Gadzila

ແປພາສາໄວທັນໃຈ Google Meets ເພີ່ມຟີເຈີຣ໌ Live Captions ເຮັດໃຫ້ການປະຊຸມອອນລາຍກັບຄົນຕ່າງປະເທດງ່າຍຂຶ້ນ

ໂດຍ: Khainapha Chanthathilath

25 June 2025● 104

ມີໃຜເປັນຄືກັນບໍ່? ເວລາປະຊຸມອອນລາຍກັບຄົນຕ່າງປະເທດແລ້ວລົມກັນບໍ່ເຂົ້າໃຈ ຫຼື ພໍເຂົາເວົ້າໄວກໍຟັງບໍ່ທັນຈົນເຮັດໃຫ້ການປະຊຸມບໍ່ສາມາດສະຫຼຸບໃຈຄວາມໄດ້.

ມື້ນີ້ ກັອດຈິ ເລີຍນຳຟີເຈີຣ໌ເດັດຈາກ Google Meets ທີ່ອັບເດດໃໝ່ໄດ້ເພີ່ມ Live Caption ທີ່ສາມາດແປພາສາໄດ້ແບບ Real Time, ແປໄດ້ທັນທີແບບອັດຕະໂນມັດ, ເວລາເວົ້າໃນຫ້ອງປະຊຸມອອນລາຍໃນ Google Meets ກໍຈະມີ Caption ຂຶ້ນມາ ແລະ ມັນຍັງຮອງຮັບຫຼາຍພາສາເຊັ່ນ: ພາສາອັງກິດ, ພາສາຝຣັ່ງ, ພາສາຈີນ, ພາສາຍີ່ປຸ່ນ, ພາສາສະເປນ ແລະ ອື່ນໆ.

ຟີເຈີຣ໌ນີ້ເໝາະຫຼາຍກັບນັກສຶກສາ ຫຼື ພະນັກງານທີ່ຕ້ອງໄດ້ໃຊ້ພາສາຕ່າງປະເທດໃນການຕິດຕໍ່ສື່ສານ, ເພາະຈະຊ່ວຍໃຫ້ເຮົາປະຢັດເວລາໃນການແປເອງ, ຊ່ວຍໃຫ້ເຮົາສາມາຈົດຈໍ່ກັບເນື້ອຫາການປະຊຸມໄດ້ຢ່າງເຕັມທີ່ ແລະ ຍັງຊ່ວຍຝຶກທັກສະການອ່ານ-ຟັງພາສາຕ່າງປະເທດຂອງເຮົາໄປພ້ອມກັນ.

ວິທີການໃຊ້ງານ

• ເປີດ Google Meet ແລ້ວເຂົ້າໄປທີ່ “Settings”.
• ເປີດ ຟີເຈີຣ໌ Live Caption.
• ເລືອກພາສາທີ່ຢາກໃຫ້ແປ, ຫຼັງຈາກນັ້ນ AI ກໍຈະຈັດການແປພາສາໃຫ້ເຮົາທັນທີ ໃນເວລາປະຊຸມອອນລາຍ.