Muan Listen - ມ່ວນຊວນຟັງ

ZiXNA ກັບມາແບບສົດໃສໃນເພງ “ໜ້າຮັກກະແທກໃຈ” ຟັງແລ້ວບໍ່ຕິດຫູກໍຕິດໃຈ

ໂດຍ: Khainapha Chanthathilath

26 August 2025● 183

ຫຼັງຈາກປ່ອຍເພງທີ່ເຮັດໃຫ້ເປັນກະແສຢູ່ໃນ TikTok ດ້ວຍເພງ ຮອຍຍິ້ມຂອງເຈົ້າມັນຫວານໄປ ແລະ ຖືວ່າໄດ້ຮັບຄວາມນິຍົມຈົນຫຼາຍຄົນຕ້ອງຮ້ອງຕາມ, ຕັດຄລິບ ແລະ ນຳໄປໃຊ້ໃນຄອນເທັນຕ່າງໆ ເຮັດໃຫ້ເພງນີ້ຖືເປັນຜົນງານທີ່ເຮັດໃຫ້ທຸກຄົນຮູ້ຈັກລາວຫຼາຍຂຶ້ນ. ຫຼ້າສຸດ, ZiXNA ຖືໂອກາດປ່ອຍເພງໃໝ່ທີ່ສົດໃສ ແລະ ມີຄວາມເປັນຜູ້ໃຫຍ່ຂຶ້ນກວ່າເກົ່າ.

ເພງ ໜ້າຮັກກະແທກໃຈ ຍັງຄົງຄວາມສົດໃສ ແລະ ໜ້າຮັກໃນແບບຂອງ ZiXNA ໄວ້ຄົບຖ້ວນ, ແຕ່ລາວກໍໄດ້ເພີ່ມຄວາມມ່ວນ-ຄວາມສົດໃໝ່ ແລະ ເມໂລດີ້ທີ່ຟັງງ່າຍໃຫ້ຈັບໃຈຄົນຟັງ. ເພງນີ້ເປັນດົນຕີແນວ Rap, Pop ແລະ R&B ເຊິ່ງມີສະໄຕລ໌ທີ່ໜ້າຮັກປົນກັບຄວາມກວນໆແບບໄວໜຸ່ມ, ເມື່ອໄດ້ຟັງແລ້ວຈະຮູ້ສຶກຄືກັບໄດ້ຍ້ອນກັບໄປໃນຊ່ວງເວລາແຫ່ງຄວາມຮັກແບບໃສໆ.

ຈຸດແຂງຂອງເພງ ໜ້າຮັກກະແທກໃຈ ແມ່ນເມໂລດີ້ທີ່ຕິດຫູ, ຮ້ອງຕາມໄດ້ງ່າຍ ໂດຍສະເພາະແມ່ນທ່ອນຮຸກ (hook) ທີ່ພຽງແຕ່ຟັງຄັ້ງດຽວກໍຕິດໃຈ ແລະ ສາມາດຮ້ອງຕາມໄດ້ທັນທີ. ຖືວ່າ ZiXNA ກໍເປັນນັກຮ້ອງນ້ອງໃໝ່ມາແຮງ ແລະ ລາວກຳລັງສ້າງສະໄຕລ໌ດົນຕີທີ່ເປັນເອກະລັກຂອງຕົນເອງຢ່າງຊັດເຈນ.