ອ່ານເກມທຸລະກິດ ຮັບມືແນວໃດກັບໂລກ ຫຼັງຍຸກໂລກາພິວັດ ໃນມື້ທີ່ໂລກເລີ່ມໂຫດຂຶ້ນກວ່າເກົ່າ

ສະກູ໊ບພິເສດ Muan x the Standard

ບົດຄວາມນີ້ຂຽນຜ່ານການຮ່ວມມືລະຫວ່າງ Muan Specialty ແລະ The Secret Sauce

ຫຼາຍຄົນອາດຈະຄຸ້ນເຄີຍກັບຄຳເວົ້າທີ່ວ່າ: “ເຮົານິຢູ່ຍຸກໂລກາພິວັດແລ້ວ ເຮັດຫຍັງກໍງ່າຍ ສະດວກສະບາຍ ໄປມາຫາສູ່ກັນໄດ້ໝົດ ມີອິນເຕີເນັດຕິດຕໍ່ກັນໄດ້ທົ່ວໂລກ…”

ແຕ່ເຈົ້າຮູ້ບໍ່ວ່າຕອນນີ້ ໃນມິຕິຂອງທຸລະກິດ ສັງຄົມມະນຸດໂລກພວກເຮົາອາດຈະກຳລັງເຂົ້າສູ່ຍຸກທີ່ເອີ້ນວ່າ “Post-Globalization”

ຄຳວ່າ “Post-Globalization” ຫຼື ໂລກຍຸກຫຼັງໂລກາພິວັດ ເອົາແທ້ໆ ແລ້ວ ກໍບໍ່ແມ່ນຄຳສັບໃໝ່ໃນສາກົນ

ເພາະຄວາມຈິງທີ່ກຳລັງເກີດຂຶ້ນຢູ່ຕອນນີ້ ມີຜົນກະທົບກັບທຸກພາກສ່ວນ, ໃຜທີ່ບໍ່ໄດ້ຕິດຕາມຂ່າວສານສາກົນແດ່ ກໍອາດຈະນຳບໍ່ທັນວ່າ ໂລກທຸລະກິດຕອນນີ້ມັນກຳລັງເກີດ ຫຍັງຂຶ້ນຢູ່.

ບໍ່ວ່າຈະເປັນສົງຄາມການຄ້າ, ການໃຊ້ກຳແພງພາສີຕອບໂຕ້ກັນແລະກັນ, ຄວາມຂັດແຍ່ງທາງດ້ານພູມິລັດຖະສາດ (Geopolitical), ວິກິດການຕ່າງໆ ເຫຼົ່ານີ້ລ້ວນແລ້ວແຕ່ເປັນສັນຍານທີ່ຊັດເຈນວ່າ ຍຸກຮຸ່ງເຮືອງເຫຼືອງເຫຼື້ອມຂອງໂລກທຸລະກິດ ທີ່ເຄີຍເຊື່ອມໂຍງກັນຢ່າງລ່ຽນໄຫຼ ຄວາມຄ້າໄດ້ຂາຍມ່ອນ ອັນໃດກໍສະດວກໄປໝົດ ທີ່ເກີດຂຶ້ນຜ່ານມາກ່ອນໜ້ານີ້ ກຳລັງສິ້ນສຸດລົງ, ທຸລະກິດໃນປະເທດອຸດສາຫະກຳຕ່າງໆ ເລີ່ມຄິດຫາວິທີການກຸ້ມຕົນເອງໂດຍລຳພັງຫຼາຍຂຶ້ນ.

❔ແລ້ວຜູ້ປະກອບການ, ນັກທຸລະກິດ, ຊາວຄ້າຂາຍບ້ານເຮົາ ຄວນກັງວົງຫຍັງແດ່? ແລະ ຈະກຽມຕົວແນວໃດເພື່ອຄວ້າໂອກາດ ແລະ ຍັງສາມາດພາທຸລະກິດ ໄປຕະຫຼອດຮອດຝັ່ງ ໃນຍຸກທີ່ບໍ່ມີຫຍັງງ່າຍແບບນີ້:

⛓️‍????ການແບ່ງຂົ້ວ ແລະ ການແຍກກັນຂອງຕ່ອງໂສ້ອຸປະທານ (Decoupling)

