|
Getting your Trinity Audio player ready...
|
ບາງຄັ້ງເຮົາບໍ່ໄດ້ພຽງຖືກຖິ້ມ ແຕ່ເປັນຄົນເຮັດໃຫ້ເຂົາອອກໄປເອງ. ຖ້າເຄີຍມີໃຜບາງຄົນຄ່ອຍໆອອກໄປຈາກຊີວິດເຮົາ ຖອຍຫ່າງອອກໄປເລື່ອຍໆ ຄິດວ່າເຮົາຕ້ອງຍ້ອນກັບມາຖາມໂຕເອງວ່າເປັນເພາະຫຍັງ?
The Meow ວົງດົນຕີທີ່ມີແນວການຫຼິ້ນເພງທີ່ໂດດເດັ່ນ, ໄດ້ປ່ອຍເພງທຳອິດ ພ້ອມໄດ້ RGB ມາແຈມເລົ່າເລື່ອງລາວເຈັບໆຈາກຄວາມສຳພັນທີ່ຈົບລົງ ເພາະເຫດຜົນຫຍັງບາງຢ່າງ.
ເພງນີ້ບໍ່ໄດ້ເວົ້າພຽງມຸມມອງຄົນຖືກຖິ້ມ ແຕ່ເລົ່າເຖິງອີກດ້ານທີ່ເຮົາມັກເບິ່ງຂ້າມວ່າບາງຄັ້ງເຮົານັ້ນແຫຼະຄືຄົນທີ່ “ຄ່ອຍໆຖອຍຫ່າງອອກໄປແລ້ວເຮັດໃຫ້ເຂົາໝົດໃຈແບບບໍ່ຮູ້ໂຕ ດ້ວຍການບໍ່ສົນໃຈ, ບໍ່ໃຫ້ຄວາມສຳຄັນຈົນສຸດທ້າຍເຂົາກໍເລືອກທີ່ຈະໄປ” ເປັນເພງທີ່ເຕືອນໃຈເບາໆວ່າຄວາມຮັກມັນຕ້ອງເບິ່ງແຍງກັນ ແລະ ເພງນີ້ກໍຄື How To ຖືກຖີ້ມໃນຊີວິດຈິງທີ່ໃຜໆກໍເຄີຍຜ່ານມາກ່ອນແນ່ນອນ.
ຈຸດເດັ່ນຂອງເພງຄືຄວາມໝາຍທີ່ເລົ່າເຖິງ ຄວາມສຳພັນທີ່ມີມວນອາລົມຄວາມເສົ້າ ແຕ່ກໍຖືກກົບເກືອນໄປດ້ວຍໂທນສຽງດົນຕີແນວ Modern Pop R&B ແລະ ການແຣັບທີ່ມີຈັງຫວະ ຈົນເອົາຜູ້ຟັງລື່ມເລີຍວ່າກຳລັງຟັງເພງເສົ້າຢູ່. ໃຜທີ່ເຄີຍພົບເຈິຊ່ວງເວລາຖືກຖິ້ມ ຫຼື ກຳລັງສັບສົນໃນຄວາມຮູ້ສຶກ “How to ຖືກຖິ້ມ” ຈະເປັນເພງທີ່ເຮັດໃຫ້ທົບທວນ ແລະ ເຂົ້າໃຈຕົວເອງຫຼາຍຂື້ນ.
