ຢາກຈະຮູ້ເຈົ້າເຮັດຫຍັງຢູ່? ຊວນຟັງສຽງຫວານໆຈາກສິລະປິນໜ້າໃໝ່ໃນເພງ Trust issues – Imel ft. Just” & gomen. ທຸກຄົນໄດ້ຟັງແລ້ວຫວາ? ເພງນີ້ມ່ວນຕິດຫູ ເລີຍຢາກຊວນມາຟັງເພງ Trust issues (ຄອຍຖາມ) ຂອງ Imel ທີ່ກຳລັງມາແຮງທັງໃນຍູທູບ ແລະ ຕິກຕ໋ອກ. ເພງນີ້ຍັງໄດ້ສິລະປິນຢ່າງ just” & gomen. ມາຮ່ວມຮ້ອງ.
ມ່ວນໄດ້ໄປສ່ອງໄປອ່ານຄອມເມັ້ນກ່ຽວກັບເພງນີ້ມາວ່າມ່ວນຖືກໃຈອີ່ຫຼີ, ສຽງດົນຕີ Sound Beats ກໍຟັງເຮັດໃຫ້ໄດ້ມູ້ດທີ່ສະບາຍໆປະກອບດ້ວຍສຽງໃສໆຂອງ Imel, ສຽງຮ້ອງນຸ້ມນວນ ແລະ ການແຣັບທີ່ມີເອກະລັກຂອງທັງ just” & gomen. ໄດ້ເພີ່ມຄວາມຫຼາກຫຼາຍທີ່ດີ ແລະ ອົງປະກອບການເລຶອກໃຊ້ພາສາລາວແບບໜ້າຮັກ ຖືວ່າທຸກຢ່າງພາຍໃນເອັມວີລົງຕົວສຸດໆ.
ເພງນີ້ຖືວ່າມີຄວາມໂດດເດັ່ນຫຼາຍທັງໂທນພາບໃນເອັມວີທີ່ມີຄວາມວິນເທຈ ແລະ ດົນຕີທີ່ເປັນແນວ City Pop ທີ່ຢູ່ລາວຍັງບໍ່ມີໃຜເຮັດ, ໂດຍເອກະລັກຂອງເພງTrust issues (ຄອຍຖາມ) ສັງເກດໄດ້ງ່າຍໆກໍຄືຈະມີ synth (keyboard) ທີ່ຊັດເຈນດ້ວຍເຫດນີ້ຈຶ່ງເຮັດໃຫ້ແຟນເພງທີ່ມັກສະໄຕລ໌ເພງທີ່ຫຼາກຫຼາຍຕົກຂຸມຮັກໄດ້ແບບບໍ່ຍາກ.
ທີ່ພິເສດໄປກວ່ານັ້ນນອກຈາກ Imel ຈະໄດ້ຮ່ວມຂຽນເນື້ອຮ້ອງກັບ just” ແລ້ວນັ້ນ, ທັງ CK$, just” ແລະ gomen. ກໍຍັງມາຊ່ວຍໃນການ Produce ເພງນີ້ອີກດ້ວຍ. ຖືວ່າເປັນກຸ່ມສິລະປີນລາວລຸ້ນໃໝ່ທີ່ມີຄວາມສາມາດທີ່ລົ້ນເຫຼືອອີຫຼີ່
ໂດຍ: ທີມບັນນາທິການ Muan
