ຖ້າຄວາມຄິດຮອດ ເປັນເລື່ອງຜິດກົດໝາຍອ້າຍຄົງຕາຍແນ່ນອນ ຊວນຟັງເພງ “ເມົາຄວາມເຈັບປວດ” ຈາກ SenJx & XXXVVIIV
27 December 2024● 199
ອາທິດກ່ອນມ່ວນຊວນ Sip & Chill, ພໍມາອາທິດນີ້ກໍຈະມາຊວນເມົາອີກແລ້ວເດີ. ແຕ່ບໍ່ແມ່ນເມົາແອລກໍຮໍໃດ. ມ່ວນຈະຊວນມາ “ເມົາຄວາມເຈັບປວດ” ແທນ, ຟັງເພງໃໝ່ຈາກ SenJx ແລະ XXXVVIIV ທີ່ຈະພາທຸກຄົນມາດຳດິ່ງໄປກັບຄວາມຜິດຫວັງໃນຮັກຄັ້ງນີ້ກັນ.
“ເມົາຄວາມເຈັບປວດ ຕຳຫຼວດສິຈັບກູບໍ່” ປະໂຫຍກທີ່ເວົ້າຢອກກັນໃນກຸ່ມໝູ່ເພື່ອນທີ່ກຳລັງສັງສັນກັນຢູ່ໃນຕູບແຫ່ງໜຶ່ງທີ່ໃຫ້ບັນຍາກາດຊິລໆສະບາຍໆໃນມື້ພັກຜ່ອນ ແລະ ໜຶ່ງໃນນັ້ນກຳລັງອົກຫັກຢູ່.
ເພາະຜູ້ສາວໄດ້ໄປກັບຄົນໃໝ່ທີ່ດີກວ່າເມື່ອງປຽບທຽບກັບຕົວເອງແລ້ວນັ້ນບໍ່ມີດີເທົ່າເຂົາໄດ້, ຕ້ອງຄອຍຖ້າໃຫ້ຜູ້ສາວຄົນນັ້ນມາສົນໃຈ, ແຕ່ມັນຈະເປັນໄປໄດ້ບໍ່ລະ? ໃນເມື່ອເຂົາໄປກັບຄົນໃໝ່ແລ້ວ.
ມັນຍິ່ງກວ່າຄວາມເສຍໃຈທີ່ໄດ້ເພາະເຮັດຫຍັງບໍ່ໄດ້, ໄດ້ແຕ່ເມົາ ແລະ ຄິດຮອດຫຼາຍ, ຕອນນີ້ກໍມີໝູ່ເພື່ອນເທົ່ານັ້ນທີ່ຍັງຢູ່ຂ້າງກາຍກັນ. ໃຜທີ່ຍັງເສົ້າ ແລະ ອົກຫັກຢູ່ຕ້ອງຟັງເພງນີ້ເລີຍ.
ໂດຍ: ທີມບັນນາທິການ Muan