Gadzila

ອາວະສານສາຍແຄັບໜ້າຈໍ Messenger ອັບເດດໃໝ່ ໃຜແຄັບແຊັດລະບົບຈະແຈ້ງເຕືອນທັນທີ

ໂດຍ: Khainapha Chanthathilath

04 November 2025● 55

ມາໃໝ່ອີກແລ້ວ, ສຳລັບລູກຫຼິ້ນຂອງ Meta ທີ່ໄດ້ເພີ່ມຟີເຈີໃຫ້ກັບ Messenger ໃນລະບົບແຈ້ງເຕືອນເວລາຄົນແຄັບໜ້າຈໍໃນໂໝດ Disappearing Messages (ການຕັ້ງຄ່າລົບຂໍ້ຄວາມພາຍໃນ 24 ຊົ່ວໂມງ) ໄວ້.

ທຸກຄົນຢ່າຟ້າວຕົກໃຈ ເພາະໃນສ່ວນນີ້ຂອງແຊັດ Messenger ແບບປົກກະຕິຍັງບໍ່ມີຟີເຈີນີ້ເທື່ອເດີ ສະແດງວ່າສາຍແຄັບສະບາຍໃຈໄດ້ໜ້ອຍໜຶ່ງ ແຕ່ກໍຕ້ອງລະວັງໃຫ້ຫຼາຍຂຶ້ນຄືກັນ ເພະກໍມີຜູ້ໃຊ້ງານ Messenger ເລີ່ມທີ່ຈະຕັ້ງຄ່າໂໝດການລົບຂໍ້ຄວາມພາຍໃນ 24 ຊົ່ວໂມງແລ້ວ ເພາະຢາກຮູ້ວ່າຈະມີໃຜມາແຄັບໜ້າຈໍໃນແຊັດເຮົາແດ່ (ກັອດຈິ ກໍເລີ່ມຮ້ອນໆ-ໜາວໆລະ ເພາະຄວາມລັບຫຼາຍ).

ຢາກຕັ້ງຄ່າ Disappearing Messages ກໍງ່າຍໆ ໃຜທີ່ກຳລັງສົນໃຈເຄັດລັບນີ້ ກັອດຈິ ກໍຈະມາແຊຣ໌ໃຫ້ເລີຍວ່າວິທີຕັ້ງຄ່າລະບົບແຈ້ງເຕືອນໃນ Messager ໂໝດ Disappearing Messages ເຮັດແນວໃດ?

ຕັ້ງຄ່າເປີດໂໝດ Disappearing Messages

1. ເຂົ້າໄປທີ່ແອັບ Messager.
2. ກົດໄປທີ່ຊື່ໝູ່ທີ່ຕ້ອງການຕັ້ງຄ່າການເປີດໂໝດ.
3. ກົດເຂົ້າໄປຕັ້ງຄ່າສ່ວນຕົວໃນແຊັດຂອງໝູ່.
4. ເລື່ອນລົງຫາໂໝດ Disappearing Messager ແລ້ວເປີດຕັ້ງຄ່າ ໂດຍກຳນົດເວລາໄວ້ທີ່ 24 ຊົ່ວໂມງ.
5. ແຊັດໃດທີ່ເຮົາຕັ້ງຄ່າໂໝດ Disappearing Messager ໄວ້ ເວລາມີຄົນແຄັບໜ້າຈໍ ຫຼື ເຮົາແຄັບໄວ້ເອງ ມັນຈະຂຶ້ນສະຖານະໃນແຊັດ ພ້ອມແຈ້ງທັງສອງຝ່າຍໃຫ້ຮູ້ທັນທີເລີຍ. ກັອດຈິ ໄດ້ທົດລອງແຄັບແຊັດເອງແລ້ວ ລະບົບຂຶ້ນແຈ້ງສະຖານະວ່າ “You took a screenshot”.