ໃຜທີ່ເປັນແຟນລາຍການເລົ່າເລື່ອງຜີຍອດນິຍົມຈາກປະເທດໄທ “The Ghost Radio” ທີ່ດຳເນີນລາຍການໂດຍ ພີ່ແຈັກ ຢູ່ແລ້ວ ຄືຊິຄຸ້ນເຄີຍກັບເລື່ອງເລົ່າສຸດສະຫຍອງຂວັນຈາກຜູ້ຟັງຫຼາຍໆບ່ອນໃນໄທ ຫຼື ຕ່າງປະເທດ. ແຕ່ຮູ້ບໍ່ວ່າ ບາງເລື່ອງທີ່ໂທເຂົ້າມາເລົ່ານັ້ນ ເປັນປະສົບການທີ່ເກີດຂຶ້ນຢູ່ປະເທດລາວເຮົານີ້ເອງ.

ມື້ນີ້ເຮົາຈຶ່ງໄດ້ລວບລວມ 4 ເລື່ອງຫຼອນທີ່ເກີດຂຶ້ນໃນລາວ ທີ່ຟັງແລ້ວຈະເຮັດໃຫ້ຮູ້ສຶກມີຂົນລຸກໄປພ້ອມໆກັນ.

ຖ້າໃຜທີ່ມັກເລື່ອງຜີ ແລະບໍ່ຢ້ານກໍລອງໄປຊອກຟັງເລື່ອງເຕັມໆໄດ້, ຮັບປະກັນວ່າຂົນຫົວລຸກແນ່ນອນ. ແຕ່ຖ້າໃຜຢ້ານ, ກໍຂໍໃຫ້ຟັງດ້ວຍຄວາມລະມັດລະວັງ!

ໝາຍເຫດ: ເປັນຄວາມເຊື່ອສ່ວນບຸກຄົນ ຟັງເພື່ອຄວາມບັນເທີງກໍບໍ່ເສຍຫາຍ.

ເຮືອນພັກທາງພາກໃຕ້

ເລື່ອງຂອງ ຄຸນເບັນ ທີ່ໂທມາເລົ່າ. ລາວໄດ້ໄປທ່ອງທ່ຽວລາວກັບກຸ່ມໝູ່ ແລະ ແຟນ ລວມທັງໝົດ 13 ຄົນ.

ພວກເຂົາໄດ້ເຂົ້າພັກຢູ່ເຮືອນພັກຫຼັງໜຶ່ງໃນຣີສອດເຂດຊົນນະບົດທາງພາກໃຕ້.

ຢູ່ນັ້ນ ໝູ່ຂອງລາວໄດ້ພົບກັບເຫດການແປກປະຫຼາດ ເຊັ່ນ: ຝັນເຫັນຜູ້ຍິງເຖົ້າ ແລະ ເຫັນພາບຜູ້ຍິງເຖົ້າຄົນດຽວກັນນັ້ນປາກົດຕົວຢູ່ໃນເຮືອນພັກ ແລະ ບໍລິເວນຣີສອດ ເຊິ່ງຄົນໃນທ້ອງຖິ່ນໄດ້ບອກວ່າເປັນເຈົ້າທີ່ຢູ່ບ່ອນນັ້ນ.

ໂຮງແຮມຢູ່ວັງວຽງ

ເລື່ອງນີ້ຖືກເລົ່າໂດຍ ຄຸນນົກ ທີ່ໄດ້ມາເຮັດໂຄງການຢູ່ລາວເມື່ອ 15 ປີກ່ອນ ແລະ ໄດ້ເຂົ້າພັກຢູ່ໂຮງແຮມແຫ່ງໜຶ່ງຢູ່ວັງວຽງ.

ລາວໄດ້ພັກກັບອາຈານຄົນໜຶ່ງໃນທີມງານ. ໃນຄືນທຳອິດ, ລາວໄດ້ພົບກັບເຫດການຫຼອນໆຢ່າງໜັກໜ່ວງ ເຊັ່ນ: ຄວາມຮູ້ສຶກເຢັນໆ, ປະຕູຫ້ອງເປີດເອງທັງທີ່ລັອກແລ້ວ ແລະ ຖືກຜີອຳຈົນເຫັນຫົວຄົນຢູ່ເທິງໜ້າເອິກ.

ຕໍ່ມາຈຶ່ງໄດ້ຮູ້ຈາກໄກ້ວ່າຫ້ອງທີ່ພວກເຂົາພັກນັ້ນເຄີຍມີຄົນໄທຫົວໃຈວາຍເສຍຊີວິດຢູ່ເທິງຕຽງທີ່ລາວນອນນັ້ນເອງ.

ໂຮງແຮມຢູ່ວຽງຈັນ

ເລື່ອງນີ້ແມ່ນຈາກ ຄຸນຟ້າ ທີ່ໄດ້ເດີນທາງມາເຮັດວຽກຢູ່ວຽງຈັນເມື່ອຫຼາຍປີກ່ອນ.

ລາວໄດ້ເຂົ້າພັກຢູ່ໂຮງແຮມແຫ່ງໜຶ່ງ ແຕ່ກໍຕ້ອງພົບກັບເຫດການແປກໆຫຼາຍຢ່າງ ເຊັ່ນ: ນ້ຳໄຫຼເອງໃນຫ້ອງ, ມີສຽງລາກຕັ່ງຈາກຊັ້ນເທິງທັງທີ່ບໍ່ມີໃຜພັກຢູ່ ແລະ ຍັງມີເຫດການຫຼອນໆ ຢູ່ຫ້ອງການທີ່ລາວໄດ້ເຊົ່າໄວ້ອີກ.

ເລື່ອງນີ້ເຮັດໃຫ້ລາວຕ້ອງຍ້າຍອອກຈາກໂຮງແຮມແບບກະທັນຫັນ ແລະ ຕ້ອງໄດ້ເຮັດບຸນເພື່ອປັດເປົ່າສິ່ງບໍ່ດີອອກໄປ.

ເລື່ອງຈາກອາຊີບ “ຂົນສົບ”

ເລື່ອງນີ້ເປັນເລື່ອງຈາກອີເມວທີ່ຖືກສົ່ງມາຈາກ ແກ້ວ ທີ່ເຮັດທຸລະກິດໂລງສົບ ແລະ ການຂົນສົ່ງສົບຢູ່ປະເທດລາວ.

ລາວໄດ້ເລົ່າເຖິງປະສົບການທີ່ລົດຂົນສົບຂອງລາວຖືກວິນຍານຂອງຄົນຕາຍຕິດຕາມກັບມາຮອດເຮືອນ. ຕໍ່ມາ, ຍັງມີສຽງໝາຫອນ ແລະ ສຽງແມ່ຍິງຮ້ອງໄຫ້ຢ່າງຕໍ່ເນື່ອງ.

ເລື່ອງນີ້ໄດ້ສະທ້ອນໃຫ້ເຫັນເຖິງຄວາມເຊື່ອ ແລະ ປະເພນີຕ່າງໆກ່ຽວກັບການງານສົບໃນລາວ, ໂດຍສະເພາະຄວາມເຊື່ອທີ່ວ່າຄົນຕາຍຈະເລືອກໂລງສົບຂອງຕົນເອງ.