TikTok for Artists: ຊ່ວຍເພີ່ມໂອກາດໃຫ້ສິລະປິນເຂົ້າເຖິງຂໍ້ມູນຜູ້ຟັງ

ສະຫຼຸບການເປີດຕົວ TikTok for Artists ແລະ ຟີເຈີຣ໌ Pre-Release ໃນປີ 2025

TikTok for Artists ເປັນແພລດຟອມໃໝ່ທີ່ອອກແບບມາເພື່ອສິລະປິນ, ຄ່າຍເພງ ແລະ ທີມງານໂດຍສະເພາະເພື່ອຊ່ວຍໃຫ້ສິລະປິນໄດ້ສ້າງອາຊີບ ແລະ ຂະຫຍາຍຖານແຟນເພງໃໝ່ໆໃນ TikTok.

ແພລດຟອມນີ້ຖືກເປີດຕົວເປັນທາງການໃນວັນທີ 3 ມິຖຸນາ 2025 ເຊິ່ງປັດຈຸບັນສາມາດໃຊ້ໄດ້ 26 ປະເທດທົ່ວໂລກ ແລະ ໃນໄວໆນີ້ຈະຂະຫຍາຍໄປປະເທດອື່ນໆໃນອະນາຄົດ .

ຟີເຈີຣ໌ໃໝ່ນີ້ຖືວ່າເປັນປະໂຫຍດຫຼາຍສຳລັບຜູ້ສ້າງສັນຜົນງານເພງ ເພາະມັນຈະຊ່ວຍສ້າງການມີສ່ວນຮ່ວມກັບຄົນຟັງເພງເຊື່ອມຕໍ່ກັບຊຸມຊົນ TikTok ທົ່ວໂລກໄດ້ດີຂຶ້ນ ແລະ ໂປຣໂໝດເພງໃຫ້ພວກເຂົາ ສາມາດພັດທະນາອາຊີບທັງໃນແພລດຟອມ ແລະ ນອກແພລດຟອມ.

ມາຕໍ່ກັນໃນສ່ວນຂອງຟີເຈີຣ໌ Pre-Release Tool ແມ່ນເປັນເຄື່ອງມືທີ່ຈະຊ່ວຍສິລະປິນໂປຣໂໝດຜົນງານເພງກ່ອນເປີດຕົວເພື່ອເພີ່ມໂອກາດໃນການສະຕຣີມຫຼາຍຂຶ້ນ ແລະ ໃຫ້ຄົນຟັງສາມາດບັນທຶກເພງໄວ້ຟັງລ່ວງໜ້າ (Pre-save) ໃສ່ໃນເພລິສ Spotify ຫຼື Apple Music (ປັດຈຸບັນຮອງຮັບແຕ່ 2 ແພລດຟອມນີ້ເທົ່ານັ້ນ) ໄດ້ໂດຍກົງ ແລະ ຈະເຂົ້າເຖິງເພງໄດ້ທັນທີເມື່ອເພງປ່ອຍເປັນທາງການ.

ຂໍ້ດີ

ສິລະປິນ ສາມາດເຂົ້າເຖິງຂໍ້ມູນເຊີ່ງເລີກກ່ຽວກັບດົນຕີແບບຄົບວົງຈອນ ໂດຍ TikTok for Artists ມີຄວາມສາມາດວິເຄາະຂໍ້ມູນຊ່ວຍໃຫ້ເຂົ້າໃຈປະສິດທິພາບຂອງເພງ ແລະ ໂພສຕ່າງໆເຊັ່ນ:

• ຍອດວິວ, ການໂຕ້ຕອບ (Comment, Like & Share) ແລະ ຂໍ້ມູນຜູ້ຕິດຕາມ (ອາຍຸ, ເພດ, ພາສາ).
• ຕິດຕາມວ່າເພງໃດຖືກນຳໄປໃຊ້ໃນໂພສຂອງຜູ້ໃຊ້ຫຼາຍທີ່ສຸດ.
• ມີຄູ່ມືແນະນຳສະໜັບສະໜຸນເພື່ອຊ່ວຍສິລະປິນວາງແຜນຄອນເທັນ.

ຂໍ້ເສຍ:

• ຕ້ອງມີບັນຊີ TikTok ຂອງສິລະປິນ ແລະ ບັນຊີສະຕຣີມມິ່ງຮອງຮັບເພື່ອໃຊ້ງານ.
• ຕ້ອງມີຜົນງານເພງທີ່ປ່ອຍຢ່າງເປັນທາງການ ເພື່ອໃຊ້ໃນການຂໍໃຫ້ອະນຸມັດໃນແພລອຟອມ TikTok for Artists
• Pre-Release ຍັງຈຳກັດພຽງ Spotify ແລະ Apple Music.
• ປະເທດລາວຍັງບໍ່ຮອງຮັບ ໃຊ້ງານບໍ່ໄດ້.

ສຳລັບໃຜທີ່ສົນໃຈສາມາດເບິ່ງລາຍລະອຽດເພີ່ມເຕີມເພື່ອສຶກສາໄດ້ທີ່ TikTok for Artist