|
Getting your Trinity Audio player ready...
|
ພວກເຮົາຈະບໍ່ຕ້ອງທົນລຳຄານໃຈກັນອີກຕໍ່ໄປແລ້ວເມື່ອ Facebook ອອກນະໂຍບາຍໃໝ່ປັບປຸງໜ້າ Feed ເພື່ອຈັດການກັບໂພສທີ່ເປັນສະແປມ, ມີເປົ້າໝາຍເພື່ອຍົກລະດັບຄຸນນະພາບຂອງເນື້ອຫາພ້ອມສ້າງປະສົບການທີ່ດີຂອງຜູ້ໃຊ້ໃນແພລັດຟອມ ແລະ ເຮັດໃຫ້ແພລັດຟອມຍັງເປັນພື້ນທີ່ທີ່ເຮັດໃຫ້ໜ້າສົນໃຈສຳລັບຜູ້ໃຊ້ງານ.
Meta ຖືກສ້າງຂຶ້ນເພື່ອເປັນສະຖານທີ່ທີ່ຜູ້ຄົນທີ່ໃຊ້ງານແພລັດຟອມສາມາດສະແດງອອກໄດ້ຢ່າງເສລີ. ເນຶ້ອຫາທີ່ເປັນສະແປມແມ່ນຖືວ່າເປັນອີກສ່ວນໜຶ່ງທີ່ເຮັດໃຫ້ພວກເຮົາຖືກຂັດຂວາງການຫຼິ້ນການເບິ່ງຜົນງານຕ່າງໆໃນໜ້າ Feed ຫຼື ຄວາມສາມາດໃນການສະແດງຄວາມເປັນຕົວເອງຂອງຜູ້ໃຊ້ຫຼາຍ Meta ຈຶ່ງອອກນະໂຍບາຍໃໝ່ມາເພື່ອຈັດການສະແປມເຫຼົ່ານີ້.
1. ຈຳກັດການເຂົ້າເຖິງຂອງບັນຊີທີ່ເຜີຍແຜ່ໂພສສະແປມ
ບັນຊີທີ່ໃຊ້ກົນລະຍຸດເພື່ອຫຼອກລວງອັລກໍຣິທຶມເຊັ່ນ: ການໂພສຂໍ້ຄວາມບັນຍາຍຍາວເກີນໄປ, ໃຊ້ແຮັຊແທັກຫຼາຍເກີນ ຫຼື ໃສ່ຄຳບັນຍາຍທີ່ບໍ່ກົງກັບຮູບພາບ, ຈະຖືກຈຳກັດການເບິ່ງເຫັນໃຫ້ສະແດງສະເພາະຜູ້ຕິດຕາມເທົ່ານັ້ນ ແລະ ບັນຊີນັ້ນຈະຖືກຕັດສິດຈາກການສ້າງລາຍໄດ້.
2. ລົບບັນຊີທີ່ມີສ່ວນຮ່ວມສ້າງໂພສປອມ ແລະ ການແອບອ້າງເປັນຜູ້ອື່ນ
Meta ໄດ້ເພີ່ມການລົງທຶນໃນການກວດຈັບຫຼາຍຂຶ້ນ ແລະ ສ້າງມາດຕະການທີ່ເຂັ້ມງວດເພື່ອລົບບັນຊີທີ່ສ້າງການມີສ່ວນຮ່ວມສ້າງໂພສປອມເຊັ່ນ: ຄຳຄິດເຫັນຫຼອກລວງ ຫຼື ເພຈປອມທີ່ສ້າງຂຶ້ນເພື່ອເພີ່ມການເຂົ້າເຖິງຢ່າງບໍ່ຖືກຕ້ອງ ເຊິ່ງໃນປີ 2024 ນັ້ນ Facebook ໄດ້ລົບເພຈປອມໄປແລ້ວກວ່າ 100 ລ້ານເພຈ ແລະ ລົບໂປຣໄຟລ໌ທີ່ແອບອ້າງເປັນຜູ້ອື່ນກວ່າ 23 ລ້ານ ໂປຣໄຟລ໌.
3. ສະໜັບສະໜຸນຜູ້ສ້າງເນື້ອຫາຕົ້ນສະບັບຢ່າງຕໍ່ເນື່ອງ
ເພື່ອປົກປ້ອງສິດຂອງຜູ້ສ້າງເນື້ອຫາ, Meta ຍັງຄົງພັດທະນາ Rights Manager ໃຫ້ມີປະສິດທິພາບຫຼາຍຂຶ້ນເພື່ອປ້ອງກັນການນຳເນື້ອຫາໄປໃຊ້ຊ້ຳໂດຍບໍ່ໄດ້ຮັບອະນຸຍາດ ແລະ ຍັງໃຫ້ຄຳແນະນຳເພື່ອຊ່ວຍໃຫ້ຜູ້ສ້າງເນື້ອຫາທີ່ໜ້າດຶງດູດສາມາດປະສົບຄວາມສຳເລັດໄດ້ໃນແພລັດຟອມໄດ້.
