ບຸບູ່ – ຄອງວົງ ສີມະຫາໂນ ກັບກ້າວທຳອິດໃນເສັ້ນທາງນາຍແບບໃນ FACE of LAOS
FOL08 ບຸບູ່ – ຄອງວົງ ສີມະຫາໂນ ຜູ້ເຂົ້າປະກວດອາຍຸ 19 ປີ ຜູ້ມີອາຊີບເປັນ Bartender. ບຸບູ່ມີຄວາມສາມາດໃນການຫຼິ້ນກີ່ຕ້າ ແລະ ລາວມັກການອອກກໍາລັງກາຍປະເພດ Calisthenic ອີກດ້ວຍເຊິ່ງໜ້ອຍຄົນທີ່ຈະອອກກໍາລັງກາຍດ້ວຍວິທີນີ້.
ບຸບູ່ບໍ່ເຄີຍມີປະສົບການໃນການປະກວດເວທີໃດໆມາກ່ອນ ແລະ ກໍເປັນນ້ອງໃໝ່ໃນວົງການບັນເທີງອີກດ້ວຍ. ລາວເລືອກທີ່ຈະມາເປີດໂອກາດໃນການເປັນນາຍແບບຂອງຕົວເອງຜ່ານເວທີ FACE of LAOS 2024 ເຊິ່ງສໍາລັບລາວແລ້ວມັນເປັນໂອກາດທີ່ດີຫຼາຍ.
ຈຸດເດັ່ນຂອງບຸບູ່ແມ່ນລາວມີສໄຕລ໌ການແຕ່ງໂຕທີ່ເທ້ ແລະ ແຕກຕ່າງ, ມີຄວາມຫມັ້ນໃຈໃນໂຕເອງ ເພາະ ຂັ້ນທໍາອິດຂອງການເປັນ model ແມ່ນກໍຕ້ອງມີຄວາມຫມັ້ນໃຈໃນໂຕເອງກ່ອນ. ຈຸດພິເສດທີ່ຈະກິນໃຈກຳມະການ ກໍຈະແມ່ນ ຫຸ່ນ, ໂຄງຫນ້າ, ລວງສູງ ແລະ ສໄຕລ໌ຊົງຜົມທີ່ແປກໃຫມ່ .
ຄຳວ່າ model ໃນຄວາມຄິດຂອງບຸບູ່ແມ່ນເປັນແບບ ຫລື ເປັນຕົວຢ່າງຄື ເປັນອາຊີບຫລື ສິລະປະຢ່າງຫນຶ່ງທີ່ໂຊຜົນງານ ຫລື ບຸກຄະລິກຂອງ ນາຍແບບ/ນາງແບບນັ້ນ ໂດຍໃຊ້ຫນ້າຕາ ແລະ ຮູບຮ່າງ ຜ່ານການ ເດີນແບບ ຫລື ໂຄສະນາ ສິນຄ້າ ຫລື ແບຣນຕ່າງໆ ເພື່ອໃຫ້ສິນຄ້າ ນັ້ນເດັ່ນ ແລະ ມີຈຸດຂາຍ.
ສໍາລັບບຸບູ່ແລ້ວ model ແມ່ນມີຄວາມຈຳເປັນໃນແວດວົງການຕະຫຼາດໃນການໂປໂຫມດສິນຄ້າຕ່າງໆໂດຍສິນຄ້າສ່ວນໃຫຍ່ຕ້ອງໄດ້ມີ ນາຍແບບ, ນາງແບບ ສວມສິນຄ້າ ຫລື ຜະລິດຕະພັນນັ້ນ ແຕ່ສິນຄ້າຕ້ອງເດັ່ນກວ່າ model.
ນາຍແບບທີ່ເປັນໄອດໍຂອງບຸບູ່ແມ່ນ Jordan Barrett ທີ່ຍົກໃຫ້ເປັນໄອດໍທີ່ບຸບູ່ມັກກໍເພາະວ່າລາວມີໂຄງໜ້າທີ່ຄົມ, ມີມິຕິ, ມີສໄຕລ໌ທີ່ເທ້ ແລະ ການເດີນແບບຂອງລາວມີສະເໜ່ດຶງດູດຄົນເບິ່ງສຸດໆ.
ສາມາດຕິດຕາມການເຄື່ອນໄຫວໄດ້ທີ່:
FB: Bu Kv Simahano
IG: Crispypork
Page: FACE of LAOS
ໂດຍ: ທີມບັນນາທິການ Muan – The Crown Exclusive