ໃຜທີ່ກຳລັງຫາຊິຣີສ໌ວາຍເບົາສະໝອງ ແບບເບິ່ງແລ້ວຕ້ອງຍິ້ມອາລົມດີຕ້ອງເລື່ອງນີ້ເລີຍ Me and Thee (มีสติหน่อยคุณธีร์) ຫຼື ວ່າຈະເອີ້ນວ່າເປັນຊິຣີສ໌ຖອດສະໝອງກໍໄດ້ ເພາະທຸກສາກທີ່ໂຕເອກອອກມາຄືຕ້ອງຫຼຸດຫົວກັບບົດບາດຂອງຜູ້ບໍລິຫານ ບໍລິສັດນ້ຳຫອມແບຣນ Asenie ຢ່າງ “ທີ” ສະເໝີ.
ທີ ບໍ່ໄດ້ມີດີພຽງແຕ່ລວຍ ແຕ່ລາວຍັງມີສະເໜ່ຄວາມຫຼໍ່ທີ່ໂດດເດັ່ນ. ພິເສດ ຫຼາຍກວ່ານັ້ນຄືຄວາມແປກທີ່ບໍ່ຄືໝູ່ ເພາະວ່າບຸກຄະລິກທີ່ຊັບຊ້ອນເຢັນຊາ ແຕ່ອົບອຸ່ນ ແລະ ການເວົ້າຂອງລາວຄືຫຼຸດມາແຕ່ໃນລະຄອນໄທເລື່ອງເກົ່າຫຼາຍສິບປີ.
ທີ ໄດ້ມີໂອກາດມາພົບກັບ ພີຊ ທີ່ປຽບເໝືອນຄວາມຮັກ Poppy Love ຫຼື ຮັກທຳອິດຂອງລາວທີ່ໄດ້ເຂົ້າມາປ່ຽນຊີວິດໄປໃນທາງທີ່ດີຂຶ້ນ ພ້ອມໃຫ້ເຂົ້າໃຈວ່າຄົນທຳມະດານັ້ນໃຊ້ຊີວິດແບບໃດ ແລະ ຊ່ວຍເຂົ້າມາເຮັດໃຫ້ລາວເປີດໃຈແກ້ໄຂປົມໃນໃຈຂອງລາວ.
ຊີວິດຂອງ ທີ ກໍບໍ່ໄດ້ສວຍງາມຢ່າງທີຄິດ ເພາະຕ້ອງໄດ້ພິສູດໂຕເອງ ເພາະເກີດມາໃນຕະກຸນຜູ້ມີອິດທິພົນເກົ່າ ແຕ່ກໍໄດ້ເລືອກທີ່ຈະຫັນຫຼັງໃຫ້ກັບເສັ້ນທາງສີເທົານັ້ນ ເພື່ອສ້າງ “ໂລກໃໝ່” ທີ່ສວຍງາມໃນແບບຂອງລາວ.
ເລື່ອງນີ້ແມ່ນຈົບແລ້ວເດີ ມີທັງໝົດ 10 ຕອນ, ທຸກຄົນສາມາດຫາເບິ່ງໄດ້ເລີຍ.