ເປີດຫົວຂໍ້ທຳອິດກໍສັບຍາກລະ ???? ດຽວຄ່ອຍອ່ານໄປນໍາກັນ

ຈາກແຕ່ກ່ອນ, ຫຼັງຈາກທີ່ໂລກເຂົ້າສູ່ການເຊື່ອມຈອດແບບ Globalization ທຸລະກິດໃນບັນດາປະເທດພັດທະນາ ກໍເລີ່ມໄປລົງທຶນຢູ່ນອກປະເທດຫຼາຍຂຶ້ນ, ຂ້າມນ້ຳຂ້າມມະຫາສະໝຸດ, ຂ້າມທະວີບ ເພື່ອໄປຕັ້ງໂຮງຈັກໂຮງງານໃນບ່ອນທີ່ຕົ້ນທຶນຕ່ຳກວ່າ, ເພື່ອຫຼຸດຕົ້ນທຶນໃນການແຂ່ງຂັນ ແລະ ສ້າງກຳໄລໃຫ້ຫຼາຍທີ່ສຸດຕາມທິດສະດີ. ແຕ່ຕອນນີ້ ຫຼາຍທຸລະກິດ, ຫຼາຍບໍລິສັດໃນປະເທດຕ່າງໆ ເຫຼົ່ານັ້ນ ກຳລັງທົບທວນກົນລະຍຸດໃນການຍ້າຍຖານການຜະລິດກັບຄືນເຂົ້າປະເທດ (Re-shoring) ຫຼື ຍ້າຍໄປປະເທດໃກ້ຄຽງແທນ (Near-shoring) ເຊັ່ນ: ກົນລະຍຸດ “China Plus One” ທີ່ຍ້າຍຖານການຜະລິດບາງສ່ວນຈາກຈີນໄປປະເທດອື່ນໆ ໃນອາຊີຕາເວັນອອກຊ່ຽງໃຕ້ (ແຖວບ້ານເຮົານີ້ເອງ)

ສິ່ງນີ້ສ້າງໂອກາດໃຫ້ບັນດາປະເທດໃກ້ຄຽງພວກເຮົາໃນການດຶງດູດການລົງທຶນ ແຕ່ກໍໝາຍຄວາມວ່າ ທຸລະກິດກໍຕ້ອງເຈິກັບຄວາມຊັບຊ້ອນ ແລະ ຕົ້ນທຶນທີ່ອາດຈະເພີ່ມຂຶ້ນໃນການບໍລິຫານ “ຕ່ອງໂສ້ອຸປະທານ” ແບບນີ້.

♟️ຄວາມບໍ່ແນ່ນອນ ຄືເກມໄລຍະຍາວ

ຜູ້ປະກອບການ, ນັກທຸລະກິດ, ຊາວຄ້າຂາຍ ບໍ່ສາມາດວາງແຜນທຸລະກິດແບບເດີມໆ ຄືທີ່ຜ່ານມາໃນໄລຍະ 10-20 ປີຜ່ານມາໄດ້ອີກແລ້ວ, ເພາະຕ້ອງປະເມີນຄວາມສ່ຽງທາງດ້ານພູມິລັດຖະສາດ (Geopolitical Risk) ແລະ ວາງແຜນກົນລະຍຸດແບບໄລຍະຍາວ ມັນໄດ້ກາຍເປັນສິ່ງທີ່ຈຳເປັນ. ທຸລະກິດຄວນປະເມີນຄວາມສ່ຽງໃນທຸກມິຕິ ທັງທາງກົງ ແລະ ທາງອ້ອມ, ເຊັ່ນ: ສົມມຸດວ່າທຸລະກິດເຮົາເນັ້ນການສົ່ງອອກ ກໍຈະໄດ້ຮັບຜົນກະທົບຈາກການຂຶ້ນພາສີແບບໃໝ່ຢູ່ປາຍທາງທີ່ມີການອັບເດດຖີ່ຂຶ້ນ, ຖ້າເປັນການນຳເຂົ້າ ຕົ້ນທຶນວັດຖຸດິບນຳເຂົ້າກໍມີຄວາມຜັນຜວນສູງ, ຫຼື ລາຄາພະລັງງານສູງຂຶ້ນ, ຫຼື ຊ້ຳຮ້າຍສຸດໆ ແບບປິດປະເທດຄືຕອນໂຄວິດ ເຮົາກໍບໍ່ອາດຄາດເດົາໄດ້ອີກຕໍ່ໄປແລ້ວ.

❔ແລ້ວຜູ້ປະກອບການ-ນັກທຸລະກິດຊາວຄ້າຂາຍເຮົາຄວນຮັບມືແນວໃດ ໃນຍຸກຫຼັງໂລກາພິວັດ

ຕ້ອງຄິດແບບລະດັບສາກົນ + ດຳເນີນການແບບທ້ອງຖິ່ນ

ອະທິບາຍເສີມກໍຄື ສິນຄ້າ-ການບໍລິການຂອງເຮົາຕ້ອງພັດທະນາໃຫ້ມີມາດຕະຖານທີ່ສາກົນຍອມຮັບ, ໃສ່ໃຈລາຍລະອຽດ ກົນລະຍຸດການຕະຫຼາດແບບແຜນທີ່ສາກົນເຮັດ (ດຽວນີ້ຄວາມຮູ້ນອກຫ້ອງຮຽນໃນອິນເຕີເນັດເຂົ້າເຖິງໄດ້ງ່າຍຫຼາຍແລ້ວ ສ່ວນໃຫຍ່ບໍ່ໄດ້ເສຍເງິນ) ແຕ່ຕ້ອງໃຊ້ຄວາມເປັນທ້ອງຖິ່ນ ປະສົມປະສານຄວາມຄິດສ້າງສັນພື້ນບ້ານ ໃຫ້ເປັນຄວາມໄດ້ປຽບໃນການແຂ່ງຂັນ.

