ທຸກຄົນໃຊ້ Instagram ມາດົນປານໃດແລ້ວ ແລະ ຮູ້ບໍ່ວ່າມັນມີຟີເຈີຣ໌ລັບໆທີ່ເຊື່ອວ່າຫຼາຍຄົນກໍຍັງບໍ່ຮູ້ ລວມເຖິງກັອດຈະນຳ. ມື້ນີ້ ກັອດຈິ ກໍໄປສືບໄປຄົ້ນມາວ່າມີຫຍັງໃຫ້ພວກເຮົາຫຼິ້ນນຳໄດ້ອີກແດ່? ສະຫຼຸບວ່າມີ 6 ຟີເຈີຣ໌ເດັດສຸດລ້ຳໃນ Instagram ທີ່ຈະເຮັດໃຫ້ທຸກຄົນໃຊ້ໄດ້ມ່ວນຂຶ້ນ ແລະ ເຊົາເບື່ອກັນກັບຮູບແບບການໃຊ້ງານເດີມໆ.
ສະຫຼຸບ 6 ຟີເຈີຣ໌ເດັດສຸດລ້ຳໃນ Instagram
- ຕັ້ງວັນເວລາການສົ່ງຂໍ້ຄວາມໄດ້: ພິມຂໍ້ຄວາມທີ່ຢາກຈະສົ່ງ, ແລ້ວໃຫ້ກົດບ່ອນສົ່ງຄ້າງໄວ້ຈາກນັ້ນຈະມີວັນເວລາຂຶ້ນ ໃຫ້ສາມາດເລື່ອນຕັ້ງວັນເວລາໄດ້ຕາມທີ່ຕ້ອງການ.
- ຕັ້ງວັນເວລາໃຫ້ຂໍ້ຄວາມລົບເອງໄດ້ : ໃຫ້ກົດເຂົ້າໄປທີ່ຊື່ Instagram ຂອງໜູ່ເຮົາຜ່ານຫ້ອງແຊັດ ຈາກນັ້ນໃຫ້ກົດເລືອກປຸ່ມ Disappearing messages (ຂໍ້ຄວາມທີ່ຈະຫາຍໄປ) ມັນຈະມີຕົວເລືອກໃຫ້ໃນນັ້ນ.
- ຫຼິ້ນເກມໃນແຊັດໄດ້ : ວິທີແມ່ນໃຫ້ເລືອກອີໂມຈິໂຕໃດກໍໄດ້ ສົ່ງໄປໃຫ້ໝູ່ຂອງເຈົ້າ ຫຼື ໝູ່ເຈົ້າສົ່ງມາເອງ ໃຫ້ກົດກົດອີໂມຈິນັ້ນໄວ້ໜຶ່ງຄັ້ງ ແລ້ວມັນຈະມີເກມຂຶ້ນມາ ( ໃນເກມມີເກັບແຕ້ມ ) ສາມາດຫຼິ້ນຂ້າເວລາຖ້າໝູ່ຕອບກັບມາໄດ້.
- ຕັ້ງຊື່ຫຼິ້ນໃຫ້ກັບໝູ່: ກົດເຂົ້າໄປທີ່ຊື່ Instagram ຂອງໝູ່ຜ່ານຫ້ອງແຊັດຈາກນັ້ນໃຫ້ກົດເລືອກ Nicknames (ຊື່ຫຼິ້ນ) ແລ້ວປ່ຽນເປັນຊື່ທີ່ເຮົາຕ້ອງການເລີຍ.
- ອ່ານແຊັດແຕ່ບໍ່ໃຫ້ເຫັນສະຖານະວ່າອ່ານແລ້ວ: ໃຫ້ກົດເຂົ້າໄປທີ່ຊື່ Instagram ຂອງໜູ່ຜ່ານຫ້ອງແຊັດຈາກນັ້ນໃຫ້ກົດເລືອກ Privacy (ຄວາມເປັນສ່ວນຕົວ) ແລະ Safety (ຄວາມປອດໄພ) ຈາກນັ້ນໃຫ້ຊອກຫາຫົວຂໍ້ທີ່ວ່າ Read Receipts (ໃບຕອບຮັບການເປີດອ່ານ) ສາມາດກົດເລືອກເປີດ – ປິດໄດ້ເລີຍ.
- ຟີເຈີຣ໌ Blend: ຄືການສ້າງຫ້ອງ Reels ໄວ້ແຊຣ໌ກັບໜູ່ 2 ຄົນໂດຍເນື້ອຫາແມ່ນຈະຢູ່ໃນຫ້ອງແຊັດ ວິທີການໃຊ້ງານແມ່ນໃຫ້ເຂົ້າຫ້ອງແຊັດໝູ່, ສັງເກດເບິ່ງໄອຄອນທາງເບື້ອງຂວາຂ້າງໆຊື່ IG ໝູ່ທີ່ເປັນສັນຍາລັກໜ້າຍິ້ມ ແລະ ເຄື່ອງໜາຍບວກໃຫ້ກົດເຂົ້າໄປໃຫ້ຈະເຫັນຄຳວ່າ Invite ຈາກນັ້ນລໍຖ້າໜູ່ກົດ Join ແລ້ວທັ້ງ 2 ຈະເຫັນ Reels ທີ່ຄັດສະເພາະສິ່ງທີ່ເຈົ້າສົນໃຈຂື້ນມາໃຫ້ເຫັນ.
