ເປີດຕົວສິລະປິນໜ້າໃໝ່ ມິກໂນ ຈາກຄ້າຍເພງສະໄຕລ໌ລູກທົ່ງບ້ານນາ LINTONG ENTERTAINMENT ໄດ້ປ່ອຍເພງທຳອິດຂອງລາວດ້ວຍເພງ “ຖິ້ມອ້າຍສາ” ທີ່ໄດ້ມາບອກເລົ່າເຖິງຄວາມເຈັບຊ້ຳສຸດໃຈຈາກຄວາມຮັກທີ່ຕ້ອງຍອມໃຫ້ຜູ້ຍິງທີ່ຮັກໄປພົບຄົນໃໝ່ທີ່ດີກວ່າ.
ເຖິງວ່າຮັກນີ້ຈະຜູກພັນ ແລະ ຮັກເທົ່າໃດມັນກໍຍັງມີອຸປະສັກເຂົ້າມາຂວາງພວກເຂົາທັງສອງ, ເພາະດ້ວຍຖານະທີ່ແຕກຕ່າງ ແລະ ບໍ່ສາມາດດູແລຜູ້ຍິງໃຫ້ດີຂຶ້ນໄດ້.
“ບໍ່ແມ່ນອ້າຍບໍ່ຮັກ ທີ່ອ້າຍປ່ອຍເຈົ້າໄປ
ຄັນຊິດຶງຊິລັ້ງເອົາໄວ້ ກະຄົງບໍ່ມີຫຍັງດີ
ປ່ອຍເຈົ້າໄປດີກວ່າ ໃຫ້ເຈົ້າໄປພໍ້ຄວາມສຸກໃໝ່
ໃຫ້ເຈົ້າໄປພໍ້ຄົນມີເງິນຫຼາຍ ຂີ້ທຸກຄືອ້າຍຕ້ອງຍອມຫຼີກທາງ”
ໃນເນຶ້ອເພງໄດ້ເລົ່າວ່າຍ້ອນຮັກຜູ້ຊາຍຈຶ່ງຕ້ອງຍອມເຈັບປວດ ແລະ ເຖິງປາກບອກວ່າຍອມໃຫ້ຜູ້ຍິງຈາກໄປແຕ່ຜູ້ຊາຍກໍຍັງມີການປະຊົດປະຊັນໃຫ້ຜູ້ຍິງດ້ວຍຄວາມນ້ອຍໃຈ ເພາະທີ່ເຄີຍສັນຍາກັນໄວ້ ສຸດທ້າຍແລ້ວຜູ້ຍິງກໍບໍ່ຮັກສາ ແລະ ຈາກໄປ.
ໂດຍ: ທີມບັນນາທິການ Muan
