ໃຜວ່າ AI ອ່ານໄດ້ແຕ່ໃຈຄົນເທົ່ານັ້ນ, ຫຼ້າສຸດ ChatGPT ໄດ້ເປີດຕົວຟີເຈີຣ໌ໃໝ່ທີ່ສາມາດຮອງຮັບການເຊື່ອມຕໍ່ກັບ Google Drive, Dropbox ແລະ OneDrive ໄດ້ແລ້ວ.
ການພັດທະນາ ແລະ ອັບເດດນີ້ເຮັດໃຫ້ຜູ້ໃຊ້ສະດວກສະບາຍຄືກັບມີເລຂາສ່ວນຕົວເປັນຂອງຕົວເອງ ເໝາະກັບສາຍທີ່ມັກໃຊ້ໃນການຮຽນ ແລະ ສາຍເຮັດວຽກສຸດໆ.
ຟີເຈີຣ໌ໃໝ່ນີ້ຊ່ວຍໃຫ້ຜູ້ໃຊ້ສາມາດເຂົ້າເຖິງ ແລະ ອ່ານໄຟລ໌ຈາກ Google Drive ແລະ Dropbox ໄດ້ທັນທີ, ໂດຍບໍ່ຈໍາເປັນຕ້ອງດາວໂຫຼດໄຟລ໌ເຂົ້າເຄື່ອງກ່ອນ, ພຽງແຕ່ເຊື່ອມບັນຊີ Google Drive ຫຼື Dropbox ເຂົ້າກັບ ChatGPT ກໍສາມາດໃຊ້ງານໄດ້ແລ້ວ.
ນອກຈາກນີ້, ChatGPT ຍັງສາມາດສະຫຼຸບເນື້ອຫາ, ວິເຄາະຂໍ້ມູນ ແລະ ສ້າງໄຟລ໌ໃໝ່ຈາກໄຟລ໌ເກົ່າທີ່ດາວໂຫຼດມາໄດ້ຕາມຕ້ອງການ.
ສະຫຼຸບຟີເຈີຣ໌ແບບເຂົ້າໃຈງ່າຍ
- ອ່ານໄຟລ໌ຈາກ Google Drive ແລະ Dropbox.
- ອ່ານ ແລະ ປະມວນຜົນເອກະສານຕ່າງໆເຊັ່ນ: PDF, DOCX, XLSX, ໄຟລ໌ຂໍ້ຄວາມ ແລະ ອື່ນໆ.
- ວິເຄາະເນື້ອຫາໃນໄຟລ໌ເຊັ່ນ: ສະຫຼຸບ, ຄົ້ນຫາຂໍ້ຄວາມ, ສ້າງແຜນພາບ ຫຼື ແປງເປັນຮູບແບບອື່ນໆ.
- ໝົດກັງວົນເລື່ອງຄວາມປອດໄພ ເພາະວ່າໄຟລ໌ ແລະ ຂໍ້ມູນຂອງເຮົາຈະບໍ່ຖືກເກັບໄວ້ຖາວອນ ແລະ ຜູ້ໃຊ້ສາມາດຖອນສິດການເຊື່ອມຕໍ່ກັບ Google Drive ແລະ Dropbox ໄດ້ທຸກເມື່ອໃນບັນຊີຂອງເຮົາເອງ.
