|
Getting your Trinity Audio player ready...
|
ປ່ອຍອອກມາແລ້ວກັບ “A Little Kindness” ຮູບເງົາສັ້ນທີ່ MVIIZ ເຮັດອອກມາຕໍ່ຍອດເພງ “ສຳຄັນໂຕເອງຜິດໄປ” ເຊິ່ງໄດ້ເລົ່າເຖິງເລື່ອງລາວຂອງໝູ່ສະໜິດຍິງສອງຄົນຕອນຮຽນມັດທະຍົມປາຍ (ສະແດງໂດຍ ຢ້ຽນຢິ ແລະ ນຸ້ນທິດາ) ໂດຍຄວາມສຳພັນທີ່ເລີ່ມຕົ້ນດ້ວຍມິດຕະພາບ ແຕ່ການກະທຳດີໆ ຄວາມໃກ້ຊິດ ໄດ້ເຮັດໃຫ້ຄົນໜຶ່ງຄິດໄປໄກ ວ່າອີກຝ່າຍມີໃຈໃຫ້, ສຸດທ້າຍພໍໃກ້ຮຽນຈົບ ກໍມີເຫດການເຮັດໃຫ້ທັງສອງ ຕ້ອງຫ່າງກັນ ຈົນກາຍເປັນຄົນແປກໜ້າທີ່ເຄີຍຮູ້ຈັກກັນ.
“ທີ່ຜ່ານມາ ມັນຄືຄວາມຮັກ ຫຼື ເຮົາສຳຄັນໂຕເອງຜິດໄປ” ປະໂຫຍກທີ່ເລົ່າແທນເນື້ອເລື່ອງທັງໝົດຂອງຮູບເງົາສັ້ນເລື່ອງນີ້.
ຕ້ອງຂໍຊົມເຊີຍ ຜູ້ກຳກັບທີ່ກ້າເລົ່າເລື່ອງຄວາມຮັກເພດດຽວກັນແບບຍິງ-ຍິງ ເຊິ່ງເປັນເລື່ອງທີ່ sensitive ແຕ່ກໍ real ໃນສັງຄົມໄວລຸ້ນ. ມັນເຮັດໃຫ້ຄົນເບິ່ງຮູ້ສຶກເຊື່ອມໂຍງໄດ້ງ່າຍ ເຊິ່ງບໍ່ວ່າຈະເປັນເພດໃດກໍຕາມ ກໍຕ້ອງເຄີຍມີຄິດແອບຮັກໝູ່ແບບນີ້ມາກ່ອນ.
ຮູບເງົາສັ້ນກ້າທີ່ຈະຍົກເອົາເລື່ອງຄວາມຮັກແບບ LGBTQ+ (ຍິງ-ຍິງ) ມາເລົ່າຜ່ານຕົວລະຄອນແບບໝູ່ສະໜີດ ແລະ ກໍມັນເປັນຫົວຂໍ້ທີ່ບໍ່ຄ່ອຍມີຄົນນຳສະເໜີເທົ່າໃດໃນບ້ານເຮົາ, ແຕ່ວ່າມັນເປັນເລື່ອງທີ່ ເກີດຂຶ້ນຈິງ ໃນສັງຄົມໄວຮຽນ.
ເຮົາບໍ່ໄດ້ກາຍເປັນ gay, lesbian, ຫຼື bisexual, ເຮົາພຽງແຕ່ຕົກຂຸມຮັກໃຜບາງຄົນເທົ່ານັ້ນ.
ພໍແຕ່ເບິ່ງຈົບ ປະໂຫຍກນີ້ກໍລອຍຂຶ້ນມາໃນຫົວທັນທີ ຍິ່ງກັບເວລາທີ່ເຮົາແອບຮັກໝູ່ສະໜິດ ບໍ່ວ່າຈະເພດກົງກັນຂ້າມ ຫຼື ເພດດຽວກັນ ເຊິ່ງມັນງ່າຍຫຼາຍທີ່ຈະ “ສຳຄັນໂຕເອງຜິດໄປ” ເພາະທຸກຄຳເວົ້າ ທຸກການກະທຳພິເສດທີ່ເຂົາເຮັດໃຫ້ເຮົາ, ມັນອາດຈະເປັນພຽງແຕ່ ຄວາມໃຈດີແບບໝູ່ກັນ ຊື່ໆ ແຕ່ສຳລັບຄົນທີ່ຕົກຂຸມຮັກແລ້ວມັນພັດເປັນສຽງທີ່ບອກວ່າເຂົາກໍຄິດຄືກັນກັບເຮົາ.
ຕົວລະຄອນຈາກ “A Little Kindness” ແນ່ນອນວ່າທັງສອງຢາກຈະຂ້າມຜ່ານຄຳວ່າ “ໝູ່” ໄປສູ່ຄວາມສຳພັນທີ່ເລິກເຊິ່ງກວ່ານັ້ນ, ແຕ່ອາດຈະຕິດທີ່ ຄວາມລັງເລ, ຄວາມບໍ່ໝັ້ນໃຈ ຂອງຕົນເອງ ຫຼືວ່າ ຢ້ານສຽງວິພາກວິຈານຂອງສັງຄົມ ສຸດທ້າຍກໍເຮັດ, ຄວາມສຳພັນທີ່ເຄີຍ ສະນິດກັນສຸດໆ ຈຶ່ງຈົບລົງແບບເຈັບໆ, ກາຍເປັນ ຄົນແປກໜ້າ ທີ່ຮູ້ຈັກກັນດີ.
ທຸກຄົນທີ່ໄດ້ເບິ່ງແລ້ວຮູ້ສຶກແນວໃດ? ຖ້າທຸກຄົນຕົກຢູ່ໃນສະຖານະການແບບນັ້ນ, ທຸກຄົນຈະເຮັດແນວໃດໃຫ້ກັບໄປເປັນໝູ່ສະນິດຄືເກົ່າ ຫຼືເລືອກທີ່ຈະປ່ອຍໃຫ້ເປັນ “ຄົນແປກໜ້າ” ດີກວ່າ?
