|
Getting your Trinity Audio player ready...
|
PETH PMM ກັບມາແລ້ວຫຼັງຈາກຫ່າງຫາຍກັນໄປດົນເຖິງ 3 ປີ ແລະ ຄັ້ງນີ້ກໍໄດ້ນຳເພງໃໝ່ມາຝາກທຸກຄົນກັນໃນເພງທີ່ມີຊື່ວ່າ Louis V ໄດ້ PETEZEN & GEMI9PK ມາຮ່ວມຮ້ອງ. ແນວເພງກໍແມ່ນເປັນສະໄຕລ໌ Hip-Hop ທີ່ຮູ້ສຶກວ່າຟັງໄດ້ງ່າຍໆ ແລະ ໂຢກຕາມໄດ້.
PETH PMM ມີເພງດັງທີ່ຫຼາຍຄົນກໍຮູ້ຈັກ ແລະ ເຄີຍໄດ້ຟັງກັນມາກ່ອນຢ່າງເພງ “ໃຫ້ອ້າຍໄປສົ່ງ (2019)” ປັດຈຸບັນຍອດວິວກໍສູງເຖິງ 9 ລ້ານວິວແລ້ວ, ເພງນີ້ກໍຖືວ່າເປັນເພງທີ່ເຮັດໃຫ້ PETH PMM ແມ່ນມີແຟນເພງເພີ່ມຂຶ້ນດ້ວຍການປະສົມປະສານການແຣັບທີ່ເມົາມັນ ແລະ ສຽງແຄນດົນຕີລາວ.
ພວກເຮົາມາຕໍ່ກັນທີ່ເພງ “Louis V” ເພງໃໝ່ຫຼ້າສຸດທີ່ຢາກບອກວ່າມ່ວນບໍ່ແພ້ກັນເລີຍ ແລະ ຍັງມີຄວາມອິນເຕີສຸດໆ, ໃຜທີ່ມັກຖືກເປ ຫຼື ເປັນສາຍເປຕ້ອງຟັງເພງນີ້ເລີຍມັນລະມຸນຖືກໃຈ.
ການຮ້ອງຂອງທັງສາມຄົນ PETH PMM ກັບແຣັບສຽງນຸ້ມນວນ, PETEZEN ແຮັບສຽງເທ້ໆ ແລະ GEMI9PK ແຣັບສຽງແຫບທຸ້ມຕໍ່າ ພໍມາຮ້ອງເພງດ້ວຍກັນແລ້ວແມ່ນລົງຕົວ ແລະ ເປັນເອກະລັກຂອງແຕ່ລະຄົນຢ່າງຊັດເຈນ.
ໂດຍ: ທີມບັນນາທິການ Muan
