Gadzila

ທົດສອບ Love Language ຄົ້ນພົບພາສາຮັກຂອງເຈົ້າ

ໂດຍ: Khainapha Chanthathilath

20 June 2025● 110

ທຸກຄົນເຄີຍສົງໄສບໍ່? ເປັນຫຍັງບາງຄົນພຽງແຕ່ໄດ້ຮັບຂໍ້ຄວາມຫວານໆຈາກຄົນຮັກກໍດີໃຈແລ້ວ ແລະ ບໍ່ໄດ້ຕ້ອງການຫຍັງຫຼາຍເລີຍ, ແຕ່ກັບບາງຄົນຕ້ອງມີຂອງຂັວນ, ການກອດ ຫຼື ສໍາຜັດ ຈຶ່ງຈະຮູ້ສຶກເຖິງຄວາມຮັກທີ່ໄດ້ຮັບ.

ຄົນເຮົາມີຫຼາກຫຼາຍແບບຄວາມມັກກໍບໍ່ຄືກັນ ແລ້ວເຮົາຈະຮູ້ໄດ້ແນວໃດວ່າຄົນຮັກເຮົາມັກຄືກັນກັບເຮົາລະ?

ກັອດຈິ ເລີຍນຳແບບທົດສອບພາສາຮັກ ຫຼື Love Language ແຕ່ລະແບບມາໃຫ້ທຸກຄົນໄດ້ລອງເຮັດຫຼິ້ນໆເບິ່ງ, ແຕ່ຖ້າໃຜຍັງໂສດກໍຫຼິ້ນໄດ້ເດີ ເພື່ອໃຫ້ເຮົາຮູ້ວ່າ Love language ຂອງເຮົາ.

Love language ແມ່ນຫຍັງ?

Love Language ແມ່ນການສະແດງຄວາມຮັກອີກແບບໜຶ່ງອອກມາຈາກການກະທຳ ເຊິ່ງຈະປະກອບມີທັງໝົດ 5 ແບບຄື:

1. ຄໍາເວົ້າຫວານໆ (Word of Affirmation): ເວລາທີ່ເຮົາຍິນຄໍາເວົ້າດີໆ, ຄໍາຍ້ອງຍໍ ຫຼື ການເວົ້າໃຫ້ກໍາລັງໃຈຈາກຄົນຮັກ ມັນຈະເຮັດໃຫ້ຮູ້ສຶກວ່າຖືກຮັກຈາກເຂົາຫຼາຍ. 
2. ເວລາຄຸນນະພາບ (Quality Time): ການທີ່ໄດ້ໃຊ້ເວລາຮ່ວມກັບຄົນຮັກ, ເຮັດສິ່ງດີໆຮ່ວມກັນ ແລະ ມີເວລາໃຫ້ກັນນັ້ນ ເປັນການສື່ສານອີກຢ່າງໜຶ່ງເຖິງພາສາຮັກຂອງຄົນທັງສອງ.
3. ຂອງຂັວນ (Gifts): ການໃຫ້ຂອງຂັວນແທນໃຈ ບໍ່ຈໍາເປັນຕ້ອງເປັນສິ່ງຂອງທີ່ມີລາຄາແພງສະເໝີໄປ ແຕ່ອາດຈະເປັນການໃຫ້ສິ່ງຂອງເລັກໆນ້ອຍໆໃນວັນສໍາຄັນຕ່າງໆ, ເພື່ອສື່ເຖິງຄວາມຮັກຂອງທັງສອງຄົນ ແລະ ຄວາມຮູ້ສຶກດີໆທີ່ມີຕໍ່ກັນ. 
4. ດູແລເອົາໃຈໃສ່ (Acts of Service): ພາສາຮັກທີ່ສະແດງອອກຜ່ານການກະທໍາທີ່ເຮັດໃຫ້ເຫັນວ່າການເອົາໃຈໃສ່ ແລະ ດູແລຄົນທີ່ຮັກດ້ວຍຄວາມຈິງໃຈແບບທີ່ບໍ່ແມ່ນການບັງຄັບ ມັນແມ່ນພາສາຮັກທີ່ເລືອກສະແດງອອກຜ່ານການກະທຳຄືຄວາມຮັກທີ່ມີໃຫ້ກັນ.
5. ການສໍາພັດ (Physical Touch): ການສື່ສານຄວາມຮັກຜ່ານການສໍາຜັດໂຕອີກຄົນໜຶ່ງບໍ່ວ່າຈະເປັນ ການກອດ, ຈັບມື ຫຼື ລູບຫົວເບົາໆ ທີ່ເຮັດໃຫ້ຮູ້ສຶກເຖິງຄວາມຫ່ວງໃຍ ແລະ ຄວາມອົບອຸ່ນທີ່ມີຕໍ່ຄົນຮັກ.

ທຸກຄົນລອງເຮັດແບບທົດສອບໄດ້ງ່າຍໆເລີຍ. ໃຊ້ງານຟຣີ ແລະ ໃຊ້ເວລາໃນການຕອບບໍ່ດົນ ເພາະມີແຕ່ 30 ຂໍ້

ເວັບໄຊແບບທົດສອບພາສາຮັກ: https://love-language.co/th