|
Getting your Trinity Audio player ready...
|
“ເປັນພຽງຝັນ” ເປັນການເດີນທາງຂອງຫົວໃຈທີ່ຈະພາເຮົາໄປສຳຜັດກັບຄວາມຮູ້ສຶກທີ່ເລິກເຊິ່ງ, ປະສົມກັບສຽງດົນຕີທີ່ຄ່ອຍໆດຶງຄວາມຮູ້ສຶກໃນໃຈອອກມາຢ່າງອ່ອນໂຍນ ແລະ ຈັງຫວະທີ່ຈະຕິດຢູ່ໃນໃຈຜູ້ຟັງຕະຫຼອດໄປ.
ໂດຍແນວເພງຈະເປັນເພງຊ້າທີ່ເຂົ້າໃຈງ່າຍເຮັດໃຫ້ຜູ້ຟັງຮູ້ສຶກຄືກັບກຳລັງດຳດິ່ງຢູ່ໃນໂລກແຫ່ງຄວາມຝັນ ແລະ ຄວາມຮັກ. ການຖ່າຍທອດເລື່ອງລາວຂອງຄວາມຮັກທີ່ງົດງາມແຕ່ເຕັມໄປດ້ວຍຄວາມເຈັບປວດ.
ເນື້ອເພງຍັງບອກເລົ່າເຖິງຄວາມຮັກທີ່ເລີ່ມຕົ້ນດ້ວຍຄວາມຫວັງ ແລະ ຄວາມຜູກພັນ, ແຕ່ກັບປ່ຽນເປັນຄວາມເຈັບປວດເມື່ອຄົນທີ່ຮັກຈາກໄປໂດຍບໍ່ມີການບອກລາ ພ້ອມກັບຄວາມໂສກເສົ້າທີ່ຕ້ອງປະເຊີນກັບຄວາມເປັນຈິງ.
ຕຽມຈິດຕຽມໃຈໃຫ້ພ້ອມກ່ອນໄປຕຳເພງຟິວຮັກທີ່ອັດແໜັ້ນດ້ວຍຄວາມເຈັບປວດຈາກຜົນງານໃໝ່ຂອງສິລະປິນລາວຢ່າງ BAY6IX ແລະ LALA.
ໂດຍ: ທີມບັນນາທິການມ່ວນ
