ມ່ວນຄັກໆ! ຟັງເພງໃໝ່ຮັບປີໃໝ່ລາວ “ນ້ຳມົນສົງການ” ຈາກ LUSSIAN x Donaknowurfeel
Highlights
- ການຈັບມືກັນຂອງ 2 ສິລະປິນ-ແຣັບເປີ LUSSIAN x Donaknowurfeel ທີ່ມາປ່ອຍເພງໃໝ່ຕ້ອນຮັບເດືອນເມສາ ເພື່ອປ່ຽນອາກາດທີ່ຮ້ອນອົບເອົ້າໃຫ້ກາຍເປັນບັນຍາກາດແຫ່ງຄວາມມ່ວນຊື່ນແບບຢຸດບໍ່ຢູ່.
- ເນື້ອຫາເພງແມ່ນເຂົ້າເຖິງງ່າຍຖືກໃຈສາຍມັກມ່ວນ ເຊິ່ງເພງໄດ້ຖ່າຍທອດເອກະລັກຄວາມຂີ້ຫຼິ້ນ ແລະ ນິໄສກວນໆເຮຮາຂອງຄົນລາວໄດ້ຢ່າງຊັດເຈນ ໂດຍສະເພາະການຢອກໄຍໃນວົງສັງສັນ.
- ຈັງຫວະບີດ (Beat) ສຸດມັນທີ່ອອກແບບມາເພື່ອສາຍເຕັ້ນ ແລະ ມີກິ່ນອາຍຄວາມທັນສະໄໝປະສົມປະສານກັບປະເພນີລາວ ເໝາະຫຼາຍສຳລັບການເປີດໃສ່ລຳໂພງດັງໆ ຊ້ອມເຕັ້ນໃຫ້ແອວສັ່ນໄປກັບກຸ່ມໝູ່ເພື່ອນໃນຊ່ວງສົງການນີ້.
ເພາະເດືອນເມສາມັນຮ້ອນຈົນທົນບໍ່ໄຫວ ເລີຍຕ້ອງມີເພງນີ້ໄວ້ດັບຮ້ອນ. ມ່ວນຊວນຟັງ “ນ້ຳມົນສົງການ” ເພງໃໝ່ຫຼ້າສຸດຈາກ 2 ສິລະປິນ-ແຣັບເປີ ສຸດກວນຄື LUSSIAN x Donaknowurfeel ທີ່ຈັບມືກັນມາປ່ອຍພະລັງຄວາມມ່ວນ ພ້ອມປ່ຽນຄວາມຮ້ອນເດືອນເມສາໃຫ້ເປັນຄວາມມ່ວນແບບຢຸດບໍ່ຢູ່.
ທຸກຄົນຕ້ອງລອງຟັງເພງນີ້ກັນເລີຍ, ເພາະເພງ ນ້ຳມົນສົງການ ນັ້ນມີເນື້ອຫາສຸດກວນແບບສະບັບຄົນທີ່ມີຄວາມຂີ້ຫຼິ້ນ ແລະ ນິໄສ ມັກມ່ວນ-ມັກກວນ ກໍເປັນສະໄຕລ໌ຄົນລາວເຮົາທີ່ມີການຢອກໄຍກັນ ເຮັດໃຫ້ເຂົ້າເຖິງງ່າຍ ແລະ ຖືກໃຈໄວຮຸ່ນສາຍຕຳຈອກແບບສຸດໆ.
ຈັງຫວະດົນຕີກໍອອກແບບມາເພື່ອສາຍເຕັ້ນໂດຍສະເພາະ ດ້ວຍບີດ (Beat) ທີ່ມີຄວາມມັນ ແລະ ເລົ້າໃຈ ພໍແຕ່ດົນຕີຂຶ້ນກໍເຮັດໃຫ້ຮູ້ສຶກຢາກລຸກຂຶ້ນມາໂຢກໆທັນທີ. ບອກເລີຍວ່າເໝາະຫຼາຍທີ່ຈະເປີດໃສ່ລຳໂພງໂຕໃຫຍ່ໆແລ້ວເຕັ້ນກັບກຸ່ມໝູ່ຢູ່ໜ້າບ້ານກັນຈົນແອວສັ່ນໂລດ.
ເພງນີ້ຖືວ່າເປັນການສ້າງສີສັນໃໝ່ຊ່ວງບຸນປີໃໝ່ລາວ ແລະ ເປັນການປະສົມປະສານລະຫວ່າງກິ່ນອາຍປະເພນີ ແລະ ໄລຟ໌ສະໄຕລ໌ສະໄໝໃໝ່ໄດ້ຢ່າງລົງຕົວ.
ໃຜທີ່ບໍ່ຢາກຕົກເທຣນ (Trend) ຫຼື ຢາກເປັນຜູ້ນຳທ່າເຕັ້ນໃນວົງກັບໝູ່ເພື່ອນ ຕ້ອງຮີບໄປຊອກຟັງ ແລະ ຊ້ອມທ່າເຕັ້ນໄວ້ຖ້າເລີຍ.