ໄວລຸ້ນຕິກຕັອກເມກາ ລີ້ໄພໄປຫາແອັບ RED NOTE ຫຼັງມີຂ່າວ TikTok ຈະປິດແອັບ
ໃນຂະນະທີ່ມີຂ່າວວ່າ TikTok ຍັກໃຫຍ່ແຫ່ງວົງການໂຊຊຽວ ຈະປິດແອັບລົງໃນວັນອາທິດທີ 19 ມັງກອນ 2025 ນີ້ ເຊິ່ງເປັນມື້ທີ່ກົດໝາຍແບນແອັບດັ່ງກ່າວ ຈະມີຜົນບັງຄັບໃຊ້.
ແຕ່ຜູ້ໃຊ້ຫຼາຍກວ່າ 170 ຄົນໃນສະຫະລັດກໍບໍ່ໄດ້ປ່ອຍໃຫ້ໂຕເອງຕ້ອງໄດ້ຮັບຜົນກະທົບນີ້ແບບເຕັມໆ ໂດຍສະເພາະທີ່ເປັນຄອນເທັນຄຣີເອເຕີ ເພາະພວກເຂົາເລີ່ມຊອກຫາແພລດຟອມທີ່ຈະມາແທນທີ່ຕິກຕັອກຢ່າງວ່ອງໄວ ແລະ ເລີ່ມຍ້າຍໄປໃຊ້ແອັບ REDNOTE ເຊິ່ງເປັນໂຊຊຽວມີເດຍຂອງຈີນ ແລະ ເອີ້ນໂຕເອງວ່າເປັນ TikTok refugees ຫຼື ຜູ້ລີ້ໄພຈາກຕິກຕັອກ.
ຈາກເຫດການດັ່ງກ່າວນີ້ເຮັດໃຫ້ແອັບດັ່ງກ່າວຂຶ້ນເປັນອັບດັບໜຶ່ງໃນ App Store ຂອງສະຫະລັດໃນທັນທີ ເນື່ອງຈາກມີຜູ້ໃຊ້ໃໝ່ເພີ່ມຂຶ້ນເຖິງ 7 ແສນຄົນໃນເວລາສັ້ນໆ.
REDNOTE ຫຼື Xiaohong Shu ເປັນແພລດຟອມໂຊຊຽວມີເດຍຈາກຈີນ ເຊິ່ງຜູ້ພັດທະນາແມ່ນ Xinying Information Technology ຈາກຊ່ຽງໄຮ ທີ່ສ້າງຕັ້ງຂຶ້ນໃນປີ 2013.
ແອັບນີ້ເປັນແອັບຍອດນິຍົມໃນກຸ່ມໄວລຸ້ນຂອງຈີນ ທີ່ມັກແບ່ງປັນກ່ຽວກັບ lifestyle ແລະ ຍັງເປັນ e-commerce ເຊິ່ງໃນແຕ່ລະເດືອນມີຜູ້ໃຊ້ງານປະມານ 300 ລ້ານຄົນ.
ແນວໃດກໍຕາມ, REDNOTE ບໍ່ແມ່ນພຽງແຕ່ແອັບດຽວທີ່ຜູ້ໃຊ້ຕິກຕັອກອາເມລິກາກຳລັງຍ້າຍໄປໃຊ້ ແຕ່ຍັງມີ Lemon8 ເຊິ່ງເປັນແອັບໃນເຄືອຂອງ ByteDance.
ສ່ວນແພລດຟອມອື່ນເຊັ່ນ: Instagram Reels ຫຼື YouTube Shorts ຊໍ້າພັດບໍ່ແມ່ນຕົວເລືອກຂອງບັນດາຜູ້ລີ້ໄພຈາກຕິກຕັອກ ເຊິ່ງເຫດຜົນຫຼັກກໍແມ່ນ ຄວາມບໍ່ເປັນມິດຕໍ່ຜູ້ສ້າງຄອນເທັນ ແລະ ການຂາດຄວາມຮູ້ສຶກຂອງການເປັນຊຸມຊົນ.
ໂດຍ: ທີມ Gadzila