Meta ຈະແຍກ Reels ອອກຈາກແພລັດຟອມຫຼັກ IG ແລະ Facebook ເອົາໃຈຜູ້ທີ່ມັກເບິ່ງວິດີໂອສັ້ນຫຼາຍກວ່າໂພສຮູບພາບ
26 March 2025● 145
Meta ອັບເດດຂໍ້ມູນເຊີງເລີກພົບວ່າ Reels ເຊິ່ງເປັນຟີເຈີຣ໌ວິດີໂອສັ້ນໃນແພລັດຟອມ Instagram ແລະ Facebook ມີກຸ່ມຜູ້ໃຊ້ງານທີ່ມີທ່າອ່ຽງ ແລະ ພຶດຕິກຳມັກເບິ່ງວິດີໂອສັ້ນຫຼາຍກວ່າໂພສຮູບພາບແບບເກົ່າ.
ພຶດຕິກຳການເບິ່ງເນຶ້ອຫາຄອນເທັ້ນເຫຼົ່ານີ້ເຮັດໃຫ້ Reel ກາຍເປັນທີ່ນິຍົມຢ່າງຫຼວງຫຼາຍຢູ່ເທິງແພລັດຟອມທັງສອງຂອງ Meta ນີ້.
ຫຼ້າສຸດ Meta ກຳລັງມີແຜນກຽມແຍກຟີເຈີຣ໌ວິດີໂອສັ້ນຢ່າງ Reels ອອກມາເປັນແອັບດ່ຽວ, ເພຶ່ອຕອບສະໜອງພຶດຕິກຳຜູ້ໃຊ້ງານທີ່ປ່ຽນໄປ ແລະ ອາດຈະເປັນການແຂ່ງຂັນກັນກັບແພລັດຟອມ TikTok ທີ່ເນັ້ນວິດີໂອສັ້ນເປັນຫຼັກ.
ຖ້າຫາກວ່າສິ່ງທີ່ Meta ກຳລັງພິຈາລະນາໃນການແຍກຟີເຈີຣ໌ Reels ນີ້ອອກມາກໍຖືວ່າໜ້າສົນໃຈຫຼາຍ, ເພາະມັນຈະຊ່ວຍເພີ່ມການມີສ່ວນຮ່ວມຂອງຜູ້ໃຊ້ໄດ້ຫຼາຍຂຶ້ນ ຫຼື ການເພີ່ມເຄື່ອງມືໃນການຕັດຕໍ່ວິດີໂອທີ່ສາມາດເຮັດຄົບຈົບໄດ້ໃນແອັບດຽວ.
ໂດຍ: ທີມບັນນາທິການ Gadzila