|
Getting your Trinity Audio player ready...
|
ເພງຈັງຫວະມ່ວນໆຕ້ອນຮັບປີໃໝ່ຈາກ ຕ່າຍ ອາກາດ ແລະ ບິກໃຫຍ່ ກັບເພງ “ໃຈຫັ້ນນາ” ທີ່ໄດ້ເວົ້າເຖິງກ່ຽວຄວາມສຳພັນກັບໝູ່ຄູ່ ແລະ ການຊຸມແຊ່ວລ້ຽງສະຫຼອງໃນງານເທດສະການ ຫຼື ກິນລ້ຽງໃດໜຶ່ງ.
ເມື່ອໝູ່ດື່ມບໍ່ໄຫວເລີຍຂໍຕົວກັບກ່ອນ ແຕ່ໝູ່ທີ່ຍັງຢູ່ກໍໄດ້ເວົ້າຢອກວ່າ “ໃຈຫັ້ນນ່າ ໃຈຫັ້ນບໍ່ໄດ້ເລີຍ” ເປັນປະໂຫຍກທີ່ຖືເປັນການທ້າທາຍ ແລະ ເລື່ອງສັກສີນີ້ມັນຢາມກັນບໍ່ໄດ້ແທ້ໆ ຕ້ອງສັ່ງເພີ່ມອີກໂລດແຫຼະ.
ເພງນີ້ກໍຟັງໄດ້ແບບມ່ວນໆເພີນໆໃນວົງງານລ້ຽງ ແລະ ໃນເອັມແສງສີແສງຖືວ່າຈັດເຕັມເລື່ອງໂປຣດັກຊັນ, ພາບງາມຈັດແສງດີ ແລະ ເນື້ອເພງກໍບໍ່ຊັບຊ້ອນເຮັດໃຫ້ຮ້ອງຕາມໄດ້ງ່າຍໆເລີຍ.
ເພງ ໃຈຫັ້ນນ່າ ແມ່ນເປັນ Project DUO ທີ່ທາງສິລະປິນຢ່າງ ຕ່າຍ ອາກາດ ຕ້ອງການສ້າງສັນຂຶ້ນມາເພື່ອແລກປ່ຽນໃຫ້ແຟນເພງ ຫຼື ຄົນຟັງໄດ້ຮ່ວມມ່ວນຊື່ນໃນກັນຊ່ວງປີໃໝ່ລາວ ແລະ ໃນເອັມວີກໍມີຄົນໃນວົງການຫຼາຍຄົນທີ່ມາຮ່ວມສ້າງສີສັນໃຫ້ເອັມວີມີຄວາມມ່ວນຊື່ນຕາມຄອນເຊັບເພງຍິ່ງຂຶ້ນໄປອີກ.
ແຕ່ຢ່າງໃດກໍຕາມມ່ວນຢາກໃຫ້ທຸກຄົນໃຊ້ວິຈາລະນະຍານໃນການຟັງ ແລະ ຮັບຊົມເດີ, ເນື່ອງຈາກເພງນີ້ແມ່ນໄດ້ເວົ້າເຖິງການດື່ມຂອງມືນເມົາ ແລະ ເວລາສັງສັນພວກເຮົາບໍ່ຄວນທີ່ຈະບັງຄັບໝູ່ຖ້າລາວດື່ມບໍ່ໄຫວ, ຄວນດູແລບໍ່ໃຫ້ລາວຟ້າວກັບ ຫຼື ຂັບລົດກັບເອງເພາະມັນອາດຈະເປັນອັນຕະລາຍຕໍ່ໝູ່ເພື່ອນຂອງພວກເຮົາ ແລະ ຄົນອື່ນໆ ສ່ຽງຕໍ່ອຸບັດຕິເຫດເທິງທ້ອງຖະໜົນ.
ໂດຍ: ທີມບັນນາທິການ Muan