ປັບຕ່ອງໂສ້ອຸປະທານ

ລອງທົບທວນ ແລະ ປັບຕ່ອງໂສ້ອຸປະທານຂອງຕົນເອງ ຫຼຸດການເພິ່ງພາແຫຼ່ງຜະລິດຈາກບ່ອນດຽວ,​ ລອງຊອກຫາວັດຖຸດິບທາງເລືອກທັງພາຍໃນ ແລະ ຕ່າງປະເທດ, ເພື່ອເສີມຄວາມຍືດຍຸ່ນ ບໍ່ລົ້ມໄປທັງໝົດຖ້າຫາກເກີດມີວິກິດ.

ພັດທະນາຕະຫຼາດໃນພາກພື້ນ

ຕິດຕາມຂ່າວສານ ແລະ ຂໍ້ຕົກລົງທາງການຄ້າຕ່າງໆ ເພື່ອເຊື່ອມໂຍງກັບຕະຫຼາດໃນພາກພື້ນ ແລະ ຫຼຸດການເພິ່ງພິງຕະຫຼາດໃດຕະຫຼາດໜຶ່ງດົນຈົນເກີນໄປ.

ລົງທຶນໃນເທັກໂນໂລຊີດິຈິຕອລ

ການຄ້າຂາຍ ແລະ ບໍລິການດິຈິຕອລ ຈະມີຄວາມສຳຄັນຫຼາຍຂຶ້ນໄປອີກ, ການມີຫຼັງບ້ານທີ່ແຂງແຮງດ້ວຍລະບົບດິຈິຕອລ ຊ່ວຍໃຫ້ເຂົ້າເຖິງຕະຫຼາດຕ່າງປະເທດ ແລະ ໃຊ້ລະບົບດິຈິຕອລໃນການບໍລິຫານຈັດການຕ່ອງໂສ້ອຸປະທານໃຫ້ມີປະສິທິພາບ ແລະ ກວດສອບໄດ້.

ການທີ່ທຸລະກິດຂອງເຈົ້າ ຈະຢູ່ລອດຫຼືບໍ່ໃນໂລກຫຼັງຍຸກໂລກາພິວັດນີ້ ຜູ້ປະກອບການ-ນັກທຸລະກິດຊາວຄ້າຂາຍ ຕ້ອງ “ອ່ານໂລກໃຫ້ອອກ” ແລະ “ກ້າທີ່ຈະປັບຕົວ” ຊອກຫາໂອກາດທີ່ກຳລັງເຄື່ອນຕົວໄປ ການມີຈິດວິນຍານຂອງຜູ້ປະກອບການທີ່ພ້ອມຍືດຍຸ່ນ ຄ່ອງແຄ້ວ ຈະເປັນກະແຈສຳຄັນໃນການນຳພາທຸລະກິດໃຫ້ກ້າວຜ່ານຄວາມທ້າທາຍ ແລະ ເຕີບໂຕຢ່າງໝັ້ນຄົງຍືນຍົງ.

ຮ່ວມຄົ້ນຫາ ກະແຈທີ່ຈະມາປົດລັອກຈິດວິນຍານຜູ້ປະກອບການ ທີ່ຈະພາເຈົ້າໄປຕະຫຼອດລອດຝັ່ງໃນໂລກທຸລະກິດຫຼັງໂລກາພິວັດ ກັບ “ປີສາດຜູ້ປະກອບການ” ຕົວຈິງ ໃນງານ The Secret Sauce Summit 2025 ເທດສະການທຸລະກິດສຳລັບຜູ້ປະກອບການທີ່ໃຫຍ່ທີ່ສຸດໃນໄທ

???? Early Bird ຈາກທີມ “ມ່ວນ” ລາຄາພິເສດ ຈຳກັດພຽງ 1,000 ທີ່ນັ່ງເທົ່ານັ້ນ

https://muan.space/go/MuanxTSD_The-SecretSauceSummit2025

The Secret Sauce Summit 2025

???? 16-17 September 2025 | UOB LIVE 6 Floor, EMSPHERE