Meta ເປີດຕົວແອັບ Edits ສ້າງມາເພື່ອສາຍ Content Creators ໂດຍສະເພາະ ດ້ວຍຄຸນສົມບັດເດັດເຄື່ອງມືສ້າງສັນເຕັມຮູບແບບ
13 March 2025● 301
ໃນວັນທີ 19 ມັງກອນ 2025, Adam Mosseri ຫົວໜ້າທີມ Instagram ໄດ້ປະກາດກ່ຽວກັບການພັດທະນາແອັບຕັດຕໍ່ວິດີໂອທີ່ທາງທີມງານ Meta ກຳລັງພັດທະນາຢູ່ ແລະ ມີການວາງແຜນທີ່ຈະເປີດຕົວໃນວັນທີ 13 ເດືອນ ມີນາ 2025 ນີ້.
Edits ເປັນແອັບພລິເຄຊັນໃໝ່ສຳລັບການຕັດຕໍ່ວິດີໂອທີ່ Meta (ບໍລິສັດແມ່ຂອງ Instagram ແລະ Facebook) ໄດ້ພັດທະນາຂຶ້ນ, ແອັບນີ້ຖືກອອກແບບມາເພື່ອຜູ້ສ້າງເນື້ອຫາ (Creators) ສາມາດຕັດຕໍ່ວິດີໂອໄດ້ງ່າຍໆຜ່ານໂທລະສັບມືຖື.
ຈາກການປະກາດຂອງ Adam Mosseri ຜ່ານ Threads ໃນຕົວແອັບ Edits ຈະມີຄຸນສົມບັດໃນການໃຊ້ເຄື່ອງມືສ້າງສັນເຊັ່ນ:
- Creative Tools: ເຄື່ອງມືຕັດຕໍ່ວິດີໂອທີ່ຄົບຊຸດ
- Inspiration Tab: ແຖບເຄື່ອງມື້ໃນການສ້າງແຮງບັນດານໃຈຊ່ວຍໃຫ້ຜູ້ໃຊ້ຊອກຫາແນວຄິດ ແລະ ເທຣນໃໝ່ໆ.
- Idea Tracker: ມີການຈັດການໄອເດຍພື້ນທີ່ສຳລັບບັນທຶກ ແລະ ຈັດການແນວຄິດກ່ອນລົງມືຕັດຕໍ່
- Draft Sharing: ການແບ່ງປັນເທັມແພລັດ ຫຼື ຮ່າງວິດີໂອກັບໝູ່ຜູ້ຮ່ວມງານເພື່ອຂໍຄຳເຫັນ.
- High Quality Recording: ຜູ້ສ້າງເນື້ອຫາສາມາດບັນທຶກວິດີໂອຜ່ານຕົວແອັບໄດ້ດ້ວຍຄຸນນະພາບວິດີໂອທີ່ມີຄວາມແຈ້ງລະອຽດສູງ.
- Insights: ຖ້າເຈົ້າໂພສວິດີໂອຜ່ານ Instagram, Edits ຈະໃຫ້ຂໍ້ມູນ ແລະ ວິເຄາະວ່າວິດີໂອຂອງເຈົ້າມີປະສິດທິພາບແນວໃດ (ເບິ່ງຈຳນວນການເບິ່ງ, ການມີສ່ວນຮ່ວມ ແລະ ອື່ນໆ).
- Made with Edits: ສາມາດກົດໂພສຜ່ານ Instagram Reels ແລະ ສະແດງວ່າວິດີໂອນັ້ນຖືກສ້າງດ້ວຍ Edits.
ໂດຍ: ທີມ Gadzila