Swagwazz ກັບມາພ້ອມກັບເພງ Trapper of the year ເລົ່າເຖິງການໜັ້ນໃຈໃນສິ່ງທີ່ຕົວເອງເຮັດ

”ມັນບໍ່ມີຄົນວິເສດ ມັນມີແຕ່ຄົນທໍາມະດາທີ່ສ້າງຄວາມວິເສດ”
ປະໂຫຍກເປີດ MV ເພງ Trapper of the Year ຈາກ Swagwazz ທີ່ຟັງແລ້ວຈີ້ດໃຈ, ຈູງໃຫ້ຄົນທີ່ກຳລັງຕາມຄວາມຝັນໃຫ້ມີພະລັງຂຶ້ນມາ. Swagwazz ຄົນນີ້ຫ່າງຫາຍໄປຮຽນຕໍ່ກວ່າປີ ກັບມາຄັ້ງນີ້ບໍ່ໄດ້ມາຫຼິ້ນໆ ແຕ່ມາພ້ອມຄວາມຊັດເຈນ, ພະລັງ ແລະ ຄວາມເຊື່ອໝັ້ນໃນເສັ້ນທາງຂອງຕົນເອງ ເພງນີ້ສະທ້ອນທັດສະນະຄະຕິຂອງຄົນທີ່ບໍ່ຖ້າປະຕິຫານ ແຕ່ລົງມືສ້າງມັນດ້ວຍຕົວເອງ.

ເພງບໍ່ນີ້ໄດ້ມາພຽງທ່ອນຮຸກເທ່ໆ ສໄຕລ໌ trap ທີ່ມີຄຸນນະພາບ ເຕັມປຽມໄປດ້ວຍບົດບັນທຶກການເດີນທາງ ຕັ້ງແຕ່ມື້ທີ່ບໍ່ມີໃຜຮູ້ຈັກ ເລີ່ມຈາກໃຈຮັກລ້ວນໆ ຈາກຄວາມເຊື່ອໝັ້ນ ຕໍ່ໃຫ້ມີຄົນບໍ່ເຂົ້າໃຈ, ມີຄຳດູຖູກ ຫຼື ຄວາມບໍ່ແນ່ນອນ, Swagwazz ຍັງຢືນຢູ່ຈຸດທີ່ຕົນເອງຮັກ ຈົນກາຍເປັນນັກຮ້ອງທີ່ຫຼາຍຄົນລໍຖ້າຟັງເພງ ດ້ວຍມຸມມອງທີ່ເຕີບໂຕຂື້ນ ແຕ່ຍັງຊັດເຈນໃນຄວາມຝັນດຽວກັນ ທຸກຄຳທີ່ອອກມາ ຈິງໃຈ, ຊື່ສັດ, ຊວນໃຫ້ເຮົາຫັນກັບມາຖາມຕົນເອງວ່າ “ເຮົາຍັງເຊື່ອໃນສິ່ງທີ່ເຮົາເຮັດຢູ່ບໍ່ ?

ຖ້າເຈົ້າກຳລັງທໍ້ໃຈ ຫຼື ສົງໄສວ່າເສັ້ນທາງທີ່ເລືອກມັນຖືກຕ້ອງບໍ່, ລອງເປີດເພງນີ້ຟັງ. ມັນອາດບໍ່ໃຫ້ຄຳຕອບຊັດເຈນ ແຕ່ມັນຈະເຮັດໃຫ້ໃຈເຈົ້າສະຫງົບ ແລະ ກ້າຍ່າງຕໍ່ໂດຍບໍ່ລັງເລ.