“ເຈົ້າຢ່າມາເຮັດໂຕໜ້າຮັກຢູ່ນີ້”
lilfishyyy ສິລະປິນສະໄຕລ໌ R&B ສຸດ Cool ຈາກບ້ານ Huen Crew ທີ່ເປັນທີ່ຈັບຕາເບິ່ງອີກຄົນໜຶ່ງ, ໄດ້ປ່ອຍເພງໃໝ່ “Tell me ຫຼື ບອກມາ” ໂດຍໄດ້ lilg ມາຮ່ວມ ft. ດ້ວຍທຳນອງທີ່ມີເອກະລັກ, ສະໄຕລ໌ໃຫ້ຟິວອິນເຕີເບົາໆ.
ເພງນີ້ໃຫ້ຟິລຮ້ອງເພງຈີບສາວ ແລະ ເຕັ້ນໂຍກໄດ້ເບົາໆ, ແຕ່ພິເສດດ້ວຍການແຣັບທີ່ມີສະເໜ່ໂຄດເທ່ບໍ່ຄືໃຜ. ເພງ Tell me ຈະກ່ຽວກັບຄົນຄຣັ່ງຮັກຄົນໜຶ່ງ ແລະ ບໍ່ວ່າຄົນທີ່ເຮົາຮັກຈະເຮັດຫຍັງກໍໜ້າຮັກໄປໝົດ, ຖ້າບອກຮັກ ຫຼື ເຮັດຫຍັງຖືກໃຈພຽງບອກມາຈະເປໃຫ້ທຸກຢ່າງ .
lilfishyyy ຍັງເປັນເຈົ້າຂອງເພງຮິດຢ່າງ “ສາວຕິກຕອກ” ທີ່ຕອນນີ້ມີຍອດວິວແຕະ 1.5 ລ້ານແລ້ວ ທີ່ lilfishyyy ຮ່ວມຮ້ອງກັບ TONGFOW11, UKNOWHATIMEAN, SNAKEF, BOMBLEB, SWAGWAZZ) ແລະ ເພງ ”ຫຼາຍກວ່າໝູ່” ທີ່ເຮັດກັບໝູ່ໆຂອງລາວ.
ຜົນງານທີ່ຜ່ານກໍມີເພງ ຮັກເຈົ້າ 8 ນາທີ, ຖ້າເຈົ້າຢູ່ຄຳມ່ວນ, CIRCLE ວົງມົນ. ບອກເລີຍວ່າມີແຕ່ເພງມ່ວນໆ ແລະ ຍັງມີອີກຫຼາຍເພງທີ່ຄົນຮູ້ຈັກຫຼາຍ, ແຕ່ມື້ນີ້ມ່ວນຂໍເອົາມາແຕ່ຕົວຕຶງໆ.
ໂດຍ: ທີມບັນນາທິການ Muan
