Gadzila

ຮູ້ຈັກ 10 ເຄັດລັບໃຊ້ງານ iPhone ໃຫ້ປອດໄພ ປ້ອງກັນມິດສາຊີບ ແລະ ຮັກສາຂໍ້ມູນສ່ວນຕົວ

ໂດຍ: Khainapha Chanthathilath

26 June 2025● 128

ຊວນມາຮູ້ຈັກ 10 ເຄັດລັບໃຊ້ງານ iPhone ໃຫ້ປອດໄພ ປ້ອງກັນມິດສາຊີບ ແລະ ຂໍ້ມູນສ່ວນຕົວຂອງເຮົາ ເພື່ອບໍ່ໃຫ້ຄົນບໍ່ຫວັງດີເຈາະຂໍ້ມູນໃນໂທລະສັບຂອງພວກເຮົາໄດ້ງ່າຍ.

ຫາກຜູ້ໃຊ້ ຫຼື ເຈົ້າຂອງໂທລະສັບໃຫ້ຄວາມສຳຄັນໃນຄວາມປອດໄພຈາກຂໍ້ມູນດ້ານລຸ່ມນີ້ ມັນກໍຈະຊ່ວຍໃຫ້ການໃຊ້ງານ iPhone ຂອງເຮົາບໍ່ຕ້ອງກັງວົນ ແລະ ໃຊ້ໄດ້ຢ່າງສະບາຍໃຈ ປ້ອງກັນຄວາມເສຍຫາຍທີ່ອາດຈະເກີດຂຶ້ນໄດ້ເປັນຢ່າງດີ.

ມັດລວມ 10 ເຄັດລັບການຮັກສາຄວາມປອດໄພສຳລັບ iPhone

• ຕັ້ງລະຫັດຜ່ານທີ່ປອດໄພ: ເລືອກໃຊ້ລະຫັດຜ່ານທີ່ຍາກຕໍ່ການຄາດເດົາເຊັ່ນ ລະຫັດທີ່ປະກອບດ້ວຍຕົວອັກສອນ, ຕົວເລກ ແລະ ສັນຍາລັກ ບໍ່ຄວນໃຊ້ລະຫັດເປັນເລກລຽງກັນທີ່ຄາດເດົາໄດ້ງ່າຍ ຫຼື ເລກວັນເກີດ.
• ເປີດໃຊ້ Face ID ຫຼື Touch ID: ເພື່ອຮັກສາຄວາມປອດໄພແລ້ວນັ້ນ ການຕັ້ງຄ່າລັອກ-ປົດລັອກກໍສຳຄັນ ເພື່ອປ້ອງກັນບໍ່ໃຫ້ຄົນອື່ນເຂົ້າເຖິງໂທລະສັບ ແລະ ຂໍ້ມູນສ່ວນຕົວຂອງເຮົາໄດ້ງ່າຍ .
• ເປີດການໃຊ້ Find My iPhone: ໃນກໍລະນີໂທລະສັບເສຍ ຫຼື ຖືກລັກ ເຮົາຈະສາມາດນຳໄດ້ຈາກສັນຍານຕຳແໜ່ງ, ສາມາດລັອກເຄື່ອງໂທລະສັບ ແລະ ລົບຂໍ້ມູນທີ່ມີໄດ້ຈາກໄລຍະໄກໄດ້ໃນທັນທີ.
• ອັບເດດ iOS ໃຫ້ເປັນເວີຊັນຫຼ້າສຸດ: ເພື່ອປ້ອງກັນຈຸດບອດເພື່ອບໍ່ໃຫ້ພວກມິດສາຊີບຕາມທັນລະບົບ ແລະ ເພີ່ມຄວາມປອດໄພໃຫ້ກັບລະບົບ.
• ຫຼີກລ້ຽງການກົດລິ້ງແປກໆ: ລະວັງການກົດລິ້ງຈາກແຫຼ່ງທີ່ບໍ່ຮູ້ທີ່ມາເພື່ອປ້ອງບໍ່ໃຫ້ເຂົ້າເຖິງຂໍ້ມູນ Apple ID ຫຼື ບັນຊີທາງການເງິນໄດ້.
• ເລືອກໃຊ້ Wi-Fi ທີ່ປອດໄພ: ຫຼີກລ້ຽງການເຊື່ອມຕໍ່ Wi-Fi ສາທາລະນະໂດຍທີ່ບໍ່ຈຳເປັນ ຫຼື ໃຊ້ VPN ເພື່ອເຂົ້າລະຫັດຂໍ້ມູນ, ເພາະ Wi-Fi ສາທາລະນະ ແລະ VPN ມີຄວາມສ່ຽງໃນການຖືກມິດສາຊີບ ຫຼື ແຮັກເກີ ແອບແຝງເຂົ້າໃນໄດ້ງ່າຍ.
• ກວດການເຂົ້າເຖິງແອັບພິເຄຊັນ: ເຂົ້າໄປທີ່ Settings > Privacy ແລ້ວກວດສອບວ່າແອັບໃດມີສິດເຂົ້າເຖິງກ້ອງ, ສຽງ, ຕຳແໜ່ງ ຫຼື ຮູບພາບ ໃຫ້ເຈົ້າຂອງໂທລະສັບເປີດການຕັ້ງຄ່າສະເພາະແອັບທີ່ໜ້າເຊື່ອຖືເທົ່ານັ້ນ.
• ເປີດການຢືນຢັນສອງຂັ້ນຕອນ (2FA): ເພື່ອເພີ່ມຄວາມປອດໄພໃຫ້ Apple ID ແລະ ຫຼຸດຄວາມສ່ຽງຈາກຄົນອື່ນ ເພາະ 2FA ແມ່ນມີລະບົບຄວາມປອດໄພສູງ.
• ດາວໂຫຼດແອັບຈາກ App Store ເທົ່ານັ້ນ: ເພື່ອຫຼີກລ້ຽງແອັບທີ່ມີ Malware (ໂປຣແກຣມອັນຕະລາຍ) ແລະ ບໍ່ແນະນໍາໃຫ້ jailbreak (ຂະບວນການດັດແປງລະບົບປະຕິບັດການ iOS ເພື່ອປົດລັອກຂໍ້ຈຳກັດຕ່າງໆ) ເພາະມັນຈະເຮັດໃຫ້ຄວາມປອດໄພຫຼຸດລົງ.
• ສໍາຮອງຂໍ້ມູນເປັນປະຈໍາ: ເພື່ອໃຫ້ແນ່ໃຈວ່າຂໍ້ມູນສ່ວນຕົວຈະບໍ່ສູນຫາຍ ຖ້າເກີດມີຫຍັງຂຶ້ນແບບບໍ່ຄາດຄິດ.