ສ່ອງ Line Up ສຸດຈຶ້ງ ທີ່ງານ LIT POP MUSIC FESTIVAL

ແບ່ງປັນ

ກຽມຊ້ອມຄໍຮ້ອງເພງ ແລະ ສຽງກີດໃຫ້ພ້ອມ! ເພາະນະຄອນຫຼວງວຽງຈັນກຳລັງຈະລຸກເປັນໄຟ ກັບຄອນເສີດໃຫຍ່ສຸດປັອບແຫ່ງປີ LIT POP MUSIC FESTIVAL ທີ່ໄດ້ລວມເອົາສິລະປິນ ລາວ-ໄທ ໂຕທັອບມາໄວ້ໃນເວທີນີ້.

ໃນມື້ງານ LIT POP MUSIC FESTIVAL ຍັງໄດ້ ຈັດໜັກ-ຈັດເຕັມ ຄວາມມ່ວນແບບບໍ່ໃຫ້ທຸກຄົນໄດ້ພັກກັບກອງທັບສິລະປິນທີ່ຫຼາຍເຖິງ 17 Line Up.

ມ່ວນຊວນໄປ ເລີຍຈະພາມາສ່ອງ Line Up ທັງໝົດໃນເວທີນີ້ ຂໍບອກເລີຍວ່າສຸດຈຶ້ງເກີນຄຳບັນຍາຍ ເພາະແມ່ນສິລະປິນທີ່ທຸກຄົນຕິດຕາມກັນຢູ່ແລ້ວ. ພ້ອມກັນນັ້ນເທິງເວທີຍັງຈັດແສງສີສຽງມາແບບອາລັງການ ສຳລັບສາຍຄອນເສີດຕ້ອງຮັກສິ່ງນີ້ແນ່ນອນ.

ນອກຈາກນີ້, ຍັງມີໂຊນອາຫານ ແລະ ເຄື່ອງດື່ມ ຫຼາຍເຖິງ 40 ຮ້ານທີ່ພ້ອມຈະໃຫ້ທຸກຄົນເຂົ້າໄປຕື່ມພະລັງງານ ໂດຍບໍ່ຕ້ອງກັງວົນວ່າຈະຢ້ານຫິວ.