ຄົ້ນຫາແຮງບັນດານໃຈໃໝ່ໆກັບແພລັດຟອມ Pinterest ທີ່ສາຍຄຣີເອທີບຕ້ອງຮູ້, ກັອດຈິລອງໃຊ້ມາຫຼາຍປີແລ້ວ ມັນເຮັດໃຫ້ຊີວິດງ່າຍຂຶ້ນບໍ່ວ່າຈະເປັນໄອເດຍໃໝ່ໆດ້ານການເຮັດວຽກ, ແຟຊັນ, ການອອກແບບ-ຕົກແຕ່ງ ແລະ ສູດອຫານ.
Pinterest ແມ່ນຫຍັງ?
Pinterest ແມ່ນແພລັດຟອມສໍາລັບການຄົ້ນຫາໄອເດຍ ແລະ ແຮງບັນດານໃຈຜ່ານຮູບພາບ ຫຼື ວິດີໂອສັ້ນ ເຊິ່ງຜູ້ໃຊ້ສາມາດ “ປັກໝຸດ (Pin)” ໄອເດຍ ຫຼື ເນື້ອຫາຕ່າງໆທີ່ມັກໄວ້ໃນຮູບແບບຂອງບອດ (Boards) ສ່ວນຕົວ ແລະ ປ່ອຍແບບ Published ຕາມຫົວຂໍ້ທີ່ສົນໃຈໄດ້ ເໝາະກັບສາຍຄອນເທັ້ນຄຣີເອເຕີ, ນັກອອກແບບ ຫຼື ຄົນທີ່ມັກຊອກຫາໄອເດຍໃໝ່ໆ.
ຈຸດເດັ່ນຂອງ Pinterest
ອິນເຕີເຟດສວຍງາມ, ເບິ່ງງ່າຍ ແລະ ການຄົ້ນຫາງ່າຍດ້ວຍປະໂຫຍກ (Keywords) ຫຼື ຮູບພາບ (Visual Search) ແລະ ຍັງມີແນະນຳຄຳຄົ້ນຫາທີ່ເຮົາອາດຈະສົນໃຈ (Personalized Feed), ສ້າງບອດສ່ວນຕົວຈັດແຍກໝວດໝູ່ໄດ້ ຖືວ່າເປັນແຫຼ່ງລວມເທຣນໃໝ່ທີ່ອັບເດດໃໝ່ຢູ່ສະເໝີ.
ຟີເຈີຣ໌ການປັກໝຸດ (Pin) ແລະ ບອດ (Boards)
Pin: ແຕ່ລະ Pin ທີ່ເປັນຮູບພາບ ຫຼື ວິດີໂອ ແມ່ນຈະເຊື່ອມໂຍງກັບໄອເດຍ ຫຼື ລິ້ງໄປຫາເວັບໄຊທ໌ຕົ້ນທາງເຊັ່ນ: ສູດອາຫານ, ຮ້ານຂາຍເຄື່ອງ ຫຼຶ ບົດຄວາມ.
Boards: ຜູ້ໃຊ້ສາມາດຈັດກຸ່ມ Pin ໄວ້ໃນ Boards ຕາມຫົວຂໍ້ທີ່ຕົນເອງກຳນົດເຊັ່ນ: ບ້ານໃນຝັນ ຫຼື ຮ້ານກາແຟໃນຝັນ. Boards ສາມາດຕັ້ງຄ່າເປັນສ່ວນຕົວ (ເບິ່ງໄດ້ຄົນດຽວ) ຫຼື ສາທາລະນະ (ແບ່ງປັນໃຫ້ຄົນອື່ນ).
Group Boards: ຜູ້ໃຊ້ສາມາດສ້າງບອດທີ່ເຮັດວຽກຮ່ວມກັບຜູ້ອື່ນເຊັ່ນ: ການວາງແຜນແຕ່ງງານກັບຄູ່ຮັກ ຫຼື ໂຄງການອອກແບບກັບທີມງານ.
Idea Pins: ຄ້າຍຄືກັບ Stories ໃນແພລັດຟອມອື່ນ, Idea Pins ເປັນວິດີໂອສັ້ນ ຫຼື ຮູບພາບຫຼາຍໜ້າທີ່ບອກເລື່ອງ ຫຼື ສະແດງຂັ້ນຕອນຕ່າງໆເຊັ່ນ: ສອນທາສີ ຫຼື ສູດອາຫານ.
Shopping Features: Pinterest ມີຟັງຊັນການຊື້ສິນຄ້າໂດຍກົງຜ່ານ Pins ທີ່ເຊື່ອມໂຍງກັບຮ້ານອອນລາຍ, ເຮັດໃຫ້ການຊອບປິ້ງງ່າຍຂຶ້ນ.
ປະໂຫຍດຂອງການໃຊ້ງານ
ການວາງແຜນ: ຜູ້ໃຊ້ສາມາດໃຊ້ Pinterest ວາງແຜນກິດຈະກຳຕ່າງໆເຊັ່ນ: ການແຕ່ງງານ, ປັບປຸງເຮືອນ ຫຼື ວາງແຜນທ່ອງທ່ຽວ.
ການສ້າງສັນຜົນງານ: ການອອກແບບ, ຄຣີເອເຕີ ແລະ ສິລະປິນສາມາດໃຊ້ Pinterest ເພື່ອສ້າງ mood boards ຫຼື ຊອກຫາແຮງບັນດານໃຈສຳລັບໂປຣເຈັກ.
ການຮຽນຮູ້: Pinterest ເປັນແຫຼ່ງຂໍ້ມູນສຳລັບການຮຽນຮູ້ສິ່ງໃໝ່ ຜ່ານບົດຄວາມ, ວິດີໂອສອນ ຫຼື ຄຳແນະນຳ.
Pinterest ແພລັດຟອມທີ່ລວມໄອເດຍຄົ້ນຫາແຮງບັນດານໃຈພ້ອມຟີເຈີຣ໌ Boards ສຸດຄຣີເອທີບ
ຄົ້ນຫາແຮງບັນດານໃຈໃໝ່ໆກັບແພລັດຟອມ Pinterest ທີ່ສາຍຄຣີເອທີບຕ້ອງຮູ້, ກັອດຈິລອງໃຊ້ມາຫຼາຍປີແລ້ວ ມັນເຮັດໃຫ້ຊີວິດງ່າຍຂຶ້ນບໍ່ວ່າຈະເປັນໄອເດຍໃໝ່ໆດ້ານການເຮັດວຽກ, ແຟຊັນ, ການອອກແບບ-ຕົກແຕ່ງ ແລະ ສູດອຫານ. Pinterest ແມ່ນຫຍັງ? Pinterest ແມ່ນແພລັດຟອມສໍາລັບການຄົ້ນຫາໄອເດຍ ແລະ ແຮງບັນດານໃຈຜ່ານຮູບພາບ ຫຼື ວິດີໂອສັ້ນ ເຊິ່ງຜູ້ໃຊ້ສາມາດ “ປັກໝຸດ (Pin)” ໄອເດຍ ຫຼື ເນື້ອຫາຕ່າງໆທີ່ມັກໄວ້ໃນຮູບແບບຂອງບອດ (Boards) ສ່ວນຕົວ ແລະ ປ່ອຍແບບ Published ຕາມຫົວຂໍ້ທີ່ສົນໃຈໄດ້ ເໝາະກັບສາຍຄອນເທັ້ນຄຣີເອເຕີ,…
Khainapha Chanthathilath
ມ່ວນຊວນຟັງ
