັດຈຸບັນແມ່ນເປັນສິນລະປິນອິດສະລະສ່ວນຕົວເປັນຄົນໃຈດີ ເຂົ້າກັບທຸກຄົນໄດ້ງ່າຍເປັນຄົນຮັບຟັງຄົນອື່ນ ແລະ ມັກຈະເເນະນຳໝູ່ສະເໝີ. ເວລາຫວ່າງກໍຈະມັກເເຕ່ງເພງ ນອກນັ້ນກໍມັກແຕ້ມຮູບງານ Art ຫລື custom ເສື້ອຜ້າ Fashion ແບບບໍ່ຄືໃຜ IG:TMONG 4289.
ຈຸດເລີ່ມຕົ້ນໃນການເປັນສິລະປິນກໍຄືເປັນຄົນມັກຮ້ອງເພງມາຕັ້ງເເຕ່ນ້ອຍຢູ່ແລ້ວ ແລະ ມີພໍ່ເປັນໄອດໍ ເພາະພໍ່ຕົວເອງກໍເຄີຍເປັນນັກຮ້ອງມາກ່ອນກໍເລີຍໄດ້ຮັບອິດທິພົນມາຈາກພໍ່. ສະໄຕລ໌ການຮ້ອງຈະເນັ້ນໄປທາງເພງເມໂລດີຕິດຫູ ແລະ ແຣັ້ປເປັນສ່ວນໃຫຍ່ເພາະແນວທາງທີ່ເຮົາຕ້ອງການ.
ຄວາມຝັນສູງສຸດຂອງ PT FLOW ກໍຄື ຢາກເປັນສິລະປິນທີ່ດີເດັ່ນຂອງປະເທດລາວໃຫ້ໄດ້ ແລະ ອີກຄວາມຝັນທີ່ຢາກເຮັດກໍຄືຢາກຮ່ວມໂປຣເຈັກເພງກັບສິລະປິນຄົນໄທ ຫລື ຕ່າງຊາດນັ້ນເອງ. ຖ້າມີໂອກາດຢາກຮ່ວມງານນຳສິລະປິນຄົນລາວຄົນໃດຄົນໜຶ່ງຄົນໆນັ້ນກໍຄື GX2 ຍ້ອນວ່າມັກວິທີການຮ້ອງເພງ ແລະ ເເນວເພງທີ່ໂຈເອງເຮັດຢູ່ກໍມີຄວາມໃກ້ຄຽງກັນ.
ເພາະສ່ວນຕົວຄິດວ່າເພງເຮົາຈະສ້າງຄວາມປ່ຽນແປງທາງດ້ານວົງການເພງລາວ ເພາະດຽວນີ້ເພງລາວເຮົາກໍມີຫຼາກຫຼາຍແບບຫຼາກຫຼາຍເເນວ ເເຕ່ແນວເພງທີ່ມາເເຮງທີ່ສຸດຕອນນີ້ໃນລາວກໍຄືເພງແນວ Pop ແລະ R&B.
ຕັ້ງເເຕ່ໄດ້ປ່ອຍເພງໄປກະຮູ້ສຶກວ່າດີ ທີ່ມີຄົນຮູ້ຈັກຫຼາຍຂື້ນ ແລະ ຂອບໃຈທຸກຄົນທີ່ support ກັນ. ສຸດທ້າຍນີ້ເເລ້ວກໍຂໍຝາກຜົນງານເພງເທບທິດາ ຫາກໍປ່ອຍລົງຊ່ອງຢູທູບ NEMO RECORD OFFICAL ແລະ ກໍຈະມີຜົນງານເພງໃໝ່ອອກມາເລື້ອຍໆເປັນແນວໄດ້ກໍຝາກຕິດຕາມກັນດ້ວຍ.
ໂດຍ: ທີມບັນນາທິການ Muan
