ຊວນຮູ້ຈັກກະແສຕູ້ຖ່າຍຮູບ Photo Booth ຍອດນິຍົມທີ່ຕ້ອງລອງຈະໄດ້ບໍ່ຕົກເທຣນດ໌

ເວລາໄປຍ່າງຫຼິ້ນຫ້າງ ຫຼື ງານຕ່າງໆ ແລ້ວເຫັນຄົນກຸ່ມໃຫຍ່ກຳລັງແຕ່ງຕົວຫຼາກຫຼາຍສີສັນ ມີທັງແນວຄາດຫົວ, ແວ່ນຕາ ແລະ ອື່ນໆ, ພໍຍ່າງໄປໃກ້ໆກໍເຫັນວ່າເປັນ Photo Booth ທີ່ເຫັນວ່າໄວໜຸ່ມລາວຊ່ວງນີ້ກຳລັງນິຍົມກັນ.

ມື້ນີ້ ກັອດຈິ ກໍຈະນຳ Trend ໃນແຕ່ລະຊ່ວງຂອງການຖ່າຍຮູບແບບຕູ້ມາແຊຣ໌ໃຫ້ທຸກຄົນຮູ້ກັນວ່າປະຫວັດຄວາມເປັນມາຂອງເລື່ອງລາວນັ້ນມີສະເໜ່ຂະໜາດໃດ ວ່າແລ້ວພວກເຮົາມາຮູ້ຈັກ Photo Booth ກັນໃຫ້ຫຼາຍຂຶ້ນກັນດີກວ່າ.

Timeline ຂອງ Photo Booth

• ໃນຊ່ວງປີ 1990s ແມ່ນເລີ່ມຕົ້ນດ້ວຍການເປັນຕູ້ຖ່າຍຮູບໃນຫ້າງທີ່ເນັ້ນຖ່າຍແລ້ວ Print ເປັນສະຕິກເກີ້ໃຫ້ກັບລູກຄ້າທີ່ມາທ່ຽວຫ້າງ.
• ປີ 2000s ຖືວ່າບູມເປັນກະແສສຸດໆໃນການຈັດບູທໄວ້ໃນງານຕ່າງໆຕາມສະຖານທີ່ໃນຫ້າງ ແລະ ກໍມັກເຫັນວ່າໄວໜຸ່ມລາວຍຸກນີ້ທີ່ໄປເລາະໄອເຕັກ ຫຼື ຕະຫຼາດເຊົ້າຊ່ວງນັ້ນແມ່ນຕ້ອງແວ່ຖ່າຍທຸກເທື່ອທີ່ໄປ (ບາງຄົນກໍຕັ້ງໃຈຊວນໝູ່ໄປຖ່າຍຮູບ ແລະ ຮ້ອງຄາຣາໂອເກະ).
• ເຂົ້າສູ່ຊ່ວງປີ 2010s ຄົນເລີ່ມເບື່ອຫ່າງຫາຍໄປ ເພາະວ່າມີເຕັກໂນໂລຊີສະມາດໂຟນໃໝ່ໆທີ່ສາມາດຖ່າຍຮູບໄດ້ງາມກວ່າ, ໃຊ້ງານແອັບຟຣີ ແລະ ມີຟີເຈີຣ໌ໃຫ້ຫຼິ້ນຫຼາກຫຼາຍ.
• ໃນປີ 2024 Photo Booth ເລີ່ມກັບມາເປັນກະແສອີກຄັ້ງຈົນຮອດປັດຈຸບັນ, ດ້ວຍເຕັກໂນໂລຊີ AI, AR, Social Sharing ທີ່ເຮັດໃຫ້ມັນບໍ່ເປັນພຽງແຕ່ເປັນການຖ່າຍຮູບທໍາມະດາທົ່ວໄປ ແຕ່ມັນກາຍເປັນອີກສີສັນໜຶ່ງຂອງງານຕ່າງໆເຮັດໃຫ້ຄົນມາຮ່ວມມ່ວນຊື່ນໄດ້ດີຂຶ້ນ.

ສະຫຼຸບກະແສ Photo Booth ທີ່ກັບມາເປັນ Viral

ທຸກຄົນຄົງກຳລັງສົງໄສກັນວ່າເປັນຫຍັງ Photo Booth ຈຶ່ງກັບມາເປັນ Viral ອີກຄັ້ງແມ່ນບໍ? ເພາະວ່າໃນປັດຈຸບັນພວກເຮົາໄດ້ມີເຕັກໂນໂລຊີທີ່ພັດທະນາມາຢ່າງ AI Touch Up ທີ່ຈະຊ່ວຍໃຫ້ການປັບຮູບໃຫ້ງາມແບບອັດຕະໂນມັດແບບບໍ່ຕ້ອງພຶ່ງພາແອັບໃນການມາແຕ່ງເພີ່ມຕື່ມໃຫ້ເສຍເວລາ ແລະ ທາງຜູ້ເຮັດບູທນີ້ເອງກໍມີຝີມືໃນການນຳໃຊ້ອຸປະກອນສະເພາະທາງຫຼາຍຂຶ້ນ.

ສ່ວນຂອງເຄື່ອງມືກໍມີ AR Effects ທີ່ໃສ່ເປັນ Filter ເໝືອນຈິງທີ່ຊ່ວຍປ່ຽນພາບພື້ນຫຼັງແບບບໍ່ຕ້ອງໃຊ້ Background Green Screen, ສາມາດໃຊ້ Instant Social Upload ຖ່າຍປຸບສາມາດແຊຣ໌ Post ລົງ Story ແບບບໍ່ຕ້ອງໂອນຖ່າຍຮູບໃຫ້ຫຼາຍຂັ້ນຕອນ ແລະ Nostalgia Marketing ທີ່ເຮັດໃຫ້ມີຄວາມຍ້ອນຍຸກແບບສະໄໝເກົ່າ + ເຕັກໂນໂລຊີ ທີ່ເຮັດຖືກໃຈໄວໜຸ່ມ.

ໃຜທີ່ເຄີຍຖ່າຍຮູບກັບ Photo Booth ເອົາມາອວດກັອດຈິໄດ້ເດີ ແຕ່ຖ້າມີບ່ອນຖ່າຍຮູບໃດທີ່ເດັດໆລໍ້າໆແບບນີ້ຄິດວ່າຄຸ້ມຄ່າກັບການຈ່າຍເພື່ອແລກມັນມາ ຫຼື ບໍ່ ມາແຊຣ໌ສູ່ກັນຟັງແດ່ເດີ.